ஆசியாவின் மிகப்பெரிய துலிப் மலர்கள் தோட்டம் இந்தியாவில் தான் அமைந்துள்ளதாம் தெரியுமா?

காஷ்மீரில் அமைந்துள்ள இந்திரா காந்தி துலிப் தோட்டம் ஆசியாவிலேயே மிகப்பெரிய துலிப் தோட்டம் என்ற பெருமையை பெற்றுள்ளது. பல படங்களிலும் பாடல்களிலும் நாம் பார்த்து ரசித்த துலிப் மலர் தோட்டங்களை நேரில் பார்க்க நம்மில் பலருக்கும் ஆசை இருக்கும். அவற்றை காண ஆசியாவின் மிகப்பெரிய துலிப் தோட்டத்திற்கு இனி நாம் செல்லலாம்!

காஷ்மீரில் அமைந்துள்ள ஆசியாவின் மிகப்பெரிய துலிப் தோட்டம்

இந்திரா காந்தி நினைவு துலிப் தோட்டம் காஷ்மீரின் பெருமையை பெற்றுள்ளது, இது ஆசியாவிலேயே மிகப்பெரிய தோட்டமாக உலக சாதனை புத்தகத்தால் பெயரிடப்பட்டுள்ளது. இந்த நல்ல செய்தியை இந்தியாவின் மத்திய வீட்டுவசதி மற்றும் நகர்ப்புற விவகாரங்கள் மற்றும் பெட்ரோலியம் மற்றும் இயற்கை எரிவாயு அமைச்சர் ஹர்தீப் சிங் பூரி ஆகஸ்ட் 21, 2023 அன்று ட்விட்டரில், இப்போது X இல் பகிர்ந்துள்ளார்.

கண்ணை கவரும் துலிப் மலர்கள்

வெளிநாடுகளில் குறிப்பிட்ட சில இடங்களில் மட்டுமே காணப்படும் துலிப் மலர்கள் இந்தியாவின் காஷ்மீர் பகுதியில் பூத்துக் குலுங்குகிறது. ஆசியாவின் மிகப்பெரிய துலிப் தோட்டமான இந்திரா காந்தி நினைவு துலிப் தோட்டத்தில் லட்சக்கணக்கில் கண்ணை கவரும் துலிப் மலர்கள் பூத்துக் குலுங்குகின்றன. ஆண்டிற்கு ஒருமுறை மட்டுமே நடக்கும் துலிப் திருவிழாவைக் காண வெளிநாடுகளிலிருந்தும், இந்தியாவின் பல பகுதிகளிலிருந்தும் மக்கள் காஷ்மீருக்கு வருகை தருகின்றனர்.

டால் ஏரிக்கு அருகில் அமைந்துள்ள துலிப் தோட்டம்

அழகிய பள்ளத்தாக்குகளும், தோட்டங்களும், ஆறுகளும், பனி மூடிய சிகரங்களும் நிறைந்த காஷ்மீர் அனைவரின் மனதையும் மயக்கும் என்பதில் எந்த சந்தேகமும் இல்லை. காஷ்மீரின் அழகிய தால் ஏரிக்கு அருகாமையில் ஜபர்வான் மலை அடிவாரத்தில் இந்த அழகிய துலிப் தோட்டம் அமைந்துள்ளது.

சாதனைப் படைத்த இந்திரா காந்தி துலிப் தோட்டம்

இந்திரா காந்தி நினைவு துலிப் தோட்டத்தின் மகத்துவத்தை அங்கீகரித்த லண்டனைச் சேர்ந்த உலக சாதனைப் புத்தகக் குழுவிற்கு தனது நன்றியைப் பகிர்ந்து கொண்ட அகமது, "உலக சாதனை புத்தகத்தில் இடம் பெற்றிருப்பது ஸ்ரீநகரின் மலர்ந்த ரத்தினத்திற்கான அங்கீகாரம் மட்டுமல்ல, கொண்டாட்டமும் கூட. மனிதகுலத்திற்கும் இயற்கைக்கும் இடையே உள்ள மயக்கும் பிணைப்பு" என்று கூறியுள்ளார்.

வகைவகையான துலிப் மலர்கள்

காஷ்மீர் பள்ளத்தாக்கின் தட்பவெப்ப நிலை இந்த மலர்கள் பூப்பதற்கு ஏற்றதாக இருப்பதால் லட்சக்கணக்கில் வண்ணமயமான துலிப் மலர்கள் பூத்துக் குலுங்குகின்றன. பரோட் துலிப், ஃபிரிங்டு துலிப், பை-கலர் ஸ்டாண்டர்ட் துலிப், டபுள் ப்ளூம்ஸ், லில்லி-பூக்கும் துலிப், ஃபோஸ்டெரியானா துலிப் மற்றும் ட்ரையம்ப் போன்ற பல அரிய வகை துலிப் மலர்களை நீங்கள் இங்கே காணலாம்.

சுற்றுலாப் பயணிகளை ஈர்க்கும் துலிப் திருவிழா

இந்த அழகான மலர்களின் வருகையை கொண்டாடுவதற்காக ஒவ்வொரு ஆண்டும் துலிப் திருவிழா மார்ச் - ஏப்ரல் மாதங்களில் நடைபெறுகிறது. வசந்த காலத்தின் வருகையை அறிவிக்கும் இவ்விழா, 2008 ஆம் ஆண்டு தொடங்கப்பட்டதில் இருந்து ஒரு முக்கிய சுற்றுலா அம்சமாக இருந்து வருகிறது. இந்த திருவிழாவிற்கு இந்தியாவின் பல பகுதிகளிலிருந்தும், வெளிநாடுகளிலிருந்தும் அதிக அளவு சுற்றுலாப் பயணிகள் வருகை தருகின்றனர்.

திறந்திருக்கும் நேரம் மற்றும் கட்டணம்

துலிப் தோட்டம் வாரத்தில் 7 நாட்களும் திறந்திருக்கும். நீங்கள் காலை 7:00 மணி முதல் மாலை 7:30 மணிக்குள் எப்போது வேண்டுமானாலும் செல்லலாம். நுழைவுக்கட்டணமாக பெரியவர்களிடம் ரூ.50 மற்றும் குழந்தைகளிடம் ரூ.25 வசூலிக்கப்படுகிறது. பெரும்பாலான மக்கள் மதியம் 01:00 மணி முதல் மாலை 06:00 மணி வரை தோட்டத்திற்கு வருகிறார்கள்.

எப்படி செல்வது

துலிப் தோட்டம் ஸ்ரீநகரின் லால் சவுக்கிலிருந்து 8 கிமீ தொலைவிலும், ஸ்ரீநகர் சர்வதேச விமான நிலையத்திலிருந்து 18 கிமீ தொலைவிலும், ஸ்ரீநகர் ரயில் நிலையத்திலிருந்து 17 கிமீ தொலைவிலும் அமைந்துள்ளது. ஸ்ரீநகரிலிருந்து லால் சௌக்கிற்கு பேருந்துகள் இயக்கப்படுகின்றன. இதற்கான கட்டணம் ரூ.10 ஆகும். ஸ்ரீநகர் கார் வாடகை சேவை அல்லது டூலிப் கார்டன் சுற்றுப்பயணத்திற்கான சுற்றுலா வண்டிகள் மிகவும் மலிவு விலையில் இருப்பதால் நீங்கள் டாக்ஸியிலும் செல்லலாம்.

நீங்கள் எப்போது இங்கே செல்லப் போகிறீர்கள்?