ஸ்பிதி சுற்றுலாத்தலத்தின் பல சுவாரசியமான சாகச பொழுது போக்கு அம்சங்களில் இந்த யாக் சஃபாரியும் ஒன்றாகும். இந்த சுவாரசியமான பொழுதுபோக்கில் குழந்தைகள் மட்டுமல்லாது பெரியவர்களும் தயக்கமில்லாமல் ஈடுபடலாம்.
யாக் சஃபாரி என்பது வேறொன்றுமில்லை – யாக் எருமையின் மீது அமர்ந்து சவாரி செய்வதுதான். எருமையின் மீது சவாரியா?- என்று தமிழகப்பயணிகள் முகஞ்சுளிக்க வேண்டியதில்லை.
யாக் என்பவை திபெத்திய சடை எருமைகளாகும். இவை மிக அமைதியான சுபாவம் கொண்டவை என்பது குறிப்பிடத்தக்கது. ஸ்பிதி ஹிமாலயப்பாலைவன பகுதியில் உள்ள தாவரங்கள் மற்றும் உயிரினங்களை பார்த்து ரசிக்க இந்த யாக் சஃபாரி உதவுகிறது.