கம்ஷேத் நகரின் பாராகிளைடிங் பருவமான பனிக் காலங்களே சுற்றுலா வருவதற்கு ஏற்ற காலமாகும். ஆனால் இந்தக் காலங்கள் கொஞ்சம் குளிர்ச்சியாக இருப்பதால் பயணிகள் அடர்த்தி மிகுந்த ஆடைகளை உடுத்திக் கொள்வது அவசியம்.
கம்ஷேத் நகரின் கோடை காலங்களில் எங்கும் பசுமையே காணமுடியாதபடி வறண்ட வானிலையே நிலவும். இந்தக் காலங்களில் கம்ஷேத் நகர வெப்ப நிலை குறைந்த பட்சம் 24 டிகிரியும், அதிகபட்சம் 35 டிகிரியுமாக இருக்கும்.
கம்ஷேத்தின் இயற்கை அழகை ரசிக்க அதன் மழைக் காலங்களே சிறந்தது. இந்தக் காலங்களில் பாராகிளைடிங் விளையாட்டு நிறுத்திவைக்கப்பட்டிருக்கும் என்றாலும் ஏரிகள் மற்றும் இதர இயற்கை கவர்ச்சி அம்சங்களை காண பயணிகள் ஆர்வத்துடன் வந்து கொண்டுதான் இருக்கிறார்கள். மேலும், இந்தக் காலங்களில் கம்ஷேத்தின் வெப்பநிலை 18 முதல் 28 வரை நிலவுவதால் சுற்றிப் பார்க்கும் அனுபவம் இனிமையானதாகவே இருக்கும்.
கம்ஷேத்தின் பனிக் காலங்களில் பாராகிளைடிங் முதல் சுற்றுலாத் தலங்களுக்கு செல்வது வரை அனைத்திலும் பயணிகள் ஈடுபட்டு பொழுதை மகிழ்ச்சியுடன் கழிக்கலாம். இந்தக் காலங்களில் கம்ஷேத் நகரின் வெப்பநிலை 14 முதல் 24 டிகிரி வரை நிலவும்.