சிக்கிமில் உள்ள இந்த சிறிய நகரம், மிகவும் அழகிய, மற்றும் பிரபலமான சுற்றுலாத்தலம் ஆகும். புகழ்பெற்ற பிரிட்டிஷ் ஆய்வாளரான ' ஜோசப் டால்டன் ஹூக்கர்', `இமாலயன் ஜர்னல்' என்ற பத்திரிக்கையில் வெளியிட்ட தன்னுடைய கட்டுரையில், 'சிக்கிமின் மிகவும் அழகிய கிராமம்' என்று லாசுங்க்கை புகழ்ந்துள்ளார்.
இதன் அடுக்கு நீர்வீழ்ச்சிகள், தூய நீரோடைகள், மற்றும் பரந்த கண்ணுக்கினிய ஆப்பிள் தோட்டங்கள் ஆகியன மிகவும் புகழ் பெற்றவை. இவை சுற்றுலா பயணிகளை பெரிதும் கவர்கின்றது.
அக்டோபர் மற்றும் மே விற்கு இடைப்பட்ட 8 மாதங்களில், லாசுங்க் சுற்றுலா பயணிகளால் நிரம்பி வழியும். குளிர்காலங்களில் சுற்றுலா பயணிகளின் வருகை மிகவும் குறைந்து விடும். அதற்கு, இங்கு ஏற்படும் உறை பனியே முக்கிய காரணம்.
லாசுங்க் மற்றும் அதனை சுற்றியுள்ள சுற்றுலா இடங்கள்
இங்கு உள்ள சுற்றுலா தலங்களின் எண்ணிக்கை மிகவும் குறைவு. ஆனாலும், சிக்கிம் செல்லும் போது பார்க்க வேண்டிய சில தவிர்க்க முடியாத இடங்களும் உள்ளன. `லாசுங்க் மடாலயம்', மற்றும் `ரோடோடென்ரான்' சரணாலயம் ஆகியன லாசுங்கின் முக்கியமான சுற்றுலா தலங்களாகும்.
கோடையின் ஆரம்ப காலத்தில் ரோடோடென்ரான் சரணாலயத்தை பூத்து குழுங்கும் பல வகையான ரோடோடென்ரான் மலர்கள் அலங்கரிகரிக்கின்றன. ரோடோடென்ரான் மலர், சிக்கிமின் மாநில மலராகும்.
லாசுங்க் வரும் சுற்றுலா பயணிகள், இங்கு ருசியான ஆப்பிள்கள், ஆப்ரிகாட், மற்றும் பேரிக்காய்களை சுவைத்து மகிழலாம். இந்நகரம், கைவினைப் பொருட்களுக்கு மிகவும் புகழ் பெற்றது.
இங்கு வரும் பயணிகள், கைவினைப் பொருட்கள் விற்பனை மையத்தில் இருந்து அழகிய கைகளால் நெய்யப்ப்ட்ட `கம்போர்ட்டர்' களை வாங்கிச் செல்லலாம்.
லாசுங்கின் குடிமக்கள்
இம்மக்கள், `நேபாளி', `லெப்சா', மற்றும் `பூட்டியா' போன்ற மொழிகளை பேசுகின்றனர். இங்கு உள்ள மக்கள் `சும்ஷா' என்ப்படும் நிர்வாக அமைப்பை பின்பற்றுகின்றனர். இந்த நிர்வாக அமைப்பின் மூலம் தங்களுக்குள் ஏற்படும் பிரச்சனைகளை தீர்த்துக் கொள்கின்றனர்.
சாகச விரும்பிகளுக்கான லாசுங்க்
லாசுங்கில் பற்பல சாகசங்களில் ஈடுபட்டு பயணிகள் பொழுதை இன்பமயமாக கழிக்கலாம். ரோடோடென்ரான் சரணாலயத்திற்கு ட்ரெக்கிங் செல்வதற்கு லாசுங்க் ஒரு அடிப்படை முகாமாக செயல்படுகின்றது.
இந்த மலைப்பாதை `யம்தாங்க்' பள்ளத்தாக்கில் தொடங்கி `லாசென்' பள்ளத்தாக்கில் முடிவடைகின்றது. இந்நகரத்திற்கு மிக அருகில் உள்ள `பூனி', பனிச்சறுக்கு விளையாட்டிற்கு மிகவும் புகழ் பெற்றது.
வானிலை
லாசுங்க், லேசான கோடை காலத்தையும், கடுமையான குளிர்காலத்தையும், மற்றும் அதிக மழைப்பொழிவை கொண்ட மழைக்காலத்தையும் அனுபவிக்கின்றது.