குதுப்மினார் - கொஞ்சம் வரலாறு, கொஞ்சம் சுற்றுலா

குதுப்மினாரின் சிறப்பு:

* 74மீ உயரம் கொண்ட குதுப்மினார் தான் உலகத்திலேயே செங்கற்களால் கட்டப்பட்ட மிக உயரமான தூபி ஆகும்.

* குதுப்மினார் மற்றும் இதனை சுற்றியிருக்கும் மற்ற வரலாற்று சிதலங்கள் அனைத்தும் யுனெஸ்கோ அமைப்பினால் உலக புராதன சின்னங்களில் ஒன்றாக அங்கீகரிக்கப்பட்டு பராமரிக்கப்படுகிறது.

Saad Akhtar

யாரால் எப்போது கட்டப்பட்டது?

* கி.பி 1200ஆம் ஆண்டு தில்லி சுல்த்தான் வம்சத்தை தோற்றுவித்தவரான குதுப் உதின் ஐபக் என்பவரால் குதுப்மினார் கட்டப்பட்டிருக்கிறது. இவருக்கு பின்னர் வந்த இல்துமிஷ் என்பவர் கி.பி 1220ஆம் ஆண்டுகுதுப்மினாரில் மேலும் இரண்டு அடுக்குகளை கட்டியிருக்கிறார்.

* 1369ஆம் ஆண்டு இடி தாக்கியதன் காரணமாக சிதலமடைந்தகுதுப்மினாரை பிரோஸ் ஷாஹ் துக்ளக் என்ற மன்னன் புனரமைத்ததோடு மட்டுமில்லாமல் மேலும் செங்கற்கள் மற்றும் பளிங்கு கற்களை கொண்டு மேலும் இரண்டு அடுக்குகளை புதிதாக கட்டியிருக்கிறான்.

Koshy Koshy

பெயர் காரணம்:

குதுப்மினாருக்கு எப்படி இந்த பெயர் வந்தது என்பதற்கு இருவேறு காரணங்கள் சொல்லப்படுகின்றன.

* இதை கட்டுவதற்கு உத்தரவிட்டது குதுப் உதின் ஐபக் என்பதால் அவரின் பெயரில் இருந்துகுதுப்மினார் என்று சூட்டப்பட்டதாக சொல்லப்படுகிறது.

*குதுப்மினார் கட்டபப்ட்ட காலத்தில் டெல்லியில் மிகப்பிரபலமாக விளங்கிய சூபி ஞானி குதுபுதின் பக்தியர் காகி என்பவரின் பெயரில் இருந்தும் இக்கட்டிடதிற்க்கான பெயர் வந்திருக்கலாம் என்றும் கூறப்படுகிறது.

Manish Vohra

கட்டிட அமைப்பு:

*தூபி என்பது இஸ்லாமிய கட்டிடக்கலையின் முக்கிய அம்சங்களில் ஒன்றாகும். மசூதிகளில் நாம் பார்க்கும் உயரமான தூண்கள் தான் தூபி எனப்படுபவை. அக்காலத்தில் செய்திகளை தெரிவிக்கவும், போர் பற்றிய எச்சரிக்கைகளை அனுப்பவும், தொழுகை செய்வதற்கான நேரம் ஆகிவிட்டதை சுட்டிக்காட்டவும் இந்த தூபிகள் கட்டப்பட்டிருக்கின்றன.

*அப்படிப்பட்ட தூபிக்களில் ஒன்றான குதுப்மினாரில் குரானின் வாசகங்கள் பொறிக்கப்பட்டுள்ளன. இது துருக்கிய மற்றும் பெர்சிய நாட்டு கலை அம்சங்களை உள்ளடக்கிய அழகியதொரு கட்டிடமாக உயர்ந்து நிற்கிறது.

sandeepachetan.com travel

துருப்பிடிக்காத தூண்:

* குதுப்மினார் வளாகத்தில் குப்தர்கள் காலத்தில் நிறுவப்பட்ட இரும்புத்தூண் ஒன்றையும் நாம் காணலாம். இது கிட்டத்தட்ட 2000வருடங்களாக இதே இடத்தில் கொஞ்சம் கூட துருப்பிடிக்காமல் நிற்பது ஒரு அறிவியல் அதிசயமாகும்.

* குதுப்மினார் கட்டப்படுவதற்கு பல வருடங்கள் முன்பிருந்தே இருக்கும் இந்த இரும்புத்தூனில் 'பிராமி' எழுத்துக்குறிப்புகள் காணப்படுகின்றன.

Koshy Koshy

விபத்து:

*அமெரிக்காவில் உள்ள சுதந்திர தேவி சிலையினுள் எப்படி படிக்கட்டுகள் மூலம் அதன் உச்சிக்கு சென்று பார்க்கலாமோ அதுபோலத்தான் குதுப்மினாரின் உள்ளும் அதன் உச்சி வரை மக்கள் சென்று பார்க்க அனுமதிக்கப்பட்டுள்ளனர்.

*ஆனால், டிசம்பர்4,1981ஆம் ஆண்டு இதனுள் நடந்த கூட்ட நெரிசலில் சிக்கி நாற்பதுக்கும் அதிகமான மக்கள் பலியாகியிருக்கின்றனர். அதன் பிறகு பொதுமக்கள் இதனுள் சென்றுவர தடைவிதிக்கப்பட்டது.

Sakeeb Sabakka

குதுப் வளாகம்:

குதுப்மினார் இருக்கும் குதுப் வளாகத்தில்அலா இ மினார்,குவாத்துல் இஸ்லாம் மசூதி,இமாம் ஜமின் டூம் (கல்லறை),அலாவுதீன் கில்ஜி கல்லறை,சுல்தான் காரி நினைவுச்சின்னம் போன்ற இடங்களும் இருக்கின்றன.

குதுப்மினாரின் வரலாற்றோடு பின்னிப்பிணைத்த இந்த இடங்களுக்கும் சென்று கட்டாயம் பார்வையிடுங்கள்.

choubb

சுற்றுலா:

தில்லியின் கலைச்சின்னங்களில் ஒன்றான இந்த குதுப்மினார் பற்றிய மேலும் பல சுவாரஸ்யமான தகவல்களையும், இந்த இடத்தை எப்படி சென்றடைவது, இதனருகில் இருக்கும் ஹோட்டல்கள் என்னென்ன என்பது பற்றிய விவரங்களையும் தமிழ் பயண வழிகாட்டியில் தெரிந்துகொள்ளுங்கள்.

Nick Dawson

குதுப்மினார் - புகைப்படங்கள்

குதுப்மினார்!!

Barney Moss

குதுப்மினார் - புகைப்படங்கள்

குதுப்மினார்!!

AHLN

குதுப்மினார் - புகைப்படங்கள்

குதுப்மினார்!!

Swaminathan

குதுப்மினார் - புகைப்படங்கள்

குதுப்மினார்!!

TANAKA Juuyoh (田中十洋)

குதுப்மினார் - புகைப்படங்கள்

குதுப்மினார்!!

Sakeeb Sabakka

குதுப்மினார் - புகைப்படங்கள்

குதுப்மினார்!!

Koshy Koshy

குதுப்மினார் - புகைப்படங்கள்

குதுப்மினார்!!

choubb