நீங்கள் இளமையாக இருக்கும்போதே இந்தியாவின் இந்த இடங்களை எல்லாம் பார்த்து விட வேண்டும்!

இந்தியாவில் பனி மூடிய சிகரங்கள் முதல், பாரிய பள்ளத்தாக்குகள் வரை, அடர்ந்த வனப்பகுதிகள் முதல் வெப்பமான பாலைவனம் வரை, பழங்காலக் கோவில்கள் முதல் நவீன கட்டிடக்கலை வரை எல்லாமுமே உண்டு. ஆனால் இந்த இடங்களை எல்லாம் நீங்கள் இளமையாக இருக்கும்போதே பார்த்து விட வேண்டும். வயதான பிறகு இங்கு செல்ல முடியாமல் போவதற்கு உடல் நலம், வயது முதிர்வு என பல தடைகள் ஏற்படலாம். ஆகையால் இளமையாக இருக்கும் போதே இந்த அழகிய சாகசம் நிறைந்த இடங்களுக்கு எல்லாம் சென்று வந்து விடுங்கள் பயணிகளே!லடாக்உலகளாவிய சுற்றுலாப் பயணிகளின் விருப்பமான லடாக் சந்தேகத்திற்கு இடமின்றி, பைக்கர் மற்றும் பேக் பேக்கர்களுக்கான இலக்கு. இந்தியாவின் பெரும்பாலான பகுதிளிலிருந்து இளைஞர்கள் லடாக்கிற்கு சாலைப் பயணம் மேற்கொள்ளுகிரார்கள். இது சற்றே கடினமான விஷயமாக இருந்தாலும் கூட இளமை காலத்தில் நீங்கள் செய்து பார்க்க வேண்டிய ஒன்று. சாகசங்கள் நிறைந்த சாலைகள், கடினமான நிலப்பரப்பு, தீவிர குளிர் நிலவும் வானிலை, உயரமான கணவாய்கள் இவற்றை எல்லாம் எதிர்த்து நிற்க இளமையாக இருந்தால் தானே முடியும். ஜான்ஸ்கர் பள்ளத்தாக்குக்கு சவாரி, சோ மோரிரி ஏரியில் ஓய்வு, ரிவர் ராஃப்டிங், முகாமிட்டு தங்குதல், ஸ்டார்கேசிங் செய்வது போன்றவற்றில் ஈடுபட மறக்காதீர்கள்.கோவாவேடிக்கை, சாகசம் மற்றும் உற்சாகத்தை விரும்பும் இளம் இதயங்களுக்கு மிகவும் பிடித்தமான விடுமுறை இடங்களின் பட்டியலில் கோவா முதலிடம் வகிக்கிறது. இளைஞர் கூட்டத்தினர் விரும்பவது போல பல இரவு விடுதிகள், டிஸ்கோக்கள் மற்றும் பல்வேறு பார்ட்டி இங்கு உள்ளன. கிராண்டே தீவில் உள்ள ஸ்கூபா டைவிங் மற்றும் ஸ்நோர்கெலிங், கயாக்கிங், மோர்ஜிமில் காத்தாடி சர்ஃபிங், பாராகிளைடிங், தூத்சாகர் ட்ரெக்கிங் ஆகியவற்றில் ஈடுபடுங்கள்.மணாலிசாகச ஆர்வலர்கள், பேக் பேக்கர்கள் மற்றும் ஹிப்பிகளுக்கு ஏற்ற இடமாக, நீங்கள் ஒரு குழு அல்லது தனி பயணத்தை மேற்கொள்ள இது சரியான சாய்ஸ் ஆகும். பார்ட்டிகள், சலசலப்பான நகர சதுரங்கள், தவிர்க்க முடியாத உணவு, மூச்சடைக்கக்கூடிய இயற்கைக்காட்சிகள் நிறைந்த இந்த நகரத்தில் பாராகிளைடிங், பனிச்சறுக்கு மற்றும் பிற விளையாட்டுகள், கிரேட் ஹிமாலயன் நேஷனல் பூங்காவைப் பார்வையிடவும், வசிஸ்த குளியல், மலையேற்றம் மேற்கொள்ளவும்.கேரளாஇளமை என்பது சாகசம், உற்சாகம் மற்றும் வேடிக்கை ஆகியவற்றுடன் மட்டும் தொடர்புடையது அல்ல. பல இளைஞர்கள் இயற்கையின் அமைதியில் நேரத்தை செலவிட விரும்புகிறார்கள், இந்த நோக்கத்திற்காக, கேரளா சிறந்த விடுமுறை இடமாகும். உங்கள் நண்பர்களுடன் கேரளா பயணத்திற்குச் சென்று பூமியின் சொர்க்கத்தைப் பாருங்கள். மூணாறு, அதிரப்பள்ளி, தேக்கடி, வாகமான் போன்ற இடங்களின் ஆழகை ஆராய்ந்து திளைத்திட இங்கே செல்லுங்கள்.ராஜஸ்தான்கலாச்சாரமும் பாரம்பரியமும் நிறைந்த மாநிலமாக நம்மை வரவேற்கும் ராஜஸ்தானில் இளைஞர்களுக்கான பல சுவாரஸ்ய செயல்பாடுகள் உள்ளன. இந்த மாநிலத்தின் ஒவ்வொரு மூலையிலும் பார்க்க வேண்டியவை. ஜிப் லைனிங் ஈடுபடுதல், சூடான காற்று பலூன் சவாரிகள், தார் பாலைவனத்தின் மடியில் முகாம், தேசிய பூங்காக்களில் ஜீப் சஃபாரி, ஜெய்சால்மர் மற்றும் புஷ்கரில் ஒரு மகிழ்ச்சியான ஒட்டக சஃபாரி, பிச்சோலா ஏரியில் படகு சவாரி ஆகியவை எல்லாம் இளமையிலேயே பார்க்க வேண்டியவை.ரிஷிகேஷ்சாகச விரும்பிகளுக்கும் இளைஞர்களுக்கும் தலைநகராக விளங்கும் ரிஷிகேஷ் நீங்கள் இளமையிலேயே பார்க்க வேண்டிய ஒரு இடமாகும். மலையேற்றம், ரிவர் ராஃப்டிங் மற்றும் பகலில் பங்கி ஜம்பிங் மற்றும் இரவில் அமைதியான கேம்ப்ஃபயர் உங்கள் பயணத்தை உற்சாகப்படுத்தாமல் இருக்குமா என்ன?மேகாலயாசுற்றுலாப் பயணிகளுக்கு பல்வேறு காட்சிகள், நடவடிக்கைகள், உணவு மற்றும் திருவிழாக்களை வழங்கும் மேகாலயா இளமையிலேயே பார்க்க வேண்டிய இடமாகும். உலகிலேயே அதிக மழை பொழியும் சிரபுஞ்சி, மலைகள், பள்ளத்தாக்குகள், ஏரிகள், குகைகள் மற்றும் நீர்வீழ்ச்சிகள் யாவையும் ரசிக்க, கரடு முரடான பாதைகளில் பயணிக்க நிச்சயம் நம்மில் உற்சாகம் இருக்க வேண்டும் அல்லவா!டார்ஜிலிங்இளமை இருக்கும் போதே நாம் செல்ல வேண்டிய செயல்களில் இமாலய ரயில் பயணம் முக்கியப் பங்கு வகிக்கிறது. மேற்கு வங்காளத்தில் அமைந்துள்ள இந்த இயற்கை எழில் கொஞ்சும் மலைவாசஸ்தலம் இளைஞர்களுக்கு ஏற்ற சாகசம் நிறைந்த இடமாகும். டார்ஜிலிங்கிற்கு இமாலய ரயில் பயணம் மேற்கொண்டு, டார்ஜிலிங்கின் தேயிலை தோட்டங்கள், ரோப்வே, பல்வேறு சிகரங்கள், பள்ளத்தாக்குகள் ஆகியவற்றைப் பார்த்து பிரமித்திடுங்கள்!