Click it and Unblock the Notifications
என்ன தான் நமக்கு வயசானாலும் ஜுராசிக் பார்க், டைனோசர் பற்றிய ஒரு சிறு செய்தி கேட்டாலும் உடனே அதன் பக்கம் நம் கவனம் திரும்பும் என்பதில் எந்த ஆச்சர்யமும் இல்லை. இந்த விஷயமும் உங்களுக்கு ஆச்சர்யமாக இருக்கலாம், ஆம்! இங்கிலாந்தின் தெற்கு கடற்கரையில் அமைந்துள்ள கடற்கரையில் குறிப்பிடத்தக்க வகையில் பாதுகாக்கப்பட்ட டைனோசர் கால்தடங்களின் தொகுப்பு கண்டுபிடிக்கப்பட்டுள்ளது. வரலாற்றுக்கு முந்தைய காலத்தில் டைனோசர்கள் இந்த இடங்களில் நடமாடி இருந்திருக்கின்றன!
ஆச்சர்யத்திற்குள்ளான ஆராய்ச்சியாளர்கள்
அரசாங்க அமைப்பான சுற்றுச்சூழல் ஏஜென்சியின் பொறியாளர்கள் குழு, வைட் தீவில் உள்ள யாவர்லேண்ட் கடற்பகுதியில் கடலோரப் பாதுகாப்பை வலுப்படுத்துவதற்கான வழிகளை ஆராய்ந்து கொண்டிருந்தபோது, அவர்கள் இந்த புதைபடிவங்களை கண்டு ஆச்சர்யத்திற்குள்ளாகியுள்ளனர்.
ராட்சத விலங்குகளின் கடந்த காலம்
ஏஜென்சியின் பிராந்திய வெள்ளம் மற்றும் கடலோர ஆபத்து மேலாளராக இருக்கும் நிக் கிரே, எங்கள் குழு வேலை செய்யும் இடத்தில் இருக்கும் டைனோசர்கள் கடந்த காலத்தையும் நிகழ்காலத்தையும் இணைக்கிறது, காலநிலை மாற்றத்தை எதிர்கொள்வதில் சமகால சவால்களை பின்னிப்பிணைக்கிறது என்று கூறியுள்ளார். அனைவரும் கதைகளைப் படித்திருக்கிறோம், திரைப்படங்களைப் பார்த்திருக்கிறோம், ஆனால் இது வாழ்க்கை எப்படி இருந்தது என்பதற்கான குறிப்பைத் தருகிறது என்று அவர் மேலும் கூறியுள்ளார்.
சுற்றுலாப் பயணிகள் உற்சாகம்
கடற்கரையோர ஓட்டலுக்கு அருகில் உள்ள ஒரு பிரபலமான சுற்றுலாத் தலத்தில் புதைபடிவங்கள் கண்டுபிடிக்கப்பட்டதாக சுற்றுச்சூழல் நிறுவனம் தெரிவித்துள்ளது, ஆனால் சுற்றுலாப் பயணிகள் அறியாமல் டைனோசர்களின் அடிச்சுவடுகளில் நடந்து கொண்டிருந்தாலும், இந்த வகை கண்டுபிடிப்பு நிபுணர்களுக்கு ஆச்சரியமாக இல்லை. இந்த அறிவிப்பை கேட்ட சுற்றுலாப் பயணிகள் உற்சாகமாக இந்த கால் தடத்தை கண்டு வியந்து வருகின்றனர்.
125 மில்லியன் ஆண்டுகளுக்கு முன்பு வாழ்ந்த டைனோசர்
இங்கு கண்டுபிடிக்கப்பட்ட 125 மில்லியன் ஆண்டுகள் பழமையான கால்தடங்கள் 7 மீட்டர் நீளம் கொண்ட ஒரு தாவரவகை டைனோசரான மாண்டெலிசரஸுக்கு சொந்தமானதாக இருக்கலாம் என்று நிபுணர்கள் ஊகிக்கின்றனர். ஏறத்தாழ 66 மில்லியன் ஆண்டுகளுக்கு முன்பு முடிவடைந்த கிரெட்டேசியஸ் காலத்தில் மாண்டெலிசரஸ் செழித்து இருந்தன.
ஏற்கனவே 35 வகையான டைனோசர்கள் படிமங்கள் கண்டுபிடிப்பு
உள்ளூர் டைனோசர் தீவு அருங்காட்சியகத்தின் கண்காணிப்பாளரான மார்ட்டின் மண்ட், ஐல் ஆஃப் வைட்டை ஐரோப்பாவின் பணக்கார டைனோசர் இருப்பிடமாகக் குறிப்பிட்டார். இந்த தீவில் 35 வகையான டைனோசர்கள் படிமங்கள் கிடைத்துள்ளதாக முண்ட் மேலும் குறிப்பிட்டார். காலடித் தடங்களுக்குக் காரணமான குறிப்பிட்ட டைனோசர் இனங்களைத் திட்டவட்டமாகத் தீர்மானிக்க முடியாவிட்டாலும், வைட் தீவில் ஒரு மாண்டெலிசரஸ் இருந்திருக்கலாம், தெற்கு கடற்கரையின் மற்ற பகுதிகளில் மட்டும், அவை மிகவும் பொதுவானதாகக் கருதப்படுகிறது.
நீங்கள் லண்டன் சென்றால் இந்த இடத்தைக் காண தவறாதீர்கள்
லண்டனில் உள்ள இயற்கை வரலாற்று அருங்காட்சியகத்தில் 1917 ஆம் ஆண்டு ஐல் ஆஃப் வைட்டில் கண்டுபிடிக்கப்பட்ட மாண்டெலிசரஸ் எலும்புக்கூடு காட்சிக்கு வைக்கப்பட்டுள்ளதாக சுற்றுச்சூழல் நிறுவனம் குறிப்பிட்டுள்ளது. இது ஐக்கிய இராச்சியத்தில் உள்ள மிகவும் விரிவான டைனோசர் எலும்புக்கூடுகளில் ஒன்றாக கருதப்படுகிறது. நீங்கள் லண்டனில் இருந்தால் அல்லது சென்றால் இந்த பெரிய கால் தடத்தை கண்டு விட்டு வாருங்கள்!
