பெங்களூருவில் சாகச பிரியர்கள் என்ஜாய் செய்வதற்கு ஏற்ற இடங்கள்

"இந்தியாவின் ஐடி ஹப்" என்று அழைக்கப்படும் பெங்களூரு, உலகின் முன்னணி தொழில்நுட்ப நகரமாக உள்ளது. நாட்டிலுள்ள மிக முக்கியமான சுற்றுலா தலங்களில் ஒன்றாக இருக்கும் பெங்களூருவில் சுற்றிப் பார்க்க நிறைய இடங்கள் உள்ளன. சாகசத்தை விரும்பும் சுற்றுலாப் பயணிகளுக்கு டிரெக்கிங், பாராகிளைடிங் மட்டுமல்ல இன்னும் ஏராளமான விஷயங்கள் இங்கு உள்ளன. நீங்களும் ஒரு சாகச பிரியர் என்றால் பெங்களூரு சென்றால் இந்த விஷயங்களை அனுபவிக்க மறக்காதீர்கள்.

மைக்ரோலைட் பறத்தல்

ஜக்கூர் விமானநிலையம், பெங்களூருவின் முக்கியமான விமானநிலையங்களில் ஒன்றாக விளங்குகிறது. இங்கு மைக்ரோலைட் விமானங்களில் பறப்பதற்கான அனுமதி வழங்கப்படுகிறது. மைக்ரோலைட் என்பது மிக எளிய, மிக லேசான வகை விமானமாகும். இது மிகவும் எளிமையான மற்றும் அற்புதமான பறக்கும் அனுபவம் அளிக்கின்றது. இவை, பெரும்பாலும் ஒரு தனி பயணியாகவோ அல்லது ஒரு சிறிய குழுவோ பயணிக்கக் கூடிய வகையில் வடிவமைக்கப்பட்டுள்ளது. ஜக்கூர் விமானநிலையத்தில் மைக்ரோலைட் விமானத்தில் பறப்பது, ஒரு புதிய உலகத்தை கண்டுபிடிப்பது போல இருக்கும். பெங்களூருவின் அழகான காட்சிகளை மேலிருந்து காண முடியும். அதன் பசுமையான பூங்காக்கள், நகரத்தின் கட்டிடங்கள், கோவில்கள் மற்றும் பலவகையான சுற்றுலா இடங்களை காண்பது சுவாரஸ்யமான அனுபவங்களை தருகிறது.

அந்தர்கங்கே குகை ஆய்வு

இது கர்நாடகா மாகாணத்தில், காங்கேர் மலை வரிசையில் அமைந்துள்ளது. இந்த இடம், இயற்கையின் அற்புதங்களைக் கண்டறிய விரும்பும் பயணிகளுக்கு ஒரு உகந்த இடமாக இருக்கின்றது. ஆந்தர்காங்கில் குகை ஆராய்ச்சி (Cave Exploration) மிகவும் பிரபலமான சாகச செயலாகும்.
அந்தர்கங்கே, பயணிகள் குகைகளுக்குள் நுழைந்து அவற்றின் ஆழத்தையும் அமைப்பையும் ஆராய முடியும். குகைகளின் உள்ளே சென்று, அங்கு உள்ள இயற்கை உருவங்கள், பாறைகளின் அமைப்பு, மற்றும் சுவர்களின் அழகுகளை காண முடியும். குகைகள் பசுமையான சூழலில் மறைந்து இருக்கும் பாறைகளுக்கு இடையே அமைந்துள்ளன. மேலும் அவை இளம் ஆராய்ச்சியாளர்களுக்கு மற்றும் சாகச உணர்வுகளை விரும்பும் பயணிகளுக்கு ஆக்கப்பூர்வமான அனுபவத்தை வழங்குகின்றன.

மெகோ கார்டோபியாவில் கோ-கார்டிங்

இது மோட்டார் விளையாட்டு ஆர்வலர்களுக்கும், வேகமான சாகசங்களை அனுபவிக்க விரும்புபவர்களுக்கும் சிறந்த இடமாக விளங்குகிறது. மேகோ கார்டோப்பியா, அர்ஜுன் பால்ராஜ் என்ற முன்னணி மோட்டார் ஸ்போர்ட்ஸ் வீரர் உருவாக்கிய ஒரு தரமான கோ-கார்டிங் சாகச மையம். இது தேசிய மற்றும் சர்வதேச அளவிலான தரத்தை கொண்டுள்ளது. குறைந்த வேகத்துடன் சிறுவர்களுக்கான கார்டுகள் மற்றும் தடகள வீரர்களுக்கான உயர்தர வேகக் கார்டுகள் போன்றவை உள்ளன. இங்கு கோ-கார்டிங் போட்டிகளில் பங்கேற்று பரிசுகள் பெறலாம்.

சர்ஜாபூரில் பெயிண்ட்பால் போர்கள்

பெங்களூருவில் சர்ஜாப்பூர் , பேயின்ட் பாலிங் விளையாட்டிற்குப் பிரபலமான இடமாக உள்ளது.பேயின்ட் பாலிங் என்பது, குழுக்களாகப் பிரிந்து, வேகமான மற்றும் உணர்ச்சிகரமான போராட்டத்தை அனுபவிக்க உதவும் சாகச விளையாட்டு ஆகும். இது தனிப்பட்ட திரில்லுடன், நண்பர்கள் மற்றும் குடும்பத்தினருடன் மிகச் சிறந்த டீம் விளையாட்டாக விளங்குகிறது.இரு குழுக்களாகப் பிரிந்து, பேயின்ட் குண்டுகளை எறிந்து எதிரணியை தோற்கடிக்க வேண்டும். சர்ஜாபூரில் ஒரு நபருக்கு 400 முதல் 700 ரூபாய் வரை பெயிண்ட்பால் சாகசங்களை விளையாட கட்டணமாகும்.

நேத்ரானி தீவில் ஸ்கூபா டைவிங்

நேத்ரானி கர்நாடகாவின் மல்பார் கரையின் அருகே உள்ள "புறா தீவு" என்று அழைக்கப்படும் சிறிய தீவு ஆகும். ஸ்கூபா டைவிங் செய்ய ஏற்ற இடமான இது இந்தியாவின் சிறந்த இடங்களில் ஒன்றாக பார்க்கப்படுகிறது. நீரில் 10 முதல் 30 மீட்டர் ஆழம் வரை சென்று வண்ணமயமான பவளப்பாறைகள் மற்றும் மீன்களை காணலாம். PADI-சான்றிதழ் பெற்ற பயிற்சியாளர்கள் மூலம் வழிகாட்டுதல் வழங்கப்படுகிறது.நேத்ரானி தீவில் ஸ்கூபா டைவிங் செய்ய ஒவ்வொரு டைவ் அமர்வுக்கும் 5,000 முதல் 7,000 ரூபாய் வரை செலவாகும்.

ராமநகரா பாறையேற்றம்

ராமநகரா , பெங்களூருவிலிருந்து சுமார் 50 கிமீ தொலைவில் அமைந்துள்ள பாறை ஏற்றம் செய்ய ஏற்ற இடமாகும். இது இந்தியாவின் மிகப்பெரிய கிரானைட் பாறைகளைக் கொண்ட சாகச விளையாட்டு மையங்களில் ஒன்றாக விளங்குகிறது. இந்த இடம், பிரபலமான பாலிவுட் திரைப்படமான "ஷோலே (Sholay)" படப்பிடிப்பு நடைபெற்ற இடமாகும். பாதுகாப்பு உபகரணங்களை பயன்படுத்தி, நீண்ட தூரம் ஏறுதல்,குறைந்த உயரம் கொண்ட, ஆனால் சவாலான பாறைகளை ஏறுதல், உயரமான பாறைகளிலிருந்து கட்டுபாடுடன் இறங்குதல்,குறுகிய பாறைகள் மீது சிறப்பான பிடிப்புடன் ஏறுதல் போன்ற பாறையேற்ற சாகசங்கள் பல உள்ளன.

பீமேஸ்வரி சாகச முகாமில் ஜிப்லைனிங்

பீமேஸ்வரி (Bheemeshwari Adventure Camp), பெங்களூருவிலிருந்து சுமார் 100 கிமீ தொலைவில் அமைந்துள்ள, சாகச விரும்பிகளுக்கு ஒரு சொர்க்கம் போன்ற இடமாகும். இது, காவிரி ஆற்றின் கரையில் அமைந்து, வனப்பகுதி மற்றும் இயற்கை உயிரினங்கள் சூழ்ந்த அற்புதமான அனுபவத்தைக் கொடுக்கிறது. இதில் ஜிப்லைனிங் (Ziplining), ரேப்பல்லிங், கயாகிங், ரிவர் கிராசிங் போன்ற பல சாகச விளையாட்டுகள் உள்ளன.

ஜிப்லைனிங் என்பது, இரு உயரமான புள்ளிகளுக்கு இடையே ஒரு கம்பியில் தொங்கும் சிறப்பு செயல்பாடு ஆகும். இதில், உயரத்தில் இருந்து வேகமாக சில விநாடிகளில் கீழே செல்லும் திரில்லான அனுபவம் கிடைக்கும். முன் அனுபவமில்லாவிட்டாலும், பயிற்சியாளர்கள் மூலம் பாதுகாப்பான பயிற்சி வழங்கப்படும்.