ஆசியாவின் மிகப்பெரிய சேரிப் பகுதியாகத்தான் தாராவி இன்று மக்கள் மத்தியில் பிரபலம். ஆனால் பல ஆண்டுகளாக இந்தப் பகுதி அதன் லெதர் உற்பத்தியில் உலக அளவில் பல சாதனைகளை செய்திருக்கிறது.
உலகில் வேறு எங்கு சென்றாலும் தாராவியில் கிடைப்பது போன்ற லெதர் பொருட்களை அதேபோல மிகக் குறைந்த விலையில், சிறந்த தரத்துடன் வாங்குதேன்பது இயலாத காரியம்.
இங்கு கிடைக்கும் சில பொருட்கள், பிரபல பிராண்டுகளின் போலியாக இருப்பினும் அதன் தரத்தில் நீங்கள் ஒரு குறையும் காண முடியாது. அதிலும் ஒரு சில பொருட்கள் அசலை விட தரமானதாகக் கூட இருக்கும்.எனவே பெரும்பாலான மும்பை நகர வாசிகள் இங்கு விற்கப்படும் பொருட்களின் நிலைத்தன்மையின் மீது மிகுந்த நம்பிக்கை வைத்துள்ளனர்.
ஒருவேளை நீங்கள் வெளிநாட்டினராக இருக்கும் பட்சத்தில், தாராவியின் வியாபாரிகள் உங்களிடம் அதிக விலைக்கு பொருட்களை விற்கப் பார்க்கலாம். ஆதலால் உங்களின் உள்நாட்டு நண்பர் யாரையாவது உடன் அழைத்துச் செல்வது நல்லது.