Click it and Unblock the Notifications
ஒரு காலத்தில் எகிப்தின் மிகப்பெரிய துறைமுகமாக இருந்த 'லாஸ்ட் சிட்டி ஆஃப் ஹெராக்ளியன்', 2,000 ஆண்டுகளுக்கும் மேலாக நீருக்கடியில் மூழ்கியிருந்த நகரம் இப்போது கண்டுபிடிக்கப்பட்டுள்ளது. அமுன் மற்றும் அப்ரோடைட் கடவுள்களுடன் தொடர்புடைய புராதன பொக்கிஷங்களால் நிரம்பிய பல கோயில்களும், சரணாலயமும் கண்டுபிடிக்கப்பட்டுள்ளது!
பழங்கால பொக்கிஷங்கள் கண்டுபிடிப்பு
1,000 ஆண்டுகளுக்கு முன்பு மத்தியதரைக் கடலில் மூழ்கிய பின்னர் முற்றிலும் காணாமல் போன எகிப்திய துறைமுக நகரமான தோனிஸ்-ஹெராக்ளியனின் பழம்பெரும் தளத்தைக் கண்டறியும் பணியில் தொல்பொருள் ஆராய்ச்சியாளர்கள் குழு ஈடுபட்டிருந்தது. அவர்கள் தற்போது தங்கம் மற்றும் வெள்ளி டிரிங்கெட்கள் அடங்கிய பண்டைய எகிப்திய மற்றும் கிரேக்க கலைப்பொருட்களின் புதையல் கண்டுபிடிக்கப்பட்டுள்ளது.
கடலுக்கு அடியில் மூழ்கி போன பண்டைய நகரம்
கிமு 2 ஆம் நூற்றாண்டின் இறுதியில், கடுமையான வெள்ளத்திற்குப் பிறகு, ஹெராக்லியோனின் நினைவுச்சின்ன கட்டிடங்கள் தண்ணீரில் இடிந்து விழுந்தன. அதன் குடிமக்களில் சிலர் ரோமானிய சகாப்தம் மற்றும் அரேபிய ஆட்சியின் தொடக்கத்தில் நகரின் எஞ்சிய பகுதிகளில் தங்கினர், ஆனால் கி.பி 8 ஆம் நூற்றாண்டின் இறுதியில், ஹெராக்லியோனின் எஞ்சிய பகுதிகள் மத்தியதரைக் கடலுக்கு அடியில் மூழ்கின.
பண்டைய வர்த்தகத்தில் முக்கிய பங்கு வகித ஹெராக்ளியன்
நைல் நதியின் முகப்புக்கு அருகில் நிறுவப்பட்ட தோனிஸ்-ஹெராக்ளியன் ஒரு காலத்தில் மத்தியதரைக் கடலின் மிகப்பெரிய துறைமுக நகரமாக இருந்தது. அலெக்ஸாண்ட்ரியா நிறுவப்படும் வரை, அது ஒரு மிக முக்கியமான அரசியல் தளமாக இருந்தது, கிரேக்கத்திலிருந்து வரும் அனைத்து கப்பல்களுக்கும் எகிப்துக்குள் நுழைவதற்கான கட்டாயப் புள்ளியாக இருந்தது, மேலும் காடியோவின் வலைத்தளத்தின்படி, ஆளும் வர்க்கத்திற்கான சடங்கு விழாக்களின் மையமாக இருந்தது.
2000 ஆம் ஆண்டில் கண்டுபிடிக்கப்பட்ட தோனிஸ்- ஹெராக்ளியன்
தொலைந்து போன நகரம் தோனிஸ்-ஹெராக்ளியன் சுமார் 20 ஆண்டுகளுக்கு முன்புதான் கண்டுபிடிக்கப்பட்டது. நீண்ட காலமாக தொலைந்து போன தோனிஸ்- ஹெராக்ளியன் நகரம் 2000 ஆம் ஆண்டில் காடியோ மற்றும் அவரது குழுவினரால் கண்டுபிடிக்கப்பட்டது.
ரகசியங்களை வெளிக்கொணர்ந்த ஆராய்ச்சியாளர்கள்
விரிவான ஆய்வுப் பணிகளைப் பயன்படுத்தி, காடியோவும் அவரது குழுவினரும் நீருக்கடியில் ஆழமான அடுக்குகளில் புதைக்கப்பட்ட அதன் எச்சங்களைக் கண்டுபிடித்தனர். கடந்த இரண்டு தசாப்தங்களாக தொலைந்து போன நகரத்தின் ரகசியங்களை வெளிக்கொணரும் பணியில் ஈடுபட்டுள்ளனர்.
எகிப்திய கடவுள்களின் அரசன் - அமுன்
அமுன் எகிப்திய கடவுள்களின் அரசன் ஆவார். அதன்படி, அக்காலத்தில் பார்வோன்கள் ஆட்சிக்கு வரும்போது ஆசிர்வதிக்கப் போயிருப்பார்கள் என்று அறிக்கை கூறுகிறது. அக்காலத்தில் இந்த ஆலயம் எகிப்தியர்களுக்கு ஒரு தனி முக்கியத்துவத்தை பெற்றிருந்த ஒரு கோவிலாகும்.
கடலுக்கடியில் அரிய பொக்கிஷங்கள்
தொல்பொருள் ஆராய்ச்சியாளர்கள் கோயிலின் ஆழத்தை ஆராய்ந்தபோது, தொல்பொருட்கள் மற்றும் ரகசியங்கள் அடங்கிய பொக்கிஷத்தை கண்டுபிடித்தனர். வெள்ளி சடங்கு கருவிகள், தங்க நகைகள் மற்றும் ஒரு காலத்தில் வாசனை திரவியங்கள் மற்றும் க்ரீஸ் களிம்புகளை வைத்திருந்த அலபாஸ்டர் கொள்கலன்கள் ஆகியவை இதில் அடங்கும். கூடுதலாக, கிமு 5 ஆம் நூற்றாண்டைச் சேர்ந்த குறிப்பிடத்தக்க வகையில் நன்கு பாதுகாக்கப்பட்ட மரக் கம்பங்கள் மற்றும் விட்டங்களால் ஆதரிக்கப்படும் நிலத்தடி கட்டமைப்புகளை அவர்கள் கண்டுபிடித்தனர்.
மூழ்கிய கிரேக்க சரணாலயம்
கோயிலுக்கு அருகாமையில், தொல்பொருள் ஆராய்ச்சியாளர்கள் அன்பின் தெய்வமான அப்ரோடைட்டுக்கு அர்ப்பணிக்கப்பட்ட கிரேக்க சரணாலயத்தைக் கண்டனர். இந்த சரணாலயம் இறக்குமதி செய்யப்பட்ட வெண்கலம் மற்றும் பீங்கான் பொருட்கள் உட்பட ஏராளமான கலைப்பொருட்களை கொண்டுள்ளது.
நீருக்கடியில் செய்த தொல்பொருள் ஆய்வு கடந்த காலத்தின் ஒரு அசாதாரண பார்வையை வெளியிட்டுள்ளது. கடலுக்கடியில் மூழ்கியிருந்த கோவிலும், கண்டுபிடிக்கப்பட்ட பொக்கிஷங்களும், சரணாலயமும் ஒரு காலத்தில் செழித்தோங்கிய எகிப்திய வரலாற்றை பிரதிபலிக்கின்றன என்பது குறிப்பிடத்தக்கது!
