போக்மாலு பீச் கோவா விமான நிலையத்துக்கும், வாஸ்கோடகாமா நகரத்துக்கும் வெகு அருகிலேயே இருப்பதால் சுலபமாக அடைந்து விடலாம். இங்கு நீங்கள் காலை நேரம் முழுக்க நீர் விளையாட்டுகளில் ஈடுபட்டு திளைக்கலாம். அதன் பின்னர் நேவல் மியூசியம் சென்று வரலாற்று காலத்தில் கொஞ்ச நேரம் பயணிக்கலாம். இல்லையென்றால் போக்மாலு பீச் ரிசார்ட்டில் அமர்ந்துகொண்டு சூரிய அஸ்த்தமனத்தை ரசிக்கலாம்.
அதுமட்டுமல்லாமல் டோனா பௌலாவுக்கு ஃபெர்ரி அல்லது படகு மூலம் செல்லும் அனுபவம் அலாதியானது.அதோடு போக்மாலு பீச்சில் எண்ணற்ற குடில்களை நீங்கள் பார்க்கலாம். மேலும் ஸ்கூபா டைவிங் விளையாட்டு இந்தப் பகுதிகளில் மிகப்பிரபலம்.
போக்மாலு பீச்சின் சுத்தமான நீரில் உல்லாசமாக நீந்தித் திளைக்கும் அனுபவம் அற்புதமானது. இந்தக் கடற்கரை விமான நிலையத்திலிருந்து 5 கிலோமீட்டர் தூரத்திலேயே இருப்பதால் பயணிகள் வாடகை கார்களை அமர்த்திக் கொள்வதில் ஒன்றும் சிரமம் இருக்காது.
அதோடு நீங்கள் தங்கியிருக்கும் ஹோட்டல் பகுதிகளிலிருந்து பைக்குகளை வாடகைக்கு எடுத்துக் கொண்டும் போக்மாலு பீச்சுக்கு வந்து சேரலாம். மேலும் இந்தக் கடற்கரை வாஸ்கோடகாமா மற்றும் தபோலிம் ரயில் நிலையங்களுக்கும் அருகில்தான் இருக்கிறது.