Click it and Unblock the Notifications
இந்தியா என்றால் நம் நினைவுக்கு வருவது நம் நாட்டின் கலாச்சாரம், பாரம்பரியம் மற்றும் பன்முகத்தன்மை தான். நம் மக்கள் நம் நாட்டின் மரபுகளைப் பற்றி பெருமிதம் கொண்டாலும் கலை, கலாச்சாரம், பாரம்பரியம் மற்றும் பாரம்பரியம் தவிர, இந்தியாவில் இரவு வாழ்க்கை என்பது யாரும் அறிந்திடாத ஒன்றில்லை. இந்தியாவில் உள்ள பல நகரங்கள் நீங்கள் நினைத்துப் பார்க்க முடியாத சிறந்த இரவு வாழ்க்கையை வழங்குகின்றன.
மும்பையில் உள்ள ஆடம்பரமான ஹோட்டல்கள் முதல் ஜெய்ப்பூர் ராஜாவின் அரண்மனை வரை, இந்தியாவில் இரவு வாழ்க்கை வழங்குவதற்கு ஏராளமான இடங்கள் உள்ளன. காற்று வீசும் பாலைவனங்கள், பிரமிக்க வைக்கும் கடற்கரைகள், அமைதியான மலைகள், உப்பு கலந்த வெள்ளை மணல் மற்றும் அழகான ஏரிக்கரை உள்ளிட்ட பல்வேறு நிலப்பரப்புகளில் உங்கள் இரவு வாழ்க்கையை அனுபவிக்க இந்தியா உங்களை அனுமதிக்கிறது.
நாட்டின் இந்த வேடிக்கையான மற்றும் அமைதியான முகத்தை ஆராய விரும்புகிறீர்களா? இதோ இந்தியாவின் சிறந்த சில இரவு நேர நகரங்களின் பட்டியல்.
கோவா
இந்தியாவின் பார்ட்டி தலைநகரம் என்றழைக்கப்படும் கோவா, இந்த பட்டியலில் முதல் இடத்தில் இருப்பது தானே நியாயம். இது இந்தியாவின் மிகச்சிறிய மாநிலமாக இருந்தாலும் கூட, கேளிக்கை, விருந்து, பார்ட்டி என்று வரும் போது கோவாவை வேறு எந்த நகரமும் அடித்துக் கொள்ள முடியாது. இந்தியர்கள் மட்டுமல்ல, வெளிநாட்டவர்களும் கூட கோவாவுக்குச் சென்று குதூகலமான இரவு வாழ்க்கையை அனுபவிக்கிறார்கள்.
சிறந்த இசை, பீச் பார்ட்டிகள், மூன் டிரான்ஸ் பார்ட்டிகள், கச்சேரிகள், டிஸ்கோக்கள் ரேவ் பார்ட்டிகள், கோவாவின் இரவு வாழ்க்கை அனைத்தையும் கொண்டுள்ளது. கோவாவின் அழகான இரவு வாழ்க்கைக்கு வசீகரம் சேர்க்கும் பல சிறந்த விடுதிகள் இரவில் பார்க்க வேண்டிய இடங்களாகும்.
மும்பை
"தி சிட்டி ஆஃப் ட்ரீம்ஸ்" என்ற பெயர் பெற்ற மும்பை பாலிவுட்டுக்கு மட்டும் பெயர்பெற்றது அல்ல, இந்தியாவில் இரவில் அனுபவிக்கக்கூடிய மிகச்சிறந்த இடங்களில் மும்பையும் ஒன்றாகும். இந்தியாவில் இருந்து சர்வதேசம் வரை புகழ்பெற்ற பிரபலங்கள், டிஜேக்கள், மியூசிக் பேண்டுகள் தங்கள் நிகழ்ச்சிகள் மற்றும் கச்சேரிகளை அவ்வப்போது நடத்துவதை நீங்கள் காணலாம். மும்பையின் வேடிக்கை நிறைந்த இரவு வாழ்க்கையில் ஈடுபட இது ஒரு வழியாகும். இந்தியாவில் இரவு நேர வாழ்க்கையை சில விதிமுறைகள் கட்டுப்படுத்துகின்றன, ஆனால் மும்பையில் அதிகாலை வரை குதூகலமாக செயல்படும் இடங்களைக் கண்டு நீங்கள் ஆச்சரியப்படுவீர்கள்.
பெங்களூரு
இந்தியாவின் கார்டன் சிட்டியான பெங்களூரு அதன் சுற்றுலா தலங்களைக் காட்டிலும் இந்தியாவில் இரவு வாழ்க்கைக்கு மிகவும் பிரபலமானது. இந்த இடம் இளம் பணியாளர்களுக்கு இடமளிப்பது மட்டுமல்லாமல், இந்தியாவின் சிறந்த இரவு வாழ்க்கை அனுபவங்களில் ஒன்றை வழங்குவதன் மூலம் அவர்களை மகிழ்விக்கிறது. நேரடி கரோக்கிகள், மைக்ரோ ப்ரூவரிகள், ஆடம்பரமான இரவு விடுதிகள், தியேட்டர், கச்சேரிகள், நடன நிகழ்ச்சிகள் மற்றும் நேரடி இசையை அனுபவிக்க உங்களுக்கு பெங்களூருவில் பல இடங்கள் உண்டு.
டெல்லி
பகல் நேரத்தில் டெல்லி மிகவும் துடிப்பாகவும், சுறுசுறுப்பாகவும் இருக்கும் என்ற கருத்து நம்மில் பலருக்கு இருக்கும். ஆனால், சூரிய அஸ்தமனத்திற்குப் பிறகு டெல்லி அதன் பல்வேறு இரவு வாழ்க்கையின் காரணமாக முற்றிலும் மாறுபட்ட சாயலைக் காட்டுகிறது. இங்கு பல்வேறு பப்கள், கிளப்புகள், உணவகங்கள் மற்றும் விடுதிகள் இரவு முழுதும் இயங்குகிறது. டெல்லியில் உள்ள அனைத்தையும் போலவே, அதன் இரவு வாழ்க்கையும் அதன் தனித்துவமான அழகைக்.கொண்டுள்ளது. இதனைப் பற்றி தெரிந்துக்கொள்ள நேரில் சென்று அனுபவிப்பதே சரியான வழியாகும்.
ஹைதராபாத்
இந்தியாவின் நவாபி நகரமான ஹைதராபாத் வண்ணமயமான கிளப்புகள், பப்கள், டிஸ்கோக்கள் மற்றும் கேளிக்கை விடுதிகளுடன் பார்ட்டி பிரியர்களை வரவேற்கிறது. பேகம்பேட், பஞ்சாரா ஹில்ஸ் மற்றும் சோமாஜிகுடா ஆகிய இடங்களில் மக்களின் கூட்டம் எப்பொழுதும் அலைமோதிக் கொண்டே இருக்கும். நகரத்தை ஆராய்ந்து, உற்சாகமான, வேடிக்கையான இரவுக்கு உத்தரவாதம் அளிக்கும் இந்த விருப்பங்களின் மூலம் உங்களை மனதை உற்சாகமடையச் செய்யுங்கள்.
ஜெய்ப்பூர்
வரலாற்றுச் சிறப்புமிக்க இடத்தின் தோற்றத்திலிருந்து சற்றே விலகி, ஜெய்ப்பூர் வட இந்தியாவில் உங்கள் இரவு வாழ்க்கை விடுமுறைகளைத் திட்டமிடுவதற்கான சிறந்த இடங்களில் ஒன்றாக திகழ்கிறது. இரவு முழுவதும் நடனமாடக்கூடிய டிஸ்கோக்கள், கிளப்புகள் மற்றும் பப்கள் என இதுபோன்ற விருப்பங்களின் பட்டியல் ஜெய்ப்பூரில் ஏராளமாக உள்ளது. நீங்கள் தனிமையில் இருக்க விரும்பினாலோ அல்லது குடும்பத்துடன் இருக்க விரும்பினாலோ அல்லது நண்பர்களுடன் குதூகலிக்க விரும்பினாலோ, எல்லாவற்றிற்கும் ஜெய்ப்பூரில் இடமுண்டு. ஜெய்ப்பூரில் பார்ட்டியில் செலவழிக்கும் ஒரு இரவு, நிச்சயமாக உங்களுக்கு ஒரு ரசிக்கத்தக்க அனுபவமாக இருக்கும் என்பதில் சந்தேகம் இல்லை.
சென்னை
இந்தியாவின் நான்கு முக்கிய பெருநகரங்களில் ஒன்றாக இருக்கும் சென்னை அங்கு இருக்கும் மக்களுக்கும் சென்னையை நோக்கி படையெடுக்கும் இளைஞர்களுக்கும் பல கேளிக்கைகளை வழங்கி மகிழ்விக்கிறது. நவநாகரீக இசை முதல், பானங்கள், கிளப்புகள், இரவு விடுதிகள், அனிமேஷன் செய்யப்பட்ட பப்கள் வரை என சென்னையில் இரவு நேர பொழுதுபோக்கு ஏராளம்
ஷில்லாங்
மேகாலயாவின் தலைநகரான ஷில்லாங், இரவு வாழ்க்கை என்று வரும்போது நாட்டின் வேறு எந்த முக்கிய நகரத்தையும் விட குறைவாக இல்லை என்றே கூறலாம். டெல்லி, மும்பை, கோவா போலவே ஷில்லாங்கிலும் இரவு வாழ்க்கை என்பது மிகவும் துடிப்பாக உள்ளது. பப்கள், கஃபேக்கள், டிஜேக்கள் மற்றும் உள்ளூர் இசைக்குழுக்கள் நடத்தும் நிகழ்ச்சிகள் என இரவு நேரத்தில் நகரம் உறங்காமல் இருக்கிறது.