குளிர்காலத்தில் தான் கேரளாவின் இந்த இடங்களுக்கு நீங்கள் செல்ல வேண்டும் - மிஸ் பண்ணிடாதீங்க!

வயநாடு

மேற்குத் தொடர்ச்சி மலையின் பச்சைப் படலத்தில் பதுங்கியிருக்கும் வயநாடு, கேரளாவின் அழகிய மலைவாசஸ்தலங்களில் ஒன்றாகும். கேரளாவின் அழகிய சுற்றுலா தலங்களில் ஒன்றான வயநாட்டின் மூடுபனி மலைகள், பள்ளத்தாக்குகள் மற்றும் புல்வெளிகள் குளிர்காலத்தில் மிகவும் அழகாக இருக்கும். 2100 மீ உயரத்தில் அமைந்துள்ள இது தேனிலவு தம்பதிகள், இயற்கை ஆர்வலர்கள் மற்றும் சாகச ஆர்வலர்களால் விரும்பப்படுகிறது.

செம்ப்ரா சிகரம், இதய வடிவிலான ஏரி, வரலாற்றுக்கு முற்பட்ட எடக்கல் குகை, பாணாசுர சாகர் அணை, குருவா தீவு, பூக்கோடு ஏரி, முத்தங்கா வனவிலங்கு சரணாலயம், திருநெல்லி கோயில், லக்கிடி, சூச்சிப்பாரா நீர்வீழ்ச்சிகள் ஆகியவை வயநாட்டில் நீங்கள் தவறவிடக்கூடாத அழகான இயற்கை காட்சிகளாகும்.

மூணாறு

கேரளாவில் ஆண்டுதோறும் சுற்றுலாப் பயணிகளை ஈர்க்கும் சுற்றுலாத் தலங்களில் மூணாறு முதன்மையான இடம் வகிக்கிறது. மூடுபனி மலைகள், பள்ளத்தாக்குகள், நீரோ டைகள், நீர்வீழ்ச்சிகள், தேயிலைத் தோட்டங்கள் மற்றும் அரிய தாவரங்கள் மற்றும் விலங்கினங்களை இங்கே கண்டு மகிழலாம். உலகிலேயே மிகவும் காதல் நிறைந்த இடங்களில் ஒன்றாக குளிர்காலத்தில் மிகவும் இதமாக இருக்கிறது. நீங்கள் உங்கள் அன்பிற்குரியவருடன் ஒரு முறை குளிர் காலத்தில் சுற்றுலா வந்து பாருங்கள். நிச்சயம் மறக்க மாட்டீர்கள்.

குமரகம்

குமரகம், கோட்டயத்திலிருந்து 13 கிலோமீட்டர் தொலைவில், கேரளாவின் வேம்பநாடு ஏரியில் உள்ள ஒரு சிறிய கிராமம் ஆகும். சதுப்புநிலக் காடுகளும், மரகத பச்சை நெல் வயல்களும், தென்னந்தோப்புக் காடுகளும் கற்பனைக்கு எட்டாத வகையில் அழகாக இருக்கின்றன. இந்த அழகான இயற்கை காட்சிகளை படகில் சவாரி செய்த படி சுற்றிப் பார்ப்பது மிகவும் அலாதியாக இருக்கும். வெள்ளை அல்லி மலர்களால் அலங்கரிக்கப்பட்ட நீர்வழிகள் மற்றும் கால்வாய்களை உள்ளடக்கிய அழகிய சொர்க்கம், உலகம் முழுவதிலுமிருந்து வரும் பார்வையாளர்களை மயக்குகிறது.

வாகமான்

மேற்கு தொடர்ச்சி மலைத்தொடரில் 1100 அடி உயரத்தில் அமைந்திருக்கும் வாகமான் இயற்கையால் ஆசீர்வதிக்கப்பட்ட ஒரு அழகிய இடமாகும். குளிர்காலத்தில் இனிமையான காலநிலையை அனுபவித்து, இயற்கை அழகை ஆராய்ந்து, சாகசத்தில் ஈடுபட்டு, உற்சாகத்தில் திளைக்க நீங்கள் கட்டாயம் வாகமானுக்கு வருகை தர வேண்டும். அய்யம்பாறை, ஐந்து பாறைகள், பூஞ்சார் அரண்மனை, இல்லிக்கால் சிகரம், முருகன் மாலை போன்ற புகழ்பெற்ற சுற்றுலாத் தலங்களைச் சுற்றிப் பாருங்கள். பைன் காடுகளுக்கு மத்தியில் ட்ரெக்கிங் செய்யுங்கள், பாராகிளைடிங்கில் ஈடுபடுங்கள். மிகவும் உற்சாகமாக வீடு திரும்புவீர்கள்.

தேக்கடி

தேக்கடி, குளிர்காலத்தில் சுற்றுலா செல்ல கேரளாவின் சிறந்த இடங்களில் ஒன்றாக பார்க்கப்படுகிறது, ஏனெனில் இந்த நேரத்தில் இயற்கையானது இங்கு முழுமையாக மலர்ந்து இருப்பதாக கூறப்படுகிறது. தேக்கடியில் பார்க்க வேண்டிய இடங்களுள், பெரியார் தேசியப் பூங்கா முக்கிய வசீகரமாக இருந்து வருகிறது. அதோடு ஜங்கிள் சஃபாரி, யானைகள் முகாம், படகு சவாரி ஆகியவற்றில் நீங்கள் ஈடுபடலாம்.

இடுக்கி

வனவிலங்கு சரணாலயங்கள், அழகான பங்களாக்கள், தேயிலை தொழிற்சாலைகள், ரப்பர் தோட்டங்கள் மற்றும் காடுகள் அனைத்தும் இடுக்கியின் சிறப்பம்சங்கள் ஆகும். இடுக்கியில் உள்ள 650 அடி நீளமும் 550 அடி உயரமும் கொண்ட வளைவு அணை மிகவும் பிரபலமாகும். இடுக்கியில் தான் இந்தியாவின் மிக உயரமான சிகரமான ஆணைமுடியும் உள்ளது.

ஆலப்புழா

'கிழக்கின் வெனிஸ்' என்று பெயரிடப்பட்ட ஆலப்புழா ஹவுஸ்போட் பயணங்கள், மீன்பிடித்தல், கயாக்கிங் போன்ற இயற்கை சார்ந்த நடவடிக்கைகளுக்கு பெயர் பெற்றது. ஆலப்புழா கப்பல் பந்தயங்கள், படகுகள், கோணங்கள், ஏரிகள், தென்னை நார் பொருட்கள் போன்ற பலவற்றிர்க்கு சிறந்து விளங்குகிறது. குறிப்பாக ஹவுஸ்போட் பயணம் என்பது தேனிலவு தம்பதிகளை பெருமளவு ஈர்க்கிறது.

கொச்சி

கேரளாவில் மிகவும் பிரபலமான நகரமான கொச்சி வணிக வளாகங்கள், திரையரங்குகள், தொழில்துறை கட்டிடங்கள், பொழுதுபோக்கு பூங்காக்கள் நிறைந்த ஒரு கடற்கரை நகரமாகும். மட்டஞ்சேரி அரண்மனை, யூத நகரம், யூத ஜெப ஆலயம், ஃபோர்ட் கொச்சி, கண்கவர் சீன மீன்பிடி வலைகள் ஆகியவை கொச்சியில் தவறவிடக்கூடாத காட்சிகளாகும். இது மலைவாசஸ்தலம் அல்ல என்பதால் குளிர்காலத்தில் இங்கு வருவது மிகவும் சிறப்பாக கருதப்படுகிறது.

குட்டநாடு

"கேரளாவின் அரிசி கிண்ணம்" என்றும் அழைக்கப்படும் குட்டநாடு, கேரளாவின் உப்பங்கழியின் மையப்பகுதியில் உள்ள ஆலப்புழா மாவட்டத்தில் அமைந்துள்ளது. இந்த வழியாக படகுகளில் பயணம் செய்யும் அனைவரும் கிராமப்புற காட்சிகளை கண்டு மயங்குகின்றனர். உலகில் கடல் மட்டத்திலிருந்து 2 மீட்டர் வரை விவசாயம் செய்யக்கூடிய ஒரே இடம் இதுதான் என்று கருதப்படுகிறது. பம்பை, மீனச்சிலை, அச்சன்கோவில், மணிமாலா ஆறுகள் இப்பகுதியில் ஓடுகின்றன.

பாலக்காடு

பாலக்காடு மென்மையான சமவெளிகள், உருளும் மலைகள், அழகிய நீர் மற்றும் அடர்ந்த காடுகள் ஆகியவற்றின் அற்புதமான விரிவாக்கமாகும். பல கிலோமீட்டர்கள் நீளமுள்ள பாலக்காடு இடைவெளி, கேரளாவின் வடக்கு நுழைவாயிலாகவும் உள்ளது, மேற்கு தொடர்ச்சி மலையின் அடிவாரத்தில் அமைந்துள்ளது. அதன் கட்டுப்பாடற்ற இயற்கை நிலப்பரப்புகளின் காரணமாக இது உலகம் முழுவதிலுமிருந்து வெளிப்புற ஆர்வலர்களை ஈர்க்கிறது.

மேற்கூறிய இடங்களுக்கு எல்லாம் இப்போதே செல்ல திட்டமிடுங்கள்! உங்கள் பயணத்தை மிகவும் உற்சாகமாக ரசிப்பீர்கள்!