Click it and Unblock the Notifications
ஸகஸ்த்ரதாரா எனும் பிரசித்தமான சுற்றுலாத்தலம் டேராடூன் நகரிலிருந்து 11 கி.மீ தூரத்தில் அமைந்துள்ளது. ஸகஸ்த்ரதாரா எனும் பெயருக்கு ‘ஆயிரம் அடுக்கு நீரூற்று’ என்பது பொருள்.
இந்த நீருற்று 9 மீ ஆழம் கொண்டதாக காணப்படுகிறது. பல்தி ஆறு மற்றும் மலைக்குகைகள் போன்றவையும் இந்த நீருற்று ஸ்தலத்துக்கு அருகில் அமைந்துள்ளன.
எனவே இது ஒரு முக்கியமான பிக்னிக் ஸ்தலமாக திகழ்கிறது. மழைக்காலத்தில் இந்த இடத்தின் அழகு இன்னும் பசுமையுடன் பிரகாசிக்கிறது. ஆற்றின் பெருக்கெடுத்து ஓடும் நீர் இப்பிரதேசத்தின் எழிலை மேலும் கூட்டுகிறது.
இந்த நீரூற்றில் சல்ஃபர் கலந்திருப்பதால் இதன் நீருக்கு மருத்துவ குணங்கள் இருப்பதாக சொல்லப்படுகிறது. தோல் நோய்களால் அவதியுறும் மக்கள் இந்த நீருற்றுக்கு அதிகம் விஜயம் செய்கின்றனர்.
சல்ஃபர் மட்டுமல்லாது இந்த நீரில் சுண்ணாம்பும் அதிகம் உள்ளது. இப்பகுதியில் உள்ள குகைகள் இந்த சுண்ணாம்புப்பாறைகளால் உருவாகியிருப்பதாக சொல்லப்படுகிறது.
