இந்தியர்களால் ஏற்பட்ட சிக்கல் - எங்க நாட்டுக்கு கொஞ்சம் சுற்றுலாப் பயணிகளை அனுப்புங்களேன் – கெஞ்சும் மாலத்தீவு

தேவையில்லாமல் இந்திய பிரதமரை கிண்டலடித்து சமூக வலைத்தளங்களில் மிகப்பெரிய பிரச்சினையை உருவாக்கி விட்டது மாலத்தீவு. இரு நாடுகளுக்கும் இடையே சமூக வலைத்தளங்களில் ஏற்பட்ட மோதல்களால் மாலத்தீவுக்கு சுற்றுலா செல்லவிருந்த இந்தியர்கள் பலரும் தங்கள் ட்ரிப்பை கேன்சல் செய்து விட்டனர். மாலத்தீவு பெரிய பொருளாதார சரிவை எதிர்கொள்ளுவதால் 'இந்தியாவிடம் மன்னிப்பு கேட்டு கொண்டதோடு மட்டுமல்லாமல் தங்கள் நாட்டிற்கு சுற்றுலாப் பயணிகளையும் அழைத்துள்ளது'!

மன்னிப்பு கேட்ட மாலத்தீவு டூர் ஆபரேட்டர்கள்

லட்சத்தீவு இறுதியாக அதன் நீண்டகால அங்கீகாரத்தைப் பெற்றுள்ள நிலையில், இதற்கு காரணமாக இருந்த மாலத்தீவு பிரச்சினை இன்னும் முடிந்த பாடில்லை. இதனால் மாலத்தீவுகள் பயண முகவர்கள் மற்றும் சுற்றுலா ஆபரேட்டர்கள் சங்கம் (MATATO) மன்னிப்பு கடிதம் அனுப்பியுள்ளது. இந்த கடிதம் இரு நாடுகளுக்கும் இடையிலான சுற்றுலாவின் முக்கியத்துவத்தைப் பற்றி பேசுகிறது மற்றும் மாலத்தீவுக்கான விமான முன்பதிவுகளை மீண்டும் திறக்க EaseMyTrip CEO ஐ வலியுறுத்துகிறது.

இந்தியாவுடன் ஒற்றுமையைக் காட்டும் மாலத்தீவு

EaseMyTrip அனைத்து மாலத்தீவு விமான முன்பதிவுகளையும் தற்போதைக்கு நிறுத்திவிட்டதால், இந்தியாவுடன் ஒற்றுமையைக் காட்டும் வலுவான அறிக்கையின் காரணமாக நிஷாந்த் பிட்டிக்கு கடிதம் அனுப்பப்பட்டுள்ளது. ஜனவரி 8 ஆம் தேதி X இல் (முன்னர் ட்விட்டர்) தனது பதிவில், EaseMyTrip CEO நிகழ்வில் தனது நிலைப்பாட்டை தெளிவுபடுத்தினார். MATATO ஆல் X இல் பகிர்ந்த மன்னிப்புக் கடிதத்தையும் அவர் பகிர்ந்துள்ளார்.

பொதுவான மாலத்தீவு மக்களின் மனநிலை இதுவல்ல

EaseMyTrip தலைமை நிர்வாக அதிகாரி நிஷாந்த் பிட்டிக்கு அனுப்பப்பட்ட கடிதம், MATATO அவர்களின் அமைச்சர்களின் வருந்தத்தக்க மற்றும் புண்படுத்தும் கருத்துக்களுக்கு உண்மையான மன்னிப்பு கோரியுள்ளது. பல பயண முகவர்கள் மற்றும் அமைப்புகளின் வாழ்வாதாரமாக சுற்றுலா இருப்பது பற்றியும், இந்த முழு சர்ச்சையும் அதை எவ்வாறு பாதிக்கிறது என்பது பற்றியும் அந்தக் கடிதம் பேசுகிறது. மேலும், அமைச்சர்களின் கருத்து "பொதுவாக மாலத்தீவு மக்களின் உணர்வுகளை பிரதிபலிக்கவில்லை" என்றும் கடிதத்தில் குறிப்பிடப்பட்டுள்ளது.

இந்தியர்களும் மாலத்தீவு மக்களும் சகோதர சகோதரிகள்

"நம் நாடுகளை இணைக்கும் பிணைப்புகள் அரசியலுக்கு அப்பாற்பட்டவை என்பதை நீங்கள் அறிய விரும்புகிறோம்." இந்தியர்கள் மாலத்தீவியர்களுடன் வணிகக் கூட்டாளிகள் மட்டுமல்ல, அவர்களின் "நேசத்துக்குரிய சகோதர சகோதரிகள்" என்பதை அவர்கள் மேலும் வலியுறுத்துகின்றனர்.

சீனாவிடம் சுற்றுலா பயணிகளை அனுப்பச் சொல்லி கோரிக்கை

இந்தியர்கள் கிட்டத்தட்ட 8000 விமான டிக்கெட்டுகளையும், 1000 க்கும் மேற்பட்ட ரூம் புக்கிங்குகளையும் ரத்து செய்ததால் மாலத்தீவு சுற்றுலாவில் பெரும் சரிவு ஏற்ப்பட்டுள்ளது. இந்தியர்களால் ஏற்பட்ட சரிவை ஈடுகட்டும் வகையில், மாலத்தீவில் சுற்றுலாவை அதிகரிக்கும் முயற்சிகளை "தீவிரப்படுத்த" சீனாவை மாலத்தீவு அதிபர் மொஹமட் முய்ஸு கேட்டுக் கொண்டார். தங்கள் நாட்டுக்கு அதிகமான சுற்றுலாப் பயணிகளை அனுப்புமாறு சீனாவிடம் கோரிக்கை விடுத்துள்ளனர்.

அரசியல் ஒருபுறம் இருக்க, மக்களின் வாழ்வாதாரமே சில அநாகரிக வார்த்தைகளின் விளைவுகளைத் தாங்கி நிற்கிறது. அதனால் ஏற்பட்ட விளைவு தான் இது என பலரும் கருத்து தெரிவித்து வருகின்றனர்!