தமிழகத்தின் இந்த 73 ரயில் நிலையங்கள் பல நவீன வசதிகளுடன் ஸ்மார்ட் ரயில் நிலையங்களாக மாற்றப்படவுள்ளன!

இந்திய ரயில்வேயின் மூலம் தினமும் இயக்கப்படும் 13,169 ரயில்களில், 2 லட்சத்திற்கும் அதிகமான பயணிகள் பயன்பெறுகின்றனர். உலகிலேயே 4 ஆவது மிகப்பெரிய ரயில்வே நெட்வொர்க் ஆக திகழும் இந்திய ரயில்வே வந்தே பாரத் அதிவேக ரயில், சொகுசு ரயில், மலைப்பாதை ரயில் என பயணிகளுக்கு மேம்பட்ட பயணத்தை வழங்க பல முயற்சிகளை எடுத்து வருகிறது.

அந்த வகையில், தமிழ்நாட்டில் 73 ரயில் நிலையங்கள் பல்வேறு நவீன வசதிகளுடன் கூடிய ஸ்மார்ட் ரயில் நிலையங்களாக மாற்றப்படவுள்ளன!

இந்தியாவின் ஸ்மார்ட் ரயில் நிலையங்கள்

அமிர்த் பாரத் ஸ்டேஷன் திட்டத்தின் ஒரு பகுதியாக இந்தியா முழுவதும் உள்ள 1309 ரயில் நிலையங்களை மறுவடிவமைப்பு செய்ய பிரதமர் நரேந்திர மோடி சமீபத்தில் அடிக்கல் நாட்டினார். இந்த லட்சிய திட்டத்திற்கு ரூ.24,470 கோடி செலவாகும் என மதிப்பிடப்பட்டுள்ளது.

இத்திட்டமானது, ரயில் நிலையங்களுக்கான மாஸ்டர் பிளான்களைத் தயாரித்து, கட்டங்களாக அவற்றைச் செயல்படுத்தி, உள்கட்டமைப்பை மேம்படுத்தி பயணிகளுக்கு சிறந்த வசதிகளை வழங்குவதை நோக்கமாகக் கொண்டுள்ளது.

அறிமுகப்படுத்தப்படும் நவீன வசதிகள்

அம்ரித் பாரத் ஸ்டேஷன் திட்டம் நீண்ட கால அணுகுமுறையுடன் தொடர்ச்சியான அடிப்படையில் நிலையங்களை மேம்படுத்துவதை நோக்கமாகக் கொண்டுள்ளது. ஸ்டேஷன் அணுகல், சுற்றும் பகுதிகள், காத்திருப்பு அரங்குகள், கழிவறைகள், லிப்ட்/எஸ்கலேட்டர்கள், தூய்மை, இலவச வைஃபை, உள்ளூர் தயாரிப்புகளுக்கான கியோஸ்க் போன்ற வசதிகளை ரயில் நிலையங்களில் ஏற்படுத்துவதன் மூலம் அவை ஸ்மார்ட் ரயில் நிலையங்களாக மாற்றப்படவுள்ளன.

என்னென்ன வசதிகளை நீங்கள் எதிர்பார்க்கலாம்

1. வெயிட்டிங் ஹால்ஸ், கழிப்பறைகள் மற்றும் சுற்றியுள்ள பகுதிகள் குறிப்பிடத்தக்க மேம்படுத்தலுக்கு உட்படுத்தப்படும்.

2. அனைத்து பயணிகளும் சிரமமின்றி நிலையத்திற்கு செல்ல லிஃப்ட் மற்றும் எஸ்கலேட்டர் வசதி அறிமுகப்படுத்தப்படும்.

3. இணைய அணுகலுடன் தொடர்ந்து இருக்க இலவச வைஃபை.

4. உள்ளூர் பொருட்களை காட்சிப்படுத்தவும் மேம்படுத்தவும் 'ஒரு நிலையம் ஒரு தயாரிப்பு' போன்ற திட்டங்களை அறிமுகப்படுத்தப்படும்.

5. தடையற்ற தொடர்பு மற்றும் உதவிக்கான தகவல் கியோஸ்க்குகள் நிறுவப்படும்.

6. பிசினஸ் மீட்டிங் நடத்துவதற்கான பிரத்யேக பகுதிகள் அமைக்கப்படும்.

7. கரத்துடன் ஸ்டேஷனை ஒருங்கிணைத்தல், மல்டிமாடல் ஒருங்கிணைப்பை எளிதாக்குதல், மாற்றுத்திறனாளிகளுக்கான தேவைகளைப் பூர்த்தி செய்தல் ஆகியவையும் இவற்றில் அடங்கும்.

ஸ்மார்ட் நிலையங்களாக மாறப்போகும் தமிழக ரயில் நிலையங்கள்:

சென்னையில இப்படி ஒரு இடமா - மறக்காம இந்த வார இறுதியிலே குடும்பத்தோட இங்க போய்டணும்!