Click it and Unblock the Notifications
பயணம் என்பது வாழ்க்கையின் அழகான அனுபவங்களில் ஒன்றாகும். புதிய இடங்களை காணும் உற்சாகம், வித்தியாசமான உணவுகளை சுவைப்பது, அந்நாட்டு பண்பாடு, வரலாறு குறித்து அறிதல் ஆகியவை சுற்றுலாவை இனிமையானதாக மாற்றுகின்றன. அதிலும் ஃபாரின் டிரிப் என்றால் கேட்கவே வேண்டாம். ஆனால், பெரும்பாலானோர் பயண செலவுகள் பட்ஜெட்டிற்கு வேட்டு வைத்து விடும் என நினைத்து ஃபாரிவ் டிரிப் போவதை தவிர்ப்பதுண்டு.
ஆனால், குறைந்த செலவில் குடும்பத்துடன் வெளிநாட்டில் சுற்றிப் பார்ப்பதற்கான சில அருமையான இடங்கள் உள்ளன. குறிப்பாக, 2 லட்சம் ரூபாய்க்குள் விமான பயணம் செய்யக்கூடிய சில முக்கியமான நாடுகளை இங்கு காணலாம்.
நேபாளம்
நம்முடைய அண்டை நாடான நேபாளம், மலையரசி எவரெஸ்டை காண விரும்புவோருக்கு ஒரு சிறந்த தேர்வாக இருக்கும். கட்டுநாயக்கா, லும்பினி, போகாரா போன்ற இடங்கள் இயற்கை அழகையும் ஆன்மீக அமைதியையும் தருகின்றன. இந்தியாவிலிருந்து நேபாளத்திற்கான விமானக் கட்டணம் மிகவும் குறைவாக இருக்கும், மேலும் உணவு, தங்கும் வசதிகளும் நியாயமான விலையிலேயே கிடைக்கும்.
லாவோஸ்
தாய்லாந்து, வியட்நாம் நாடுகளுக்கு அருகிலுள்ள லாவோஸ், அழகான கோவில்கள், இயற்கை காட்சிகள் மற்றும் அமைதியான சுற்றுலா அனுபவத்திற்காக புகழ்பெற்றது. லுவாங் பிரபாங், வியெங் வியெங் போன்ற இடங்கள் சுற்றுலாப் பயணிகளை கவர்கின்றன. இந்தியாவில் இருந்து குறைந்த செலவில் விமானம் கிடைக்கிறது. மேலும் அங்குள்ள வாழ்க்கைச் செலவும் மிகக் குறைவாக இருக்கும்.
மலேசியா
கோலாலம்பூர், லாங்காவி, பெனாங் போன்ற இடங்களால் புகழ்பெற்ற மலேசியா, ஒரு சிறந்த விலையுயர்ந்த பயண இடம் மட்டும் அல்ல. பல்வேறு விமான நிறுவனங்கள் மலேசியாவிற்கான மலிவான விமானங்களை வழங்குகின்றன. மலேசியாவின் உணவு, கடற்கரைகள் மற்றும் விளையாட்டு பூங்காக்கள் குடும்பப் பயணத்திற்குச் சிறப்பான அனுபவத்தை வழங்கும்.லெகோலேண்ட் மலேசியா மற்றும் சன்வே லகூன் ஆகியவை குழந்தைகள் விளையாட ஏற்ற இடங்களாகும்.
கம்போடியா
வரலாற்று மற்றும் கலாச்சார முக்கியத்துவம் வாய்ந்த இந்த நாடு, உலகப் புகழ்பெற்ற அங்கோர் வாட் கோயிலை கொண்டுள்ளது. விமானக் கட்டணம் மலிவாகக் கிடைக்கும். மேலும் அங்குள்ள உணவு மற்றும் தங்கும் செலவுகளும் குறைவாக இருக்கும். வரலாற்று சிறப்புமிக்க இடங்களை ஆராய விரும்புபவர்களுக்கு இது ஒரு சிறந்த இடமாக இருக்கும்.
வியட்நாம்
அழகான கடற்கரைகள், குகைகள் மற்றும் பரபரப்பான நகரங்கள் கொண்ட வியட்நாம், சிறந்த பயண அனுபவத்தை குறைந்த செலவில் வழங்கும். ஹனோய், ஹோ சி மின் நகரம், ஹலோங் பே போன்ற இடங்கள் பார்வையாளர்களை கவர்கின்றன. இந்தியாவில் இருந்து விமானக் கட்டணங்கள் மலிவாகக் கிடைக்கும்.
இலங்கை
இந்தியாவுக்கு மிகவும் அருகிலுள்ள இலங்கை, அழகான கடற்கரைகள், பசுமை நிறைந்த மலைப்பாங்கான பகுதிகள் மற்றும் பௌத்த கோவில்களால் சுற்றுலாப் பயணிகளை ஈர்க்கிறது. கொழும்பு, கண்டி போன்ற இடங்கள் வருகையாளர்களுக்கு சிறந்த அனுபவத்தைக் கொடுக்கும். சென்னை, பெங்களூர், கோயம்புத்தூர் போன்ற நகரங்களிலிருந்து இலங்கைக்கு விமானக் கட்டணம் குறைவாக இருக்கும்.வனவிலங்கு சஃபாரிகள்,பழங்கால கோயில்கள் மற்றும் சுவையான உணவு வகைகள் போன்றவற்றை சுற்றுலா பயணிகள் குறைந்த விலையில் அனுபவிக்கலாம்
துபாய்
பெரும் செலவு செய்வதற்கான இடமாக கருதப்படும் துபாய், திட்டமிட்ட பயணத்துடன் குறைந்த செலவில் அனுபவிக்கக்கூடிய இடமாக இருக்கும். புர்ஜ்கலீபா, டெசர்ட் சஃபாரி, ஜுமெய்ரா கடற்கரை போன்ற இடங்கள் உலக அளவில் புகழ்பெற்றவை. முன்பதிவு செய்தால் இந்தியாவில் இருந்து துபாய்க்கு மலிவான விமானக் கட்டணங்கள் கிடைக்கலாம்.
துருக்கி
ஐரோப்பாவிற்கும் ஆசியாவிற்கும் இடையில் இருக்கும் துருக்கி, வரலாற்று முக்கியத்துவம் மிக்க இடங்களின் தொகுப்பாகும். இஸ்தான்புல், கப்படோசியா, அன்டாலியா போன்ற இடங்கள் அற்புதமான அனுபவங்களை வழங்கும். இந்தியாவிலிருந்து முன்பதிவு செய்தால் மலிவான விமானக் கட்டணங்களை பெற முடியும்.
தாய்லாந்து
இந்திய சுற்றுலாப்பயணிகள் அதிகம் செல்வதற்கான இடங்களில் தாய்லாந்து முக்கியமானது. பேங்காக், படாய், புகெட், சியாங்க் மாய் போன்ற இடங்கள் சுற்றுலாப் பயணிகளுக்கு பரபரப்பான அனுபவங்களை வழங்கும். இந்தியாவின் பெரும்பாலான நகரங்களிலிருந்து மலிவான விமான சேவைகள் உள்ளதால், குடும்பத்துடன் மலிவாக பயணம் செய்யலாம்.
பாலி (இந்தோனேசியா)
தனித்துவமான கடற்கரைகள், இயற்கை அழகு, மலைவாசஸ்தலங்கள் ஆகியவற்றால் பாலி ஒரு சுவாரஸ்யமான இடமாக மாறியுள்ளது. இந்தியாவில் இருந்து சில நேரங்களில் மலிவான விமானக் கட்டணங்கள் கிடைக்கலாம். சிறந்த முன்பதிவுடன், குறைந்த செலவில் பயணிக்க முடியும்.
ஒரு சரியான திட்டமிடுதலுடன், குறைந்த செலவில் உலகம் சுற்ற முடியும். மேலே குறிப்பிட்டுள்ள அனைத்து இடங்களும், 2 லட்சம் ரூபாய்க்குள் விமானக் கட்டணத்துடன் ஒரு குடும்பத்துடன் பயணிக்க ஏற்றவையாகும். முன்பதிவு, உள்ளூர் போக்குவரத்து வழிகள், மலிவான தங்கும் வசதிகள் போன்றவற்றைப் பயன்படுத்தி இன்னும் அதிக சேமிப்பு செய்யலாம்.
மேற்கண்ட நாடுகளுக்கு செல்லும் இந்தியர்களுக்கான பயண அறிவுறுத்தல்கள்
விசா & ஆவணங்கள்: விசா தேவைகள் குறித்து முன்கூட்டியே சரிபாருங்கள்; சில நாடுகளுக்கு eVisa அல்லது Visa-on-Arrival கிடைக்கும். பாஸ்போர்ட், அடையாள ஆவணங்கள் நகல்கள் எடுத்துச் செல்லுங்கள்.
நாணய மாற்றம்: இந்தியாவில் சில உள்ளூர் நாணயங்களை மாற்றிக் கொள்ளுங்கள்; வெளிநாடுகளில் Forex கார்டுகள் அல்லது ATM-களை பயன்படுத்தலாம்.
உள்ளூர் போக்குவரத்து: டாக்ஸிகளுக்கு Grab (தென் கிழக்கு ஆசியா), BiTaksi (துருக்கி) போன்ற செயலிகளை பயன்படுத்தலாம்; டுக்-டுக் (Tuk-Tuk) போக்குவரத்து பொதுவாக இருக்கும், ஆனால் விலையை முன்பே பேசி ஒப்பந்தம் செய்யுங்கள்.
வானிலை & உடை: பெரும்பாலான இடங்களில் சூடான & ஈரப்பதமான வானிலை இருக்கும்; இலகுவான பருத்தி உடைகள், சன்ஸ்கிரீன், மழைக்கான உடைகள் எடுத்துச் செல்லுங்கள்.
உணவு & குடிநீர்: தெரு உணவுகள் சுவையாக இருக்கும், ஆனால் சுத்தமான இடங்களில் மட்டும் சாப்பிடுங்கள்; பாட்டில் நீர் அல்லது வடிகட்டிய நீரை மட்டும் குடிக்கவும்.
உள்ளூர் மரியாதை விதிகள்: கோயில்கள் மற்றும் மத இடங்களை மரியாதையுடன் அணுகுங்கள்-தோள்கள் & முழங்கால்களை மூடிக்கொள்ளுங்கள்; உள்ளே செல்லும் முன் காலணிகளை கழற்றுங்கள்.
பேச்சு & விலைக்கழிப்பு திறன்: சந்தைகளில் பொருட்களை வாங்கும்போது விலையை பேசலாம், ஆனால் மரியாதையாக நடந்து கொள்ளுங்கள்.
SIM & இன்டர்நெட்: உள்ளூர் SIM கார்டுகளை (AIS, Viettel, Celcom, Turkcell) வாங்கிக் கொள்ளுங்கள், தரவுகள் (data) & அழைப்புகளுக்கு பயனாக இருக்கும்.
பொது நடத்தை: பொது இடங்களில் அன்பை வெளிப்படுத்துவதை தவிர்க்கவும் (கண்மூடித்தனமான பகுதிகளில் இது பிரச்சனை ஆகலாம்).
பாதுகாப்பு & மோசடிகள்: சுற்றுலா மோசடிகளை கவனமாக சமாளிக்கவும்; அதிக விலைக்கே விற்கும் டுக்-டுக் ஓட்டுனர்கள் மற்றும் போலி டூர் கையேட்களை தவிர்க்கவும்.
மொழி தடைகள்: மலேசியா & இலங்கையில் ஆங்கிலம் பரவலாக பேசப்படும், ஆனால் வியட்நாம், கம்போடியா & தாய்லாந்தில் குறைவாக பேசப்படும்-Google Translate பயன்படுத்துங்கள்.
இணைப்பு வசதி: கேபே, மால்கள், விமான நிலையங்களில் இலவச WiFi கிடைக்கும்; பாதுகாப்பாக இணைய VPN பயன்படுத்துங்கள்.
ஷாப்பிங்: மலேசியா & துருக்கியில் டியூட்டி-ஃப்ரீ (duty-free) ஷாப்பிங் செய்யலாம்; வியட்நாம் & கம்போடியாவில் மலிவான நினைவுச் சின்னங்கள் (souvenirs) கிடைக்கும்.
வெளிநாட்டு கலாச்சார மரியாதை: தாய்லாந்து & கம்போடியாவில் பிறர் தலையை தொட வேண்டாம்; கால்களை நேராக மற்றவர்களிடம் சுட்டிக்காட்ட வேண்டாம்.
அவசர எண்ணங்கள்: பயணிக்கும் நாடுகளின் காவல் துறை, தூதரகம், மருத்துவமனை தொடர்பு எண்களை முன்கூட்டியே சேமித்து வைத்துக் கொள்ளுங்கள்.
