முகப்பு » சேரும் இடங்கள் » சைல் » ஈர்க்கும் இடங்கள்
  • 01சைல் அரண்மனை

    75 ஏக்கர் பரப்பளவில் கட்டப்பட்டுள்ள சைல் அரண்மனையானது சைல் நகரத்தின் பிரபலமான சுற்றுலாத்தலமாக உள்ளது. இந்த அரண்மனையை பாட்டியாலாவின் மன்னராக இருந்த மகாராஜா ஆதிராஜ் புபீந்தர் சிங் என்பவர் 1891-ம் ஆண்டு கட்டினார்.

    செழுமையான பசுமை நிறைந்த பைன் மற்றும் தியோதர் மரங்களுக்கு நடுவில் ராஜ்கர் மலைகளில் அமைந்திருக்கும் இந்த அரண்மனை பார்வையாளர்களுக்கு விருந்தாக அமையும் இடமாகும்.

    சைல் நகரத்தின் ராஜ பாரம்பரிய அடையாளமாக இருக்கும் இந்த அரண்மனைதான் பாட்டியாலா மன்னரின் கோடைகால தலைநகராக இருந்த இடமாகும்.

    + மேலும் படிக்க
  • 02குருத்துவாரா சாஹிப்

    குருத்துவாரா சாஹிப்

    1907-ஆம் ஆண்டு பாந்தவா மலைகளில் கட்டப்பட்ட குருத்துவாரா சாஹிப், சைல் பஜாரிலிருந்து ஒரு கிலோ மீட்டர் தொலைவில் அமைந்துள்ள முக்கியமான சுற்றுலாத்தலமாகும்.

    சீக்கிய வழிபாட்டுத்தலமாக இருந்தாலும், இந்த குருத்துவாராவின் சில கட்டிடக்கலை அமைப்புகள் கோவாவில் உள்ள சர்ச்சுகளின் அமைப்பை நினைவுபடுத்துவதாக இருக்கும்.

    இங்கிருக்கும் பசுமையான புல்வெளிப் பரப்பையுடைய மஞ்சள் நிற வடிவமைப்பு பார்வையாளர்களின் கண்களுக்கு சிறந்த விருந்தாக அமையும். தினந்தோறும் எண்ணற்ற பக்தர்கள் வந்து செல்லும் இடமாக இருக்கும் இந்த குருத்துவாராவின் நுழைவாயிலை ஒரு இரண்டடுக்கு கோபுரம் தாங்கியபடி உள்ளது.

    + மேலும் படிக்க
  • 03சாதுபுல்

    சாதுபுல்

    இமாச்சல பிரதேச மாநிலத்தின் கன்டகாட் மற்றும் சைல் பகுதிகளுக்கிடையே அமைந்துள்ள முக்கியமான சுற்றுலாத்தலம் சாதுபுல் ஆகும். இந்த இடம் சுற்றுலாப் பயணிகள் மத்தியில் மிகவும் பிரபலமானதாகும். அஸ்வினி ஓடையின் குறுக்காக அமைக்கப்பட்டுள்ள பாலத்திற்கருகில் சாதுபுல் உள்ளது.

    + மேலும் படிக்க
  • 04காளி கா டிப்பா

    காளி கா டிப்பா

    சைல் மலையின் உச்சியில் அமைந்திருக்கும் புகழ் பெற்ற வழிபாட்டுத்தலமான காளி கா டிப்பா, இந்து பெண் தெய்வமான காளியை வணங்குமிடமாகும். இந்த கடவுள் காலம் மற்றும் மாற்றத்தின் கடவுளாக கருதப்படுகிறார்.

    இந்த பழமையான கோவிலிலருந்து சிவாலிக் மலைத்தொடர் மற்றும் சூர்தார் சிகரங்களின் திணறடிக்கும் காட்சிகளை காண முடியும். இந்த கோவில் அமைந்திருக்கும் மலையுச்சிப் பகுதி ராஜமாதா குடில், ப்ளாஸ்சம் என்றழைக்கப்படுகிறது.

    + மேலும் படிக்க
  • 05கிரிக்கெட் மைதானம்

    கிரிக்கெட் மைதானம்

    கடல் மட்டத்திலிருந்து  2444மீ உயரத்தில் அமைந்துள்ள இந்த கிரிக்கெட் மைதானம், உலகிலுள்ள உயரமான கிரிக்கெட் மைதானங்களில் ஒன்றாக உள்ளது.

    போலோ மைதானமாகவும் விளங்கும் இந்த மைதானமானது, 1893-ம் ஆண்டு பாட்டியாலா மன்னர் புபீந்தர் சிங்கினால் உருவாக்கப்பட்டு இன்றளவும் நன்றாக பராமரிக்கப்பட்டு வருகிறது.

    பைன் மற்றும் தியோதர் மரங்களால் சூழப்பட்டு பசுமையான சுற்றுச்சூழலுடன் இருக்கும் இந்த மைதானம் சைல் இராணுவப் பள்ளியின் நிர்வாகத்திற்கு உட்பட்டதாக உள்ளது.

    + மேலும் படிக்க
  • 06சித் பாபா கா மந்திர்

    சித் பாபா கா மந்திர்

    சைல் நகரத்தின் குறிப்பிடத்தக்க சுற்றுலாத்தலமான சித் பாபா கா மந்திர் ராஜ்கர் மற்றும் பாந்த்வா மலைகளுக்கு இடையில் அமைந்துள்ளது. பாட்டியாலா மன்னர் புபீந்தர் சிங் இவ்விடத்தில் அரண்மனையை கட்ட நினைத்த போது, அவருடைய கனவில் வந்த துறவியொருவர் மாற்றாக கோவில் ஒன்றை கட்டுமாறு கேட்டுக் கொண்டதாக சொல்லப்படுகிறது.

    அதன் பிறகு மன்னர் கட்டிய இந்த கோவில் சித் பாபா கா மந்திர் என்ற பெயரில் புகழ் பெற்று விளங்குகிறது. இந்த கோவிலைச் சுற்றியுள்ள அழகிய சுற்றுப்புறங்கள் சுற்றுலாத்தலத்திற்குரிய அந்தஸ்தை அளிக்கின்றன.

    + மேலும் படிக்க
  • 07சைல் இராணுவப் பள்ளி

    சைல் இராணுவப் பள்ளி

    சைல் நகரத்தில் கடல் மட்டத்திலிருந்து 2144மீ உயரத்தில் பிரபலமான சுற்றுலாதலமான சைல் இராணுவப் பள்ளி அமைந்துள்ளது. முதல் உலகப் போருக்குப் பின்னர் ஐந்தாம் ஜார்ஜ் மன்னரின் தேசிய நிதியிலிருந்து ரூ.250,000/- வழங்கப்பட்டு, 1922-ஆம் ஆண்டில் இந்த பழமையான பள்ளி திறக்கப்பட்டது.

    எனவேதான் இங்கிருக்கும் வீரர்கள் 'ஜார்ஜியன்ஸ்' என்று அழைக்கப்படுகிறார்கள். இந்தப் பள்ளி உலகத்திலேயே மிகவும் உயரமான கிரிக்கட் மைதானம் மற்றும் போலோ மைதானத்தை பெற்றுள்ள இடமாகும்.

    + மேலும் படிக்க
  • 08சைல் வனவிலங்கு சரணாலயம்

    சைல் வனவிலங்கு சரணாலயம்

    உண்மையில் பாட்டியாலா மன்னரின் வேட்டையாடும் களமாக இருந்த சைல் வனவிலங்கு சரணாலயப்பகுதிகளை 1976-ம் ஆண்டு அரசு சரணாலயமாக அறிவித்தது.

    மலையின் உச்சியில், 110 சகிமீ பரப்பளவில் அமைந்திருக்கும் இந்த சரணாலயம் அதனுடைய அடர்ந்த காடுகளில் பைன் மரங்கள், புதர்கள், ஓக் மரங்கள் மற்றும் புல்வெளிப்பகுதிகளால் பசுமையாக போர்த்தப்பட்டிருக்கிறது.

    இந்த சரணாலயம் கணக்கிலடங்காத அளவில் கோரல், இந்திய முன்ட்ஜாக் மான்கள், சிறுத்தைப்புலிகள், கொண்டையுடைய முள்ளம்பன்றிகளின் வாழிடமாக உள்ளது.

    மேலும், சிறுத்தைகள், காட்டுப் பன்றிகள், சம்பார், ஐரோப்பிய சிவப்பு மான்கள், இமாலய கருப்பு கரடிகள், பொதுவான வகை லாங்குர் குரங்குள் மற்றும் கருப்பு வகை முயல்களையும் கொண்டிருக்கிறது.

    மாறுபட்ட பறவையினங்களான 'சியர் பீசன்ட்' மற்றும் 'கால்ஜி பீசன்ட்' ஆகிய பறவைகளையும் சைல் வனவிலங்கு சரணாலயத்தில் பார்க்கலாம். மச்சான்ஸ் என்ற பெயரில் அழைக்கப்படும் பல்வேறு பார்வையிடங்களிலிருந்து இந்த சரணாலயயத்தை முழுமையாக பறவையின் பார்வையில் காணும் வசதியும் உள்ளது.

    + மேலும் படிக்க
One Way
Return
From (Departure City)
To (Destination City)
Depart On
22 Feb,Thu
Return On
23 Feb,Fri
Travellers
1 Traveller(s)

Add Passenger

  • Adults(12+ YEARS)
    1
  • Childrens(2-12 YEARS)
    0
  • Infants(0-2 YEARS)
    0
Cabin Class
Economy

Choose a class

  • Economy
  • Business Class
  • Premium Economy
Check In
22 Feb,Thu
Check Out
23 Feb,Fri
Guests and Rooms
1 Person, 1 Room
Room 1
  • Guests
    2
Pickup Location
Drop Location
Depart On
22 Feb,Thu
Return On
23 Feb,Fri

Near by City