பெண்களே...தனியாக டூர் போறீங்களா? இந்த ஆப்கள் உங்கள் மொபைலில் இருக்கானு பார்த்துக்கோங்க

தனியாக டூர் போகும் பெண்கள் பாதுகாப்பாகவும், வசதியாகவும் அனுபவிக்க, சில முக்கிய பயன்பாடுகள் உதவியாக இருக்கும். இவை அவர்களை பாதுகாப்பாக வைத்துக் கொள்வதோடு மட்டுமல்லாமல், உங்களுக்குத் தேவையான தகவல்களையும் வழங்குகின்றன.இந்தியாவில் தனியாகப் பயணிக்கும் பெண்களுக்கு பல வகையிலும் உதவியாக இருக்கும் மொபைல் ஆப்கள் எவை என்பதை தெரிந்து கொள்வோம். ஒருவேளை நீங்களும் தனியாக டூர் போறீர்கள் என்றால் உங்களுக்கும் இது கண்டிப்பாக தேவைப்படலாம்.

1. Google Maps & Maps.me

தனியாகப் பயணிக்கும் மகளிர் பாதுகாப்பாக உள்ள இடங்களை கண்டறியவும், சரியான வழிகளைத் தேர்வு செய்யவும் Google Maps மற்றும் Maps.me உதவும். மேலும், Google Maps ஆஃப்லைன் மேப்ஸை பதிவிறக்கம் செய்து இன்டர்நெட் வசதி இல்லாத இடங்களிலும் கூட பயன்படுத்தலாம். Maps.me கூடுதல் நுணுக்கமான ஆஃப்லைன் மேப்ஸை வழங்குவதால், இன்டர்நெட் இணைப்பு இல்லாத இடங்களிலும் பயனுள்ளதாக இருக்கும்.

2.Google Translate & Duolingo:

தனியாகப் பயணிக்கும் பெண்களுக்கு மொழி ஒரு முக்கியமான தேவையாகும். Google Translate உடன் எந்த மொழியையும் உடனடியாக மொழிபெயர்க்க முடியும், மேலும் ஒலிப்புத்தொகுப்பும் உள்ளது. இது உரையினை மட்டுமல்லாமல், புகைப்படங்களைப் பயன்படுத்தி மொழிபெயர்க்கவும் உதவுகிறது. இதன் மூலம் பல்வேறு மொழிகளில் எழுதப்பட்டுள்ள விஷயங்களை தெரிந்து கொள்ள பயனுள்ளதாக இருக்கும்.

Duolingo பயணம் செய்யும் முன் ஒரு மொழியை அடிப்படையாகக் கற்றுக்கொள்ள உதவுகிறது. இது விளையாட்டு முறையில் மொழியை கற்றுக்கொடுப்பதால், பயணிகள் அதை எளிதாகப் பழகிக்கொள்ள முடியும். குறிப்பாக, ஹிந்தி, தமிழ், பெங்காலி, மற்றும் உலகமயமான மொழிகளை விரைவாகக் கற்றுக்கொள்ள இது பயனுள்ளதாக இருக்கும். Duolingo பயணிக்கும் இடங்களில் உள்ள உள்ளூர் மக்களுடன் தொடர்பு கொள்ளும் திறனை மேம்படுத்த உதவும்.

3.Couchsurfing, Meetup & NomadHer:

புதிய இடங்களில் நண்பர்களைச் சந்திக்கவும், பாதுகாப்பான பயண அனுபவங்களைப் பெறவும் Couchsurfing மற்றும் Meetup போன்ற ஆப்கள் பயனுள்ளதாக இருக்கும். இதன் மூலம் தனியாக பயணிக்கையில் கூட, நம்பகமான மக்களை சந்திக்கலாம். NomadHer என்பது குறிப்பாக பெண்களுக்காக உருவாக்கப்பட்ட ஒரு சமூக பயன்பாட்டு ஆப் ஆகும். இது தனியாகப் பயணிக்கும் பெண்கள் ஒருவருடன் ஒருவர் தொடர்பு கொண்டு பயண அனுபவங்களைப் பகிர்ந்து கொள்ள உதவுகிறது. மேலும், பாதுகாப்பான பயண வழிகாட்டுதல்களையும் வழங்குகிறது.

4.Clue:

தனியாகப் பயணிக்கும் பெண்களுக்கு உடல் ஆரோக்கியம் முக்கியம். Clue ஒரு மாதவிடாய் கண்காணிப்பு ஆப் ஆகும். இது பயணத்தின்போது உங்கள் உடல்நிலையை சரியாக கண்காணிக்க உதவுகிறது. உங்கள் மாதவிடாய் சுழற்சி, மனநிலை மாற்றங்கள் மற்றும் உடல் நலப் பதிவுகளை நீங்கள் இதில் நிர்வகிக்கலாம். பயணத்தின் போது உங்கள் உடல் நலத்தைக் கவனிக்க இது மிகவும் உதவியாக இருக்கும்.

5. MySafetipin:

இந்த மொபைல் ஆப் பெண்கள் பாதுகாப்பை முதன்மையாகக் கொண்டுள்ளது. இரவுகளில் எந்த ஒரு இடத்தின் பாதுகாப்பு நிலையை அறிந்துகொள்ளலாம். அவசர உதவிகள் மற்றும் போக்குவரத்து வசதிகளை பெறவும் இது உதவும். மேலும், உங்கள் குடும்பத்தினருடன் உங்கள் இருப்பிடத்தை பகிர்ந்து கொள்ளும் வசதியும் உள்ளது. முக்கியமாக, இது பெண்களுக்கு பாதுகாப்பான பாதைகளை பரிந்துரைக்கிறது.

6. BlaBlaCar:

BlaBlaCar என்பது நீண்ட தூரப் பயணத்திற்காக கார்பூலிங் செய்ய உதவும் மொபைல் ஆப் ஆகும். தனியாகப் பயணிக்கும் பெண்களுக்கு இது ஒரு பாதுகாப்பானதாக இருக்கும்,பயணிக்க விரும்பும் நபர்கள் முன்பதிவு செய்யலாம் மற்றும் விலை மிகவும் நியாயமானதாக இருக்கும்.பயணத்தில் யார் உடன் செல்லப்போகிறீர்கள் என்பதை முன்கூட்டியே அறிந்து கொள்ளலாம்.பயணிகள் மற்றும் ஓட்டுநர்கள் இருவருக்குமான மதிப்பீடுகள் மற்றும் விமர்சனங்களை தெரிந்துகெள்ளலாம்.பெண்கள் மட்டும் பயணிக்க வசதியாக பெண்கள் மட்டும் கார்பூல் செய்யும் விருப்பத்தை அமைக்கலாம். BlaBlaCar பயணச் செலவை குறைக்கும் ஒரு சிறந்த தேர்வாக இருப்பதோடு மட்டுமல்லாமல், பாதுகாப்பான பயணத்தை உறுதி செய்யும் வகையிலும் உதவுகிறது.

தனியாகப் பயணிக்கும் பெண்களுக்கு, பயணத்தை பாதுகாப்பாகவும், இனிதாகவும் மாற்ற, மேற்சொன்ன மொபைல் ஆப்கள்மிகவும் உதவியாக இருக்கும். இந்த ஆப்கள் பாதுகாப்பை உறுதி செய்வது மட்டுமல்லாமல், பயண அனுபவத்தையும் வழங்குகின்றன.