மிக சமீப காலமாக ஷிர்டிக்கு இந்தியாவின் பிற முக்கிய பகுதிகளிலிருந்து ரயில்களும் இயக்கபடுகின்றன. புதிதாக ஷிர்டியில் கட்டப்பட்டுள்ள ரயில் நிலையம் ஆசிரமத்திலிருந்து 10 கி.மீ தொலைவில் அமைந்துள்ளது. இங்கிருந்து பல நகரங்களுக்கும் ரயில்கள் இயக்கப்படுகின்றன. ரயில் மூலமாக பயணம் செய்வது செலவு குறைந்ததாகவும் உண்மையான ஒரு பாபா பக்தருக்கு பொருத்தமானதாகவும் இருக்கும் என்பது ஒரு உண்மை.ஷிர்டி பாஸ்ட் பாசஞ்சர் மற்றும் ஜன்ஷதாப்தி என்ற இரண்டு ரயில்கள் மும்பை ஷத்ரபதி சிவாஜி டெர்மினஸிலிருந்து ஷிர்டிக்கு இயக்கப்படுகின்றன. இது தவிர 51 இதர ரயில்களும் குறிப்பிட்ட சில நாள்கள் தவிர்த்து இயக்கப்படுகின்றன. பயண நேரம் புறப்படும் இடத்துக்கேற்ப அமையும். சென்னையிலிருந்து புறப்படும் ஷிர்டி எக்ஸ்பிரஸ் இங்கு வந்து சேர்வதற்க்கு ஒரு நாளுக்கு மேல் எடுத்துக்கொள்வது குறிப்பிடத் தக்கது.மேலும் கோபர்காவ்ன், மன்மாத் என்ற இரண்டு பெரிய ரயில் நிலையங்களும் ஷிர்டியிலிருந்து முறையே 13 கி.மீ மற்றும் 52 கி.மீ தூரத்தில் உள்ளன. இந்த இரண்டு ரயில் நிலையங்களுடம் பல மஹாராஷ்டிரா மாநில நகரங்களுடனும் இதர மாநிலை நகரங்களுடனும் பல ரயில் சேவைகளால் இணைக்கப்பட்டுள்ளன. இந்த இரண்டு ரயில் நிலையங்களிலிருந்து ஷிர்டி வருவதற்கு டாக்சிகளும், பேருந்து வசதிகளும் உள்ளன.