புதுச்சேரியில் உள்ள இந்த வித்தியாசமான அருங்காட்சியகத்திற்கு நீங்கள் இன்னும் செல்லவில்லையா – மறக்காம போயிட்டு வ

பிரெஞ்சு காலனித்துவ அழகிய நகரமான புதுச்சேரி ஒரு 'மினி கோவா' என்று அன்புடன் அழைக்கப்படுவதுடன், வார இறுதிகளில் சுற்றுலாப் பயணிகளால் நிரம்பி வழிகிறது! நீங்கள் புதுச்சேரி வாசியாக இருந்தாலும், அல்லது புதுச்சேரிக்கு சுற்றுலா சென்றாலும் கட்டாயம் பார்த்து விட வேண்டிய ஒரு அழகிய இடம் இருக்கிறது. புதுவை கடற்கரை மற்றும் பாரதி பூங்காவுக்கு அருகே திறக்கப்பட்டுள்ள 'வொண்டர்ஸ் ஆஃப் ஒயிட்டவுன்' எனும் அரியவகை அருங்காட்சியகத்தில் உலகின் எல்லா நாடுகளில் உள்ள பொம்மைகள், பிரபல நட்சத்திரங்களின் மெழுகு சிலைகள், சிலிக்கான் சிலைகள் ஆகியவை இடம் பெற்றுள்ளன. கண்கவர் வகையில் அமைக்கப்பட்டுள்ள இந்த அருங்காட்சியகம் நம்மை உற்சாகமடைய வைக்கிறது!

புதுச்சேரியில் கட்டாயம் பார்க்க வேண்டிய இடம்

வண்ணமயமான பல கடற்கரைகள், துடிப்பான வீதிகள், பிரெஞ்சு சாராம்ச கட்டிடங்கள், பாரம்பரிய கோவில்கள், சுவையான உணவகங்கள், அழகிய ஆரோவில் நகரம், பலவகையான கஃபேக்கள் மற்றும் பப்கள் என பல சுற்றுலா அம்சங்கள் புதுச்சேரியை அலங்கரிக்கிறது. இப்போது இந்த பட்டியலில் 'வொண்டர்ஸ் ஆஃப் ஒயிட் டவுன்' எனும் புதிய அருங்காட்சியகமும் சேர்ந்துள்ளது.

வொண்டர்ஸ் ஆஃப் ஒயிட் டவுன்' மியூசியம்

ஓவியங்கள் மூலம் உலக அளவில் பெயர் பெற்றவர் ஏ.பி.ஸ்ரீதர் அவர்களின் கைவண்ணத்தில் விண்டேஜ் கேமரா, கிளிக் ஆர்ட், 3டி ஓவியம், மெழுகு சிலை உள்ளிட்ட பல அதிசயங்களை அவர் உருவாக்கியுள்ளார். தற்போது இவரது புதிய படைப்பாக புதுச்சேரியின் பாரம்பரியமிக்க ஒய்ட் டவுன்-இல் பிரம்மாண்ட கலாச்சார நிறுவனம் 'வொண்டர்ஸ் ஆஃப் ஒயிட் டவுன்' என்ற மியூசியத்தை திறந்துள்ளார்.

மூன்று வகையான அருங்காட்சியகங்கள்

வொண்டர்ஸ் ஆஃப் வைட்டவுன் (வாவ்) மூன்று பிரிவுகளைக் கொண்டுள்ளது: ஒரு நேரடி கலை அருங்காட்சியகம், ஒரு டெட்டி மியூசியம் மற்றும் ஒரு மீன் கலை அருங்காட்சியகம். டெடி மியூசியம் பிரிவில் உலகெங்கிலும் உள்ள 195 க்கும் மேற்பட்ட மாநிலங்களின் கலாச்சாரங்களை ஒத்த பல கரடி பொம்மைகள் பாரம்பரிய உடையில் அலங்கரிக்கப்பட்டுள்ளன.

பிரபல நட்சத்திரங்களின் மெழுகு சிலைகள்

நமக்கு பிடித்த பல நட்சத்திரங்களின் மெழுகு சிலைகளும் இங்கே வைக்கப்பட்டுள்ளன. அவற்றில் ஏபிஜே அப்துல் கலாம், எம்எஸ் தோனி, சாய்பாபா, அன்னை தெரசா, அமிதாப் பச்சன், ஜாக்கி சான், மைக்கேல் ஜாக்சன், சார்லி சாப்ளின், அர்னால்ட், உலகின் மிக உயரமான மனிதர், உலகின் மிகக் குட்டையான மனிதர் போன்ற பிரபலங்களின் யதார்த்தமான பிரதிபலிப்பு இந்த நேரடி கலை அருங்காட்சியகத்தில் உள்ளது. கண்களை இமைக்கும் சாய்பாபா சிலை மிகவும் ஈர்க்கிறது. இந்த சிலைகளை வைத்து செல்ஃபி எடுக்கலாம், போட்டோ ஷூட் செய்யலாம்.

டெடி மற்றும் மீன் மியூசியம்

டெடி மியூசியம் மனித குலத்தின் சர்வதேச அழகியல், குழந்தை பருவ நினைவுகளை கொண்டாடும் வகையில் உருவாக்கப்பட்டு இருக்கிறது. 195 நாடுகளின் பாரம்பரிய மிக்க உடைகளில் 500 டெடி பொம்மைகள் மறு உருவாக்கம் செய்யப்பட்டு இருக்கிறது. மீன் மியூசியத்தில் நீருக்கடியில் உள்ள எண்ணற்ற உயிரினங்களை தழுவி உருவாக்கப்பட்ட சிற்பங்கள் வைக்கப்பட்டுள்ளன.

நுழைவுக்கட்டணம் மற்றும் எப்படி செல்வது?

இந்த அருங்காட்சியகம் வில்லா குகா, ரூ சுஃப்ரென், புதுச்சேரி - 605001 என்ற முகவரியில் உள்ளது. நீங்கள் புதுவை கடற்கரையிலிருந்தும், பாரதி பூங்காவிலிருந்தும் நடந்தே செல்லக்கூடிய தூரத்தில் தான் அமைந்துள்ளது. இந்த நேரடி கலை அருங்காட்சியகம் பொதுமக்களுக்கு காலை 10:00 மணி முதல் இரவு 9:00 மணி வரை திறந்திருக்கும். வயது வந்தோருக்கான நுழைவுச் சீட்டு விலை ரூ. 295 ஆகவும், குழந்தைகளுக்கு ரூ. 195 ஆகவும் வசூலிக்கப்படுகிறது.

இது கட்டாயம் பார்க்க வேண்டிய இடம் மற்றும் உங்கள் பக்கெட் லிஸ்டில் சேர்க்கப்பட வேண்டும்.