Search
  • Follow NativePlanet
Share

யஸ்மார்க் - மலையேரிகளின் சொர்கம்!

6

ஸ்ரீநகரிலிருந்து சுமார் 50 கி.மீ தொலைவில், பட்காம் மாவட்டத்தில், அமைந்துள்ள ஒரு சிறு நகரமான யஸ்மார்க், அதன் அழகுக்கு மிகவும் பெயர் போனதாகும். இவ்விடம், கடல் மட்டத்திலிருந்து சுமார் 7500 அடி உயரத்தில், பிர்பஞ்சல் மலைத்தொடரில் அமைந்துள்ளது. இயற்கை காதலர்களுக்கு பூரணமான சுற்றுலாத்தலமாக உள்ள யஸ்மார்க், உல்லாசப் பயணிகளுக்கு, பள்ளத்தாக்குகள், மலைமுகடுகள், மற்றும் புல்வெளிகளின், அகல விரிந்த கண் கொள்ளாக் காட்சிகளை விருந்தாக்குகிறது.

இங்கு வருவோர், மலையேற்றம், பனிச்சறுக்கு, மற்றும் குதிரையேற்றம் போன்ற விளையாட்டுக்களிலும் ஈடுபடுகின்றனர். இங்கிருந்து, சுமார் 4 கி.மீ. தொலைவில் அமைந்துள்ள நீல்நாக், மலையேற்றத்துக்கான தொடக்கப் புள்ளியாய்த் திகழ்கிறது.

நீல்நாக் ஏரி, தத்தாகுதி மலை, மற்றும் சாங்-இ-சஃபேத் ஆகியவை யஸ்மார்க்கின் சில பிரபலமான சுற்றுலா ஈர்ப்புகள். அதன் அழகிய நீல நிற தண்ணீருக்காக பெரிதும் பேசப்படுகின்ற நீல்நாக் ஏரி, அருமையான ஒரு உல்லாச பயணத்தை அளிக்கவல்லதாகவும் கருதப்படுகிறது.

கடல் மட்டத்திலிருந்து சுமார் 15500 அடியில் அமைந்துள்ள தத்தாகுதி மலையை, யஸ்மார்க்கிலிருந்து கால்நடை மூலமாகவோ அல்லது குதிரைச் சவாரி மூலமாகவோ அடையலாம்.

முட்டை வடிவில் அமைந்துள்ள புல்வெளியான, சாங்-இ-ஸஃபேத், உல்லாசப் பயணங்களுக்கு பொருத்தமான ஒரு ஸ்தலமாகும். இதற்குச் செல்லும் வழியில், பயணிகள், ஹாய்கின் மற்றும் லிட்டர்மர் புல்வெளிகளின் அழகையும் ரசித்துக் கொண்டே செல்லலாம்.

யஸ்மார்க்கை, வான், இரயில் மற்றும் சாலை வழி போக்குவரத்து சேவைகள் மூலம் எளிதாக அடையலாம். முக்கிய நகரங்களான ஷிம்லா, சண்டிகர், மும்பை மற்றும் டெல்லி ஆகியவற்றுடன் நன்கு இணைக்கப்பட்டுள்ள ஸ்ரீநகர் விமான நிலையம், டெல்லியில் உள்ள சர்வதேச விமான நிலையம், மற்றும் ஜம்முதாவி இரயில் நிலையம் ஆகியவை யஸ்மார்க்குக்கு அருகாமையில் உள்ளன. யஸ்மார்க செல்ல, வழக்கமான மற்றும் நேரடி பேருந்துகள், ஸ்ரீநகரிலிருந்து ஏராளமாக உள்ளன.

யஸ்மார்க் பகுதி, துணை வெப்ப மண்டல வானிலையை கொண்டுள்ளது. இப்பகுதியில், கோடைகள் இதமாகவும்; குளிர்காலங்கள் குளிரோடும், மிதமான பனிப்பொழிவோடும் காணப்படுகின்றன.

மே முதல் ஆகஸ்ட் வரை நீடிக்கும் கோடைகாலமும், அக்டோபர் முதல் மார்ச் வரை நீடிக்கும் குளிர்காலமும், இங்கு செல்வதற்கு ஏற்ற காலகட்டங்கள் ஆகும்.

யஸ்மார்க் சிறப்பு

யஸ்மார்க் வானிலை

சிறந்த காலநிலை யஸ்மார்க்

  • Jan
  • Feb
  • Mar
  • Apr
  • May
  • Jun
  • July
  • Aug
  • Sep
  • Oct
  • Nov
  • Dec

எப்படி அடைவது யஸ்மார்க்

  • சாலை வழியாக
    யஸ்மார்க் செல்வதற்கான பேருந்துகள், சுமார் 47 கி.மீ தொலைவில் அமைந்துள்ள, ஸ்ரீநகரிலிருந்து எளிதாகக் கிடைக்கின்றன. சுற்றுலாப் பயணிகள், டெல்லி, ஜம்மு, சண்டிகர், லே மற்றும் பஹலகம் ஆகிய ஊர்களிலிருந்தும் பேருந்துகள் மூலம் ஸ்ரீநகரை அடையலாம். விலை குறைவாகவும், அதே சமயம் வசதியான பயணத்தையும் வழங்கக்கூடிய ஜே & கே மாநில சாலைப் போக்குவரத்துக் கழகப் (ஜே & கே எஸ்ஆர்டிஸி) பேருந்துகள் மூலமும் ஸ்ரீநகரை அடையலாம்.
    திசைகளைத் தேட
  • ரயில் மூலம்
    யஸ்மார்க்குக்கு அருகில் அமையப்பெற்றுள்ள இரயில் நிலையம், ஜம்முதாவி இரயில் நிலையமே ஆகும். இந்நிலையம், முக்கிய நகரங்களான பெங்களூரு, டெல்லி மற்றும் சென்னை மட்டுமல்லாது, பிற நகரங்களுடனும், இரயில்கள் மூலம் நன்கு இணைக்கப்பட்டுள்ளது. இரயிலில் வரும் பயணிகள், டாக்ஸி அல்லது பேருந்து மூலம் யஸ்மார்க்கை அடையலாம்.
    திசைகளைத் தேட
  • விமானம் மூலம்
    ஷேக்-உல்-ஆலம் விமான நிலையம் என்று பிரபலமாக அழைக்கப்படும் ஸ்ரீநகர் விமான நிலையமே, யஸ்மார்க்குக்கு அருகாமையில் அமையப்பெற்றுள்ள விமான நிலையம் ஆகும். இந்நிலையம், நாட்டின் முக்கிய நகரங்களான, டெல்லி, மும்பை, சண்டிகர் மற்றும் ஷிம்லா மட்டுமல்லாது பிற நகரங்களுடனும், விமானங்கள் மூலம் நன்கு இணைக்கப்பட்டுள்ளது. டெல்லியில் உள்ள இந்திரா காந்தி சர்வதேச விமான நிலையமே, யஸ்மார்க்குக்கு அருகாமையில் அமைந்துள்ள சர்வதேச விமான நிலையம் ஆகும். இது, ஸ்ரீநகரிலிருந்து சுமார் 876 கி.மீ தொலைவில் அமைந்துள்ளது. விமான நிலையத்திலிருந்து, டாக்ஸி அல்லது பேருந்துகள் மூலம் யஸ்மார்க் செல்லலாம்.
    திசைகளைத் தேட
One Way
Return
From (Departure City)
To (Destination City)
Depart On
29 Mar,Fri
Return On
30 Mar,Sat
Travellers
1 Traveller(s)

Add Passenger

  • Adults(12+ YEARS)
    1
  • Childrens(2-12 YEARS)
    0
  • Infants(0-2 YEARS)
    0
Cabin Class
Economy

Choose a class

  • Economy
  • Business Class
  • Premium Economy
Check In
29 Mar,Fri
Check Out
30 Mar,Sat
Guests and Rooms
1 Person, 1 Room
Room 1
  • Guests
    2
Pickup Location
Drop Location
Depart On
29 Mar,Fri
Return On
30 Mar,Sat