அகர்தலா பற்றி நீங்கள் இன்றே தெரிந்துகொள்ளவேண்டிய விசயங்கள்!

சிறப்பம்சங்கள்

அடர்த்தியான கானகப்பகுதியை கொண்டிருப்பது இதன் முக்கியமான சுற்றுலாச்சிறப்பம்சங்களில் ஒன்று. மாநில தலைநகரமாக விளங்கினாலும் பரபரப்பில்லாத உல்லாச பொழுதுபோக்கு நகரம் போன்றே அகர்தலா காணப்படுகிறது. மற்ற பெருநகரங்களை போன்ற பரபரப்பான சூழலை இங்கு பார்க்க முடிவதில்லை.

Soman

வரலாற்றுப் பின்னணி

இதன் அமைதியான, சந்தடியற்ற சூழல் சுற்றுலா அனுபவத்திற்கு மிகவும் ஏற்றாற் போல் காட்சியளிக்கிறது. அகர்தலா நகரத்தின் வரலாற்றுப்பின்னணி மஹாராஜா கிருஷ்ண மாணிக்யா எனும் மாணிக்ய ராஜவம்ச மன்னர் தெற்குப்பகுதியில் ரங்கமதியில் இருந்த தம் ராஜ்ஜியத்தின் தலைநகரத்தை இந்த அகர்தலாவிற்கு மாற்றியதிலிருந்து இந்நகரத்தின் வரலாறு துவங்குகிறது. குல்கி வம்சத்தினரின் இடைவிடாத படையெடுப்புகள் இந்த ராஜ்ஜியத்திற்கு தொல்லையாக இருந்திருக்கிறது.

Piyushozarde

மறு நிர்மாணம்

அதுமட்டுமல்லாமல் ஆங்கிலேய ஆதிக்கத்தில் இருந்த வங்காளப்பகுதியுடன் அம்மன்னர் நெருக்கமான தொடர்பை ஏற்படுத்திக்கொள்ள விரும்பியதும் இந்த தலைநகர் மாற்றத்துக்கான காரணமாகும். 1940ம் ஆண்டில் மஹாராஜா பீர் பிக்ரம் கிஷோர் மாணிக்ய பஹதூர் இந்நகரத்தை மறு நிர்மாணம் செய்து இப்போதிருக்கும் அமைப்பில் கொண்டு வந்துள்ளார். திட்டமிட்ட சாலைகள், சந்தைப்பகுதிகள் மற்றும் கடைத்தெருக்கள் ஆகியவை நகர அமைப்பில் இடம் பெற்றன. அம்மன்னரது பங்களிப்பு அகர்தலா நகரத்திற்கு ‘பீர் பிக்ரம் மாணிக்ய பஹதூர் நகரம்' என்ற சிறப்புப்பெயரும் வழங்கப்படுகிறது.

Swarupskd.wik

ரவீந்திரநாத் தாகூர்

ஒரு ராஜ்ஜியத்தின் தலைநகரமாகவும் பங்களாதேஷிற்கு அருகிலுள்ள நகராகவும் இருந்ததாகவும் பல பிரபல்யங்கள் இந்த நகரத்திற்கு விஜயம் செய்துள்ளனர். ரவீந்திரநாத் தாகூர் இந்நகரத்திற்கு பல முறை விஜயம் செய்திருப்பதோடு மட்டுமல்லாமல் திரிபுரா மன்னர்களுடனும் நெருங்கிய தொடர்பை கொண்டிருந்தார்.

Swarupskd.wiki

முக்கிய சுற்றுலா அம்சங்கள்

அகர்தலா நகரத்தை சுற்றி ஏராளமான சுற்றுலா அம்சங்கள் நிரம்பியுள்ளன. பழமையான கலாச்சாரத்தை தக்க வைத்துக்கொண்டு நவீனமயமாகவும் வளர்ந்திருக்கும் முக்கியமான வடகிழக்குப்பிரதேச நகரங்களில் இது முக்கியமான நகரமாகும். சமஸ்தான மாளிகைகள் மற்றும் அரண்மனைகள் போன்றவறை ஏராளமாக கொண்டுள்ள இந்த நகரத்தில் நவீனக்கட்டிடங்களும் ஒன்றாக கலந்து வண்ணமயமான தோற்றத்தை அளிக்கின்றது.

அகர்தலா நகரத்திற்கு விஜயம் செய்யும்போது கீழ்க்கண்ட இடங்களை தவறாமல் பார்த்து ரசிப்பது சிறந்தது.

Piyushozarde

உஜ்ஜயந்தா அரண்மனை:

மஹாராஜா ராதா கிஷோர் மாணிக்யா என்பவரால் கட்டப்பட்டுள்ள இந்த அரண்மனை அகர்தலா நகரத்தில் முக்கியமாக பார்த்து ரசிக்க வேண்டிய சுற்றுலா அம்சமாகும் 1901ம் ஆண்டில் கட்டி முடிக்கப்பட்ட இந்த அரண்மனை தற்போது மாநில சட்டப்பேரவையாக பயன்படுத்தப்படுகிறது.

Swarupskd.wiki

நீர்மஹால்:

பிரதான நகரத்திலிருந்து 53 கி.மீ தூரத்தில் உள்ள நீர்மஹால் எனும் இந்த கம்பீர அரண்மனை மஹாராஜா பீர் பிக்ரம் கிஷோர் மாணிக்யா என்பவரால் கட்டப்பட்டிருக்கிறது. ருத்ராசாகர் ஏரியின் வடபகுதியில் வீற்றுள்ள இந்த அரண்மனை ஒரு கோடை வாச மாளிகையாக கட்டப்பட்டிருக்கிறது. இஸ்லாமிய மற்றும் ஹிந்து கட்டிடக்கலை பாணிகளின் கலவையான அம்சங்களுடன் காட்சியளிக்கும் இந்த அரண்மனை அகர்தலா நகரின் அடையாளமாக புகழ் பெற்றிருக்கிறது.

Mr Nimai Debbarma

ஜகந்நாத் கோயில்:

அகர்தலா நகரத்தின் முக்கியமான கோயில்களில் ஒன்றான இந்த ஜகந்நாத் கோயில் ஒரு அற்புத கட்டிடக்கலை அதிசயமாகும். எண்கோண வடிவில் அமைந்துள்ள இந்த கோயிலின் கருவறையைச்சுற்றி அழகான பிரதட்சிணப்பாதை காணப்படுகிறது.

Swarupskd

மஹாராஜா பீர் பிக்ரம் காலேஜ்:

பெயரிலிருந்தே இந்த கல்லூரி பீர் பிக்ரம் அவர்களால் கட்டப்பட்ட ஒன்று என்பதை புரிந்துகொள்ளலாம். தனது ராஜ்ஜியத்தின் இளைய தலைமுறையினருக்கு தரமான உயர்கல்வி கிடைக்க வேண்டும் என்ற நோக்கத்துடன் இந்த கல்லூரியை அவர் நிர்மாணித்துள்ளார். இது 1947ம் ஆண்டில் தொடங்கப்பட்டிருக்கிறது.

Piyushozarde

லட்சுமிநாராயண் கோயில்:

இது அஹர்தலா நகரத்திலுள்ள மற்றொரு முக்கியமான கோயிலாகும். கிருஷ்ணானந்த செவயாத் என்பவரால் இது கட்டப்பட்டிருக்கிறது.

PP Yoonus

ரபீந்த் கானன்:

ராஜ் பவன் மாளிகையின் உள்ளே இருக்கும் இந்த ரபீந்த் கானன் ஒரு பரந்த பசுமையான தோட்டப்பூங்காவாகும். இது எல்லா வயதினராலும் பொழுதுபோக்கு மற்றும் விளையாட்டு பூங்கா என்று பல்வேறு விதமாக பயன்படுத்தப்படுகிறது. தற்போது ஒரு நவீன நகரமாக வளர்ந்து வருவதால் அகர்தலா நகரத்தில் நவீன வசதிகளுக்கு குறைவில்லை.

Shivam22383

சிக்கனமான தங்கும் விடுதிகள்

உலகத்தரம் வாய்ந்த உணவகங்கள் மற்றும் சிக்கனமான தங்கும் விடுதிகள் போன்ற யாவும் நகர மையத்திலேயே அமைந்திருக்கின்றன. சர்வதேச, சீன மற்றும் இந்திய உணவுவகைகள் போன்ற யாவும் இங்குள்ள உணவகங்களில் கிடைக்கின்றன. எல்லா வசதிகளுடனும் குறைந்த வாடகையுடன் இங்கு தங்கும் விடுதிகள் சேவைகளை வழங்குகின்றன. கடந்த பத்தாண்டுகளில் அகர்தலா நகரம் ஒரு வணிகக்கேந்திரமாகவும் வளர்ச்சியடைந்துள்ளது.

Shivam22383

சந்தைப் பகுதிகள்

வடகிழக்குப்பகுதியிலிருந்து அரிசி, எண்ணெய் வித்துக்கள், தேயிலை மற்றும் சணல் போன்றவை இங்கு பெருமளவில் வியாபாரம் செய்யப்படுகின்றன. இந்த நகரத்திலுள்ள மார்க்கெட் பகுதிகளுக்கும் சுற்றுலாப்பயணிகள் பயணம் செய்வது அவசியம். மேலே சொல்லப்பட்ட பொருட்கள் மட்டுமல்லாமல் பலவகையான கைவினைப்பொருட்கள் மற்றும் உல்லன் துணிவகைகளை இந்த மார்க்கெட் பகுதியில் வாங்கலாம்.

PP Yoonus