Click it and Unblock the Notifications
பலங்கரில் இருந்து சுமார் 35 கிமீ தூரத்தில் அமைந்துள்ள ஸன்டாலா ஒரு சுவாரஸ்யமான தொல்பொருள் மற்றும் வரலாற்று முக்கியத்துவம் வாய்ந்த ஒரு இடமாகும். இந்த இடத்தில் அன்னை சண்டீஸ்வரி தாகுரனிக்கு ஒரு கோவில் உள்ளது.
அந்தக் கோவிலில் அன்னை மகிஷாசுர மர்த்தினி வடிவத்தில் வழிபடப்படுகின்றாள். இந்த கோவில் ஸோம்வன்சி காலத்தைச் சேர்ந்தது என்று நம்பப்படுகிறது. இந்தக் கோவிலின் கதவை பகவான் விஷ்ணுவின் பத்து அவதாரங்களும், கங்கா மற்றும் யமுனா தேவியின் வடிவங்களும் அலங்கரிக்கின்றன.
ஸைன்டாலாவில் ஒடிசாவின் அனைத்து முக்கிய பண்டிகைகளும் மிகவும் விமர்சையாகக் கொண்டாடப்படுகின்றன. மிக முக்கிய திருவிழாக்களான ரத யாத்திரை, சாவித்ரி விரதம், துர்கா பூஜை, கஜ லக்ஷ்மி பூஜை, தீபாவளி, மகர சங்கராந்தி, ஹோலி அல்லது தோலா பூர்ணிமா, மானபாஸ குருபார், ரக்ஸா பந்தன், பிஸ்ஹுபா அல்லது பானா சங்கராந்தி, கார்த்திக் பூர்ணிமா, ஜன்மாஷ்டமி, நபானா அல்லது நுக்ஹா, கணேஷ் பூஜா பாய் ஜுன்டியா, புவா ஜுன்டியா, ராம நவமி மற்றும் சரஸ்வதி பூஜை போன்றவை இங்கு மிக விமர்சையாக கொண்டாடப்படுகின்றன.
நவராத்திரி துர்கா பூஜா திருவிழா என்பது ஸைன்டாலாவின் தனிப்பட்ட சிறப்பாகும். இது ஒன்பது நாட்கள் கொண்டாடப்படுகிறது. இந்த நேரத்தில், பாய் ஜுன்டியா அஷ்டமி திதி அல்லது 8 வது நாள் அனுசரிக்கப்படுகின்றது. பண்டிகை நாட்களில் ஸைன்டாலாவிற்கு வருகை தருவது மிகவும் சிறந்தது.
