முகப்பு » சேரும் இடங்கள் » ராய்பூர் » ஈர்க்கும் இடங்கள்
  • 01தூததாரி மடாலயம்

    தூததாரி மடாலயம்

    ராம பிரானின் பெயரில் அமைக்கப்பட்டிருக்கும் இந்த தூததாரி மடாலயம் ராய்பூர் நகரத்தின் தென்பகுதியில் அமைந்திருக்கிறது. 17ம் நூற்றாண்டில் ஜைத்சிங் மன்னரால் கட்டப்பட்ட இந்த மடாலயம் இந்த சுற்று வட்டாரத்தில் மிகப்பிரசித்தமான ஆன்மீக மையமாக அறியப்படுகிறது. இது மஹாராஜ்பந்த் ஆற்றின் கரையில் அமைந்துள்ளது. இந்த மடாலயத்துக்கு அருகிலேயே ஒரு கோயில் ஒன்றும் உள்ளது.

    இந்த மடலாயத்தின் பெயர் குறித்த ஒரு சுவாரசியமான பின்னணியையும் உண்டு. அதாவது பாலை மட்டுமே உணவாக கொண்டு வாழ்ந்த ஸ்வாம் பல்பத்ரா தாஸ் என்பவரின் நினைவாக இது ‘தூத் (பால்) தாரி’ என்று அழைக்கப்படுகிறது.

    இந்த கோயிலில் காணப்படும் அழகிய சுவரோவியங்கள் பார்வையாளர்களை வெகுவாக கவர்கின்றன. சட்டிஸ்கருக்கு வருகை தரும் பயணிகள் ராய்பூரில் உள்ள இந்த தூததாரி மடாலயத்திற்கு மறக்காமல் விஜயம் செய்யலாம்.

    + மேலும் படிக்க
  • 02ஷாப்பிங் அம்சங்கள்

    ஷாப்பிங் அம்சங்கள்

    ஷாப்பிங் பிரியர்களை கவரும் ஏராளமான சுவாரசியங்கள் இந்த ராய்பூர் நகரத்தில் நிரம்பியுள்ளன. இந்த நகரின் தெருக்களில் இருபுறமும் கடைகள் அமைந்துள்ளன. இவற்றில் கைத்தறி துணி வகைகள், மூங்கில் மற்றும் மரத்தால் ஆன கைவினைப்பொருட்கள், உடைகள் மற்றும் வீட்டு உபயோகப்பொருட்கள் விற்கப்படுகின்றன.

    ராய்பூர் கைத்தறிப்புடவைகள் பெண்கள் பெரிதும் விரும்பும் புடவை வகைகளாகும். தோகிதா கோசா கைத்தறி மையம் மற்றும் பர்லோட்டா எண்டர்பிரைசஸ் ஆகிய இரண்டு இடங்களில் உள்ளூர் கைத்தறிப்புடவைகளை பயணிகள் வாங்கலாம்.

    இவை தவிர ஷபரி சட்டிஸ்கர் ஸ்டேட் எம்போரியம் எனும் வளாகத்தில் பல்வேறு கைவினைப்பொருட்கள் விற்பனை செய்யப்படுகின்றன.

    மாக்னெட்டோ-தி மால், கலர்ஸ் மால், சிட்டி மால்36, ஆர் கே மால், சட்டிஸ்கர் சிட்டி சென்டர் மால், மஹா கோஷல் ஆர்ட் கேலரி, அம்புஜா சிட்டி சென்டர் மால் மற்றும் டிரஷர் ஐலேண்ட் போன்ற இதர வளாகங்களும் ராய்பூர் நகரில் ஷாப்பிங் பிரியர்களுக்காக காத்திருக்கின்றன.

    + மேலும் படிக்க
  • 03அராங்

    அராங்

    அராங் எனப்படும் இந்த புராதன நகரம் ராய்பூர் நகரத்திலிருந்து 36 கி.மீ தொலைவில் உள்ளது. பண்டதேவல் கோயில் மற்றும் மஹாமயா கோயில் எனப்படும் பழமையாக கோயில்கள் இந்நகரத்தில் அமைந்துள்ளன.

    பண்டதேவல் கோயில் அதன் கட்டிடக்கலை அம்சங்களுக்கு புகழ் பெற்றுள்ளது. இதன் உள்ளே ஜைன தீர்த்தங்கரர்களின் மூன்று பிரம்மாண்ட கருங்கல் சிலைகளைக்காணலாம்.

    இதே போன்று மஹாமயா கோயிலிலும் மூன்று பெரிய தீர்த்தங்கரர் சிலைகள் காணப்படுகின்றன. மேலும், 24 ஜைன தீர்த்தங்கரர்களின் உருவங்கள் பொறிக்கப்பட்ட ஒரு பெரிய கல் வடிவத்தையும் இங்கு பார்க்கலாம்.

    தண்டேஷ்வரி கோயில், சண்டி மஹேஷ்வரி கோயில், பஞ்சமுகி மஹாதேவ் கோயில் மற்றும் பஞ்சமுகி ஹனுமான் கோயில் போன்றவையும் இந்த புராதன நகரத்தில் அமைந்திருக்கின்றன.

    + மேலும் படிக்க
  • 04மஹந்த் கஸிதாஸ் மியூசியம்

    மஹந்த் கஸிதாஸ் மியூசியம்

    சத்தீஸ்கர் மாநிலத்திலுள்ள மிகச்சிறந்த அருங்காட்சியகங்களில் ஒன்றாக திகழும் இந்த மஹந்த் கஸிதாஸ் மியூசியம் ராய்பூர் நகரத்தின் முக்கியமான சுற்றுலா அம்சங்களில் ஒன்றாக புகழ் பெற்றுள்ளது. இது டி.கே மருத்துவமனைக்கு அருகில் அமைந்திருக்கிறது.

    ராஜா மஹந்த் கஸிதாஸ் என்பவரால் 1875ம் ஆண்டு இந்த மியூசியம் கட்டப்பட்டிருக்கிறது. இரண்டு அடுக்குகளுடன் கட்டப்பட்ட இந்த வளாகம் பின்னர் ஜோதி தேவி ராணி மற்றும் அவரது மகன் திக்விஜய் தாஸ் ஆகியோரால் 1953ம் ஆண்டில் புதுப்பிக்கப்பட்டது.

    தற்போது இந்த அருங்காட்சியக வளாகம் 2 ஹெக்டேர் அளவில் பரந்து காணப்படுகிறது. ஆயுதங்கள், புராதன நாணயங்கள், கல்வெட்டு குறிப்புகள், சிலைகள் மற்றும் சிற்பக்குடைவு வேலைப்பாடுகள் போன்றவை இங்கு காட்சிக்கு  வைக்கப்பட்டிருக்கின்றன.

    + மேலும் படிக்க
  • 05விவேகானந்தா சரோவர்

    விவேகானந்தா சரோவர்

    விவேகானந்தா சரோவர் என்று அழைக்கப்படும் இந்த ஏரி ராய்பூர் நகரத்தில் உள்ள மிகப்பழமையான ஏரியாகும். இந்த நகரம் எந்த அளவுக்கு பழமையானதோ அதே அளவுக்கு இந்த ஏரியும் பழமை வாய்ந்ததாக கருதப்படுகிற்து. ராய்பூர் பகுதியின் மிகப்பெரிய ஏரி என்ற அடையாளத்தையும் இது கொண்டிருக்கிறது.

    37அடி உயரமுள்ள விவேகானந்தா சிலை ஒன்று இந்த ஏரி ஸ்தலத்தில் உருவாக்கப்பட்டிருக்கிறது. பிரம்மாண்டமான இந்த சிலை லிம்கா கின்னஸ் புக் ஆஃப் ரெகார்ட்ஸ் பட்டியலிலும் இடம் பிடித்துள்ளது.

    ஏரியிலிருந்து 2.7 கி.மீ தூரத்தில் ஸ்வாமி விவேகானந்தா ஆஷ்ரம் ஒன்றும் அமைந்திருக்கிறது. இது விவேகானந்தரின் கொள்கைகளை கற்பித்து பரப்பி வருகிறது.

    + மேலும் படிக்க
One Way
Return
From (Departure City)
To (Destination City)
Depart On
20 Feb,Tue
Return On
21 Feb,Wed
Travellers
1 Traveller(s)

Add Passenger

  • Adults(12+ YEARS)
    1
  • Childrens(2-12 YEARS)
    0
  • Infants(0-2 YEARS)
    0
Cabin Class
Economy

Choose a class

  • Economy
  • Business Class
  • Premium Economy
Check In
20 Feb,Tue
Check Out
21 Feb,Wed
Guests and Rooms
1 Person, 1 Room
Room 1
  • Guests
    2
Pickup Location
Drop Location
Depart On
20 Feb,Tue
Return On
21 Feb,Wed