க்ரெம் மௌம்லூ என்று பிரபலமாக வழங்கப்படும் மௌம்லூ குகை இந்தியத் துணைக் கண்டத்தின் நான்காவது நீளமான குகை ஆகும். சுமார் 4,503 மீட்டர் அளவிலான அசரடிக்கும் நீளத்துடன் காணப்படும் இது, இப்பகுதியின் முன்னணி சுற்றுலா ஈர்ப்புகளுள் ஒன்றாகும்.
இந்த குகைக்கு ஒன்றுக்கு மேற்பட்ட நுழைவு வாயில்கள் உள்ளன. இவற்றுள் சில மிகவும் அபாயகரமானவையாகும். எனவே, பாதுகாப்பாக உள்ளே செல்ல, சற்று அதிகமான உயரத்தில் (நில மட்டத்திலிருந்து சுமார் 10 அடி உயரத்தில்), லும் லாபாவின் மேற்கு விளிம்பில் காணப்படும் நுழைவு வாயிலைத் தேர்ந்தெடுக்கலாம்.
இந்த குகையின் உள்ளே தடம் பதித்துச் செல்லும் ஐந்து ஆறுகளினால் உருவாக்கப்பட்டுள்ள ஒரு அழகிய குளத்தை இக்குகையின் உட்புறத்தில் காணலாம்.
மௌஸ்மாய் குகை போலன்றி, மௌம்லூ குகை மிகவும் அபாயகரமானது என்பதை கவனத்தில் கொள்வது மிகவும் அவசியம். எனவே, இக்குகைக்குள் செல்வதற்கு முன் விசேஷ பாதுகாப்பு ஏற்பாடுகள் மற்றும் தயாரிப்புகள் தேவைப்படும்.
ஷில்லாங்கிலிருந்து இயக்கப்படும் சுற்றுலாக் கார் மூலம் செல்வதே, மௌம்லூ குகைக்கு செல்வதற்கான மிகவும் சிறந்த மற்றும் எளிதில் சாத்தியமாகக்கூடிய வழியாகும்.