சுற்றுலா பிளான் பண்ணுறீங்களா? இந்த ஆப்களை உங்கள் மொபைலில் டவுண்லோடு பண்ணுங்க

இந்தியாவிற்குள் அல்லது சர்வதேச அளவில் பயணம் செய்வதற்கு முன் நீங்கள் உங்கள் மொபைல் போனில் அவசியம் டவுண்லோடு செய்து வைத்துக் கொள்ள வேண்டிய 5 மொபைல் ஆப்கள் என்னென்ன என்பதையும், அவற்றின் பயன்பாடுகள் பற்றியும் தெரிந்து கொள்ளலாம்.

கூகிள் மேப்ஸ்

எந்தவொரு பயணிக்கும் பயணம் செய்யும் போது இன்றியமையாத ஒரு ஆஃப் கூகிள் மேப்ஸ். கூகிள் மேப்ஸ் நகரங்கள், கிராமப்புறங்கள் மற்றும் மலையேற்றப் பாதைகளில் கூட எளிதாக செல்ல உதவுகிறது. இது நிகழ்நேர திசைகள், போக்குவரத்து அப்டேட், போக்குவரத்து நெரிசல் மற்றும் பொது போக்குவரத்து வழிகளை வழங்குகிறது. நெட்வொர்க் இணைப்பு குறைவாக உள்ள பகுதிகளில் இருக்கும் போது, ​​ஆஃப்லைன் பயன்பாட்டிற்கு ஏற்ற வரைபடங்களை நீங்கள் பதிவிறக்கம் செய்யலாம்.

ஐ.ஆர்.சி.டி.சி ரயில் இணைப்பு:

நீங்கள் இந்தியாவில் ரயிலில் பயணம் செய்கிறீர்கள் என்றால், IRCTC ரயில் இணைப்பு இன்றியமையாதது. நீங்கள் ரயில் டிக்கெட்டுகளை முன்பதிவு செய்யவும், PNR நிலையைச் சரிபார்க்கவும் மற்றும் நேரடி ரயில் இயக்க நிலையைக் கண்காணிக்கவும் உதவுகிறது. இந்த ஆப் உங்கள் பயணத்தின் போது உணவை முன்பதிவு செய்ய உங்களுக்கு ஏதுவானதாக இருக்கும். மற்றும் நிகழ்நேர இருக்கை கிடைக்கும் அப்டேட்களை வழங்குகிறது.

கூகிள் மொழிபெயர்ப்பு :

உள்ளூர் மொழி தெரியாத பகுதிகளுக்குப் பயணிக்கும்போது, ​​கூகிள் மொழிபெயர்ப்பு ஒரு அவசியமானதாகும். இது பல இந்திய மற்றும் சர்வதேச மொழிகளை மொழிபெயர்ப்பதால் பயணம் செய்பவர்களுக்கு முக்கியமான ஒன்றாகும். இதனால் உரை, பேச்சு மற்றும் படங்களை நிகழ்நேரத்தில் மொழிபெயர்க்க அனுமதிக்கிறது. பயணத்தின்போது அடையாளங்கள் மற்றும் மெனுக்களை மொழிபெயர்க்க கேமரா அம்சம் மிகவும் பயனுள்ளதாக இருக்கும்.

டிஜிலாக்கர் :

பயணத்தின்போது உங்கள் முக்கியமான ஆவணங்களை சேமித்து அணுகுவதற்கு DigiLocker ஒரு அவசியமான செயலியாகும். அது உங்கள் ஆதார் அட்டை , ஓட்டுநர் உரிமம் அல்லது வாகனப் பதிவு என எதுவாக இருந்தாலும், இந்தியா முழுவதும் செல்லுபடியாகும் ஐடிகளாக ஏற்றுக்கொள்ளப்படும். உங்கள் அதிகாரப்பூர்வ ஆவணங்களின் டிஜிட்டல் பதிப்புகளை வைத்திருக்க DigiLocker உங்களை அனுமதிக்கிறது. இது விமான நிலைய சோதனைகள் மற்றும் ஹோட்டல் முன்பதிவுகளுக்கு மிகவும் பயனுள்ளதாக இருக்கும்.

டிஜி யாத்ரா

விமானப் பயணிகளுக்கு ஒரு புதிய மாற்றத்தை ஏற்படுத்தும் டிஜி யாத்ரா, தேர்ந்தெடுக்கப்பட்ட இந்திய விமான நிலையங்களில் தொடர்பு இல்லாத நுழைவுடன், விமான நிலைய அனுபவத்தை எளிதாக்குகிறது. உங்கள் பயண விவரங்கள் மற்றும் பயோமெட்ரிக் தகவல்களை இணைப்பதன் மூலம், டிஜி யாத்ரா விமான நிலைய செக்-இன்கள் மற்றும் பாதுகாப்பு சோதனைகளை குறைந்தபட்ச நேரத்தில் கடந்து செல்ல உதவுகிறது. விமான நிலையங்களில் நேரத்தை மிச்சப்படுத்த விரும்பும் அடிக்கடி பயணிப்பவர்களுக்கு இது ஏற்ற ஒன்றாகும்.