Click it and Unblock the Notifications
லக்னோ நகரத்தில் சுற்றுலாப்பயணிகள் விரும்பி விஜயம் செய்யும் இடங்களில் ஒன்றாக இந்த கான்ஸ்டான்டியா அமைந்திருக்கிறது. இது மேஜர் ஜெனரல் கிளாடே மார்ட்டின் எனும் பிரெஞ்சு அதிகாரி வசித்த மாளிகையாகும்.
இவர் பிரான்ஸ் நாட்டின் லியான்ஸ் நகரத்தை சேர்ந்தவர் என்பது குறிப்பிடத்தக்கது. இந்த மாளிகை 1751ம் ஆண்டில் கட்டப்பட்டிருக்கிறது.
இந்த மாளிகையின் பெயர் குறித்து பல்வேறு கதைகள் சொல்லப்படுகின்றன. அவற்றில் ஒன்றின்படி இந்த மாளிகைக்கு மார்ட்டின் தான் மிகவும் நேசித்த காதலியான கான்ஸ்டான்ஸ் என்பவரின் பெயரை சூட்டியிருப்பதாக சொல்லப்படுகிறது.
ஒரு உயர்த்தப்பட்ட நிலப்பரப்பில் 200 ஏக்கர் பரப்பளவில் இந்த மாளிகை உருவாக்கப்பட்டிருக்கிறது. இதில் பல ஆடம்பரமான சம்பிரதாயத்திற்கு புறமான பல அம்சங்கள் காணப்படுகின்றன.
இதன் உள்ளே செல்லும் பார்வையாளர்கள் பலவிதமான விசித்திரமான சிலைகளை பார்க்கலாம். பெரிய கண்களுடன் உற்று நோக்கும் இரண்டு பிரம்மாண்ட சிங்கங்களின் சிலைகளும் இதில் அடக்கம்.
இந்த கான்ஸ்டான்ஷியா மாளிகை வளாகத்திலேயே லா மார்ட்டினியர் எனும் பிரசித்தமான பள்ளி ஒன்றும் இயங்கி வருகிறது. இந்த பயிற்சிக்கல்லூரி மார்ட்டின் அவர்களின் இறுதி விருப்பத்தின் பேரில் அமைக்கப்பட்டிருக்கிறது.
1840ம் ஆண்டு துவங்கப்பட்ட இந்த பள்ளியில் மாணவர்களுக்கு எல்லா மதங்களின் சாரமும் போதிக்கப்படுகிறது. மார்ட்டினின் மகனான கிளாட் மார்ட்டின் 1800ம் ஆண்டில் மரணமடைந்தபோது அவர் இந்த மாளிகை வளாகத்திலேயே புதைக்கப்பட்டுள்ளார்.
