இந்தியாவில் இருக்கும் மிகச்சிறந்த கடற்கரை எது தெரியுமா ?

ஹெவ்லொக் தீவு, அந்தமான் :

வங்காள விரிகுடாவில் இருக்கும் இந்தியாவின் யூனியன் பிரதேசங்களில் ஒன்றான அந்தமான் தீவுக்கூட்டங்களில் உள்ள ஹெவ்லொக் தீவில் அமைந்திருக்கும் 'ராதாநகர் கடற்கரை' தான் இந்தியாவின் மிகச்சிறந்த கடற்கரையாக சொல்லப்படுகிறது.

Photo:mOTHrEPUBLIC

ஹெவ்லொக் தீவு, அந்தமான் :

வார்த்தைகளால் விவரிக்கமுடியாத அழகுடையாத இருக்கிறது இந்த கடற்கரை. சற்றும் மாசுபடாத வெள்ளை மணல், வானம் கீழிறங்கி வந்ததுபோல நீல நிறத்தில் இருக்கும் கடல், கடற்கரையை ஒட்டியே பசுமை நிறைந்த காடுகள் என ஒரு இயற்கை சொர்க்கமாகும் இந்த ராதாநகர் கடற்கரை.

Photo:Ankur P

ஹெவ்லொக் தீவு, அந்தமான் :

இந்த கடற்கரையில் நின்று சூரிய உதயம் மற்றும் அஸ்த்தமனத்தை காண்பது நிச்சயம் நம் வாழ்வில் என்றுமே மறக்க முடியாத இனிய நினைவாக இருக்கும். சூரியனின் பொன்னிற கதிர்கள் வெள்ளை மணலில் பிரதிபலிப்பது கொள்ளை அழகாக இருக்கும்.

Photo:Algae Rhythm

ஹெவ்லொக் தீவு, அந்தமான் :

இந்த கடற்கரையானது பிரபல டைம்ஸ் பத்திரிக்கையால் ஆசியாவின் சிறந்த கடற்கரையாகவும், உலகின் ஏழாவது மிகச்சிறந்த கடற்கரையாகவும் தேர்ந்தெடுக்கப்பட்டுள்ளது.

Photo:Algae Rhythm

ஹெவ்லொக் தீவு, அந்தமான் :

இந்த கடற்கரையில் கடலின் சீற்றம் குறைவாக இருப்பதால் கடலில் குளிப்பதற்கும் இந்த கடற்கரை சிறந்ததொரு இடமாக சொல்லப்படுகிறது. சில நேரங்களில் இந்த கடற்கரையில் முதலைகள் நடமாட்டம் இருப்பதாகவும் சொல்லப்படுகிறது. இங்கே குளிக்கும் முன் சுற்றுலாபயணிகள் அதனை கவனத்தில் கொள்ளவேண்டியதும் அவசியமாகும்.

Photo:Algae Rhythm

ஹெவ்லொக் தீவு, அந்தமான் :

2 கி.மீ நீளம் கொண்ட இந்த கடற்கரையானது ஹெவ்லொக் தீவின் துறைமுகத்தில் இருந்து 12கி.மீ தொலைவில் அமைந்திருக்கிறது. நவம்பர் - மார்ச் வரையிலான காலகட்டத்தில் இங்கே ஏராளமான சுற்றுலாப்பயணிகள் வருகின்றனர்.

Photo:Joseph Jayanth

ஹெவ்லொக் தீவு, அந்தமான் :

வேறு எந்த கடற்கரையிலும் இல்லாத ஒரு அம்சமாக இந்த ராதாநகர் கடற்கரையில் நாம் யானையின் மீது அமர்ந்து சவாரி செய்யலாம். மேலும் செறிவான கடல் வளத்தை கொண்டுள்ள இந்த பகுதியில் ஸ்கூபா டைவிங் விளையாட்டும் நடத்தப்படுகிறது.

Photo:Algae Rhythm

ஹெவ்லொக் தீவு, அந்தமான் :

ஹெவ்லொக் தீவில் இந்த ராதாநகர் கடற்கரையை தவிரவும் எலிபெண்டா பீச், கல்பதர் கடற்கரை போன்ற இடங்களும் இருக்கின்றன. இந்த தீவை அந்தமான் & நிகோபார் தீவுகளின் தலைநகரான போர்ட் பிளேரில் இருந்து 57 கி.மீ தொலைவில் அமைந்திருக்கிறது. போர்ட் பிளேரில் இருந்து அரசு மற்றும் தனியாரினால் இயக்கப்படும் கப்பல்கள் மூலம் இந்த தீவை அடையலாம்.

Photo:Algae Rhythm

ஹெவ்லொக் தீவு, அந்தமான் :

தேனிலவு செல்பவர்களுக்கு மிகவும் ஏற்ற இடமாக இந்த ராதாநகர் கடற்கரை சொல்லப்படுகிறது.உங்கள் மனைவியுடனோ அல்லது காதலியுடனோ எங்கேனும் நல்லதொரு இடத்திற்கு சுற்றுலா விரும்பினால் நிச்சயம் இந்த ஹெவ்லொக் தீவில் இருக்கும் ராதா நகர் கடற்கரைக்கு வாருங்கள்.

Photo:Sareeta

ஹெவ்லொக் தீவு, அந்தமான் :

இந்த ஹெவ்லொக் தீவில் இருக்கும் ஹோட்டல்கள் பற்றிய விவரங்களை தமிழ் பயண வழிகாட்டியில் தெரிந்துகொள்ளுங்கள்.

Photo:Ankur P