பூரி கோனார்க் கடற்கரை சாலை, பூரி மற்றும் கோனார்க் ஆகியவற்றை இணைக்கும் சுமார் 35 கி.மீ. நீள சாலையாகும். இந்த சாலை, வழி நெடுகிலும் இரு புறத்திலும் இயற்கை அழகு நிறைந்த கடற்புரக் காடுகளைக் கொண்டு எழிலுடன் காணப்படுகிறது. பூரி கோனார்க் கடற்கரை சாலையில் ஏராளமான கடற்கரை ஓய்வகங்கள் காணப்படுகின்றன.
நீங்கள் போகும் வழியில் நிறுத்தி, ராம்சண்டி கோயில், பஞ்ச முகி ஹனுமான் கோயில் மற்றும் குப்தேஸ்வர் கோயில் ஆகியவற்றுக்கு சென்று உங்கள் பிரார்த்தனைகளை செலுத்தி விட்டு பயணத்தைத் தொடரலாம்.
முன்பதிவு செய்து கொள்வதன் மூலம் படகு சவாரி செய்யும் வசதியுடைய சந்திரபாகா கடற்கரை இந்த சாலையில் காணப்படும் மிக முக்கியமான சுற்றுலா ஈர்ப்பாகும்.
பூரி கோனார்க் கடற்கரையிலிருந்து கூப்பிடு தொலைவில் உள்ள ராம்சாண்டி கடற்கரை ஏராளமான சுற்றுலாப் பயணிகளை தன்னகத்தே ஈர்க்கக்கூடியதாகும். இங்கும் படகுச் சவாரி செய்யும் வசதி உள்ளது. இந்த சாலையிலிருந்து தெரியும் சூரியோதயம் மற்றும் சூரிய அஸ்தமனக் காட்சிகள் தவற விடக்கூடாத ஒன்றாகும்.