Click it and Unblock the Notifications
ஸ்மிட் எனும் இந்த அழகிய சாந்தம் தவழும் கிராமம் ஷில்லாங் நகரத்திலிருந்து 16 கி.மீ தூரத்தில் உள்ளது. வளைந்து நெளிந்து செல்லும் சாலைகள் வழியே முடிவுறாத நீளும் மலைக்காட்சிகளை ரசித்தபடி இந்த கிராமத்திற்கு வந்து சேரலாம். வாழ்வில் மறக்கவே முடியாத ஒரு பயண அனுபவமாக இது இருக்கும்.
இந்த ஸ்மிட் கிராமத்தில் உள்ளூர் தலைவரான ‘லிங்டோ’வின் வீடு பிரதானமான தனித்தன்மையான கலை அம்சங்களுடன் காட்சியளிக்கிறது. மரம் மற்றும் மூங்கிலை பயன்படுத்தி கட்டப்பட்டிருக்கும் இது வேயப்பட்ட கூரையுடன் காட்சியளிக்கிறது.
இது இந்த கிராம மக்களால் பெரிதும் மதிக்கப்படுகிறது. ‘ஹிமா கைரம்’ எனும் மதபிரிவின் தலைமை குரு வசிக்கும் இருப்பிடமான லிங் சாத் என்று அழைக்கப்படும் வீடும் இங்குள்ளது.
இந்த ஸ்மிட் கிராமம் இங்கு தயாரிக்கப்படும் உள்ளூர் மதுபானங்களுக்கும் புகழ் பெற்றிருக்கிறது. இந்த கிராமத்தில் உள்ள மதுபான விடுதியில் (பார்) இந்த உள்ளூர் பானங்கள் மட்டுமே விற்கப்படுகிறது. அரிசி நொதிப்பில் தயாரிக்கப்படும் ஒரு வகை பீர் இங்கு விற்கப்படுகிறது. ஒரு வயதான மனிதர் இந்த பானத்தை வழங்குகிறார்.
ஸ்மிட் கிராமத்திற்கு செல்ல ஷேர் டாக்சிகள், பேருந்துகள் போன்றவை கிடைக்கின்றன. ஷில்லாங் நகரத்திலிருந்து போக்குவரத்து சேவைகளை முன்பதிவு செய்துகொண்டும் செல்லலாம்.
