Click it and Unblock the Notifications
இந்த வார இறுதியில் சென்னையிலிருந்து விமானத்தில் பயணம் செய்யப் பிளானிங் இருக்கிறதா? அப்படியானால் செப்டம்பர் 5 முதல் 7 வரையிலான நாட்களில் கொஞ்சம் உஷாராக இருங்கள். விமான நிலையப் பணிகளால் கூடுதல் நேரமாகும் என்பதால், கையோடு 60 முதல் 90 நிமிடங்கள் வரை எக்ஸ்ட்ரா நேரத்தை ஒதுக்கி வைத்துக்கொள்வது நல்லது. சென்னை விமான நிலையத்தில் 'கிராஸ்-ரன்வே' (Cross-runway) மூடப்பட்டிருப்பதோடு, டாக்ஸிவே (Taxiway) பராமரிப்புப் பணிகளும் தீவிரமாக நடந்து வருகின்றன. இதனால் விமானப் போக்குவரத்துத் திறன் சற்றே குறைந்துள்ளது. பெரும்பாலான விமானங்கள் வழக்கம்போலவே இயங்கும் என்றாலும், கேட் ஹோல்டிங் (Gate hold) அல்லது டாக்ஸிவேயில் விமானங்கள் மெதுவாகச் செல்வது போன்ற சிறு தாமதங்கள் ஏற்பட வாய்ப்புள்ளது.
விமான நிலையத்தின் 12/30 ரன்வே, ஃபிக்ஸட்-விங் (Fixed-wing) விமானங்களின் பயன்பாட்டிற்காக நவம்பர் 4-ஆம் தேதி நள்ளிரவு 00:30 மணி வரை மூடப்பட்டிருக்கும். இந்த நேரக் கட்டுப்பாடு செப்டம்பர் 4 நள்ளிரவு 00:30 மணி முதலே அமலுக்கு வந்துவிட்டது (அவசரகால விமானங்களுக்கு மட்டும் விலக்கு உண்டு). அதேபோல, செப்டம்பர் 5 காலை 07:15 மணி முதல் செப்டம்பர் 7 பிற்பகல் 12:00 மணி வரை 12-வது ரன்வேக்கான வானிலை தகவல்கள் கிடைக்காது. ரன்வே 12/30 அருகே நடைபெற்று வரும் பணிகளால், அக்டோபர் மாதம் வரை டாக்ஸிவே N, Q மற்றும் Q1 ஆகியவற்றின் சில பகுதிகள் மூடப்பட்டிருக்கும்.
சென்னை விமான நிலைய ரன்வே 12/30 மூடல்: பயணிகளுக்கு என்ன பாதிப்பு?
தற்போது ரன்வே 07/25 வழக்கம்போலச் செயல்படுவதால், விமானங்கள் வருகையும் புறப்பாடும் தொடர்ந்து நடைபெறும். இருந்தாலும், கிராஸ்-ரன்வே மூடப்பட்டுள்ளதால் விமானப் போக்குவரத்தைக் கையாள்வதில் கூடுதல் கவனம் தேவைப்படுகிறது. இதனால், கூட்ட நெரிசல் மிகுந்த நேரங்களில் விமானப் புறப்பாடுகளைக் கட்டுப்பாட்டாளர்கள் சிறிது சீரமைக்கக்கூடும். அதேபோல், Q மற்றும் Q1 டாக்ஸிவேக்கள் மூடப்பட்டிருப்பதால் விமானங்கள் தங்களது நிறுத்துமிடத்தில் இருந்து நகர்வதிலும் (Pushback), ரன்வேயை அடைவதிலும் தாமதம் ஏற்படலாம். இதுதவிர, டாக்ஸிவே J அருகே தோண்டுதல் பணிகள் நடப்பதால், செப்டம்பர் 9 வரை ரன்வே 07/25 அருகில் விமானங்கள் கவனமாக இயக்கப்படும்.
சென்னை விமான நிலைய முனையங்கள் T1, T2, T4: பீக் ஹவர்ஸ் மற்றும் எக்ஸ்ட்ரா டைம்!
உள்நாட்டு விமானங்கள் டெர்மினல் 1 மற்றும் 4 மூலமாகவும், பெரும்பாலான சர்வதேச விமானங்கள் டெர்மினல் 2 மூலமாகவும் இயக்கப்படுகின்றன. T2 டெர்மினலில் 1,600 பயணிகள் ஒரே நேரத்தில் புறப்படும் வசதி இருந்தாலும், பீக் ஹவர்ஸில் அதிகளவில் கூட்டம் கூடுவதால் நுழைவாயிலில் நெரிசல் ஏற்படுகிறது. எனவே, சிரமமின்றிப் பயணிக்க அதிகாலை மற்றும் மாலை நேரக் கூட்ட நெரிசல் நேரங்களைத் தவிர்ப்பது நல்லது; அல்லது வழக்கத்தை விட சீக்கிரமாகவே விமான நிலையத்திற்கு வந்துவிடுவது சிறந்தது. இந்த வார இறுதியில் பயணிக்கத் திட்டமிட்டிருந்தால், வழக்கமான நேரத்தைக் காட்டிலும் 60 முதல் 90 நிமிடங்கள் முன்னதாகவே வந்துவிடுங்கள்.
| நேரம் | கூட்ட நெரிசல் | கூடுதல் நேரம் (Extra Buffer) | அதிகம் பாதிக்கப்படும் முனையங்கள் |
|---|---|---|---|
| 06:00–09:00 | அதிகம் | 60–90 நிமிடங்கள் | T2 சர்வதேச முனையம் |
| 18:00–22:00 | அதிகம் | 60–90 நிமிடங்கள் | T2, T4 |
| 11:00–16:00 | குறைவு | 45–60 நிமிடங்கள் | T1 உள்நாட்டு முனையம் |
வீட்டிலிருந்து கிளம்பும் முன் விமான நிலையை லைவ் ஆகச் செக் செய்வது எப்படி?
விமான நிலையத்திற்குப் புறப்படும் முன், இந்திய விமான நிலைய அதிகாரசபையின் (AAI) லைவ் போர்டில் விமானங்கள் வருகை மற்றும் புறப்பாடு நேரத்தைச் சரிபார்த்துக் கொள்ளுங்கள். பின்னர் உங்கள் விமான நிறுவனத்தின் ஆப்பிலும் உறுதிப்படுத்திக் கொள்ளலாம். ஃப்ளைட் அவேர் (FlightAware) ஆப் மூலம் விமானங்கள் புறப்படும் நிலை மற்றும் தாமதங்களை உடனுக்குடன் அறிய முடியும். ஏர் இந்தியா அல்லது இண்டிகோ விமானங்களில் பயணிப்பதாக இருந்தால், அதிகாரப்பூர்வ தகவல்களோடு அவர்களின் சொந்த ஸ்டேட்டஸ் டூல்களையும் பயன்படுத்திக் கொள்ளலாம். மேலும், சென்னை ஏர்போர்ட் ஆப்பில் முனையங்கள் மற்றும் பார்க்கிங் குறித்த நேரலைத் தகவல்களைத் தெரிந்துகொள்ளலாம்.
நீங்கள் சென்னை விமான நிலையத்தை எப்படி அடைகிறீர்கள் என்பதும் உங்களின் பயண நேரத்தைத் தீர்மானிக்கும். சென்னை மெட்ரோவின் ப்ளூ லைன் ரயில்கள் அடிக்கடி இயக்கப்படுவதால், சாலைப் போக்குவரத்தில் சிக்குவதைத் தவிர்த்து விரைவாக ஏர்போர்ட் போய் சேரலாம். ஒருவேளை நீங்கள் காரில் செல்வதாக இருந்தால், பீக் ஹவர்ஸில் பார்க்கிங் மற்றும் நுழைவாயில் நெரிசலைக் கருத்தில் கொண்டு கூடுதல் நேரத்தை ஒதுக்குவது அவசியம். புறப்படுவதற்கு முன் மெட்ரோ ரயில் நேரங்கள் மற்றும் பார்க்கிங் வசதிகளை அதிகாரப்பூர்வ சேனல்களில் செக் செய்வது உங்கள் பொன்னான நேரத்தை மிச்சப்படுத்தும்!
