உணவுப் பிரியர்களுக்கு ஏன் சென்னை பெஸ்ட் ஸபாட் ஆக உள்ளது என்று ஆய்வில் தெரியவந்துள்ளது

மாநிலத் தலைநகராக மட்டுமல்லாமல் உணவுத் தலைநகரமாக விளங்கும் சென்னை

சென்னை பரப்பளவில் ஒரு சிறிய மாவட்டமாக இருக்கலாம், ஆனால் தமிழ்நாட்டின் தலைநகராக பொருளாதார ரீதியாகவும், வணிக ரீதியாகவும், மக்கள் தொகையிலும் முன்னணியில் இருக்கிறது. நீங்கள் ஒரு சாப்பாட்டு பிரியரா? பலவகையான உணவுகளையும் சுவைக்க வேண்டும் என்ற ஆசையா? அப்படியானால் நீங்கள் வர வேண்டிய இடம் சென்னை தான். சென்னையில் கம்மி விலையில் இருந்து மிகவும் காஸ்ட்லியான உணவு வகைகள் வரை எல்லாமும் இங்கே உண்டு. மிகவும் பிரபலமான ரோட்டுக் கடைகளும் உண்டு, அதற்கு ஈடு கட்ட முடியாத பெரிய ஹோட்டல்களும் இங்கே உண்டு.

உணவு சர்வே சென்னை

மெட்ராஸ் பல்கலைக் கழகத்தை சார்ந்த டாக்டர் சார்லெட் கிறிஸ்டினா மேற்கொண்ட ஆய்வின் ஒரு பகுதியாக உணவைப் பற்றிய சர்வே எடுக்கப்பட்டது. இதற்கு பதிலளித்தவர்களில் 37.4% பேர் 26 முதல் 35 வயதுக்குட்பட்டவர்கள் என்றும் அதில் பெருவாரியானவர்கள் பெண்கள் என்றும் குறிப்பிடப்பட்டுள்ளது. அதிலும் பெரும்பாலானோர் ரூ. 15,000 முதல் ரூ. 30,000 மாத வருமானம் பெறுபவர்கள் ஆகும். பதிலளித்தவர்களில் 41.5% பேர் எப்போதாவது உணவகங்களுக்குச் செல்கிறார்கள் மற்றும் 26.7% பேர் மாதத்திற்கு ஒருமுறை சாப்பிடுகிறார்கள். பதிலளித்தவர்களில் கிட்டத்தட்ட 61% பேர் வருகையின் போது ரூ. 1000 க்கும் குறைவாகவும், 28.5% பேர் சுமார் ரூ. 1000 முதல் ரூ. 2000 வரை செலவிடுகின்றனர். தமிழ்நாடு, ஆந்திரா, கேரளா மற்றும் கர்நாடகா உணவு வகைகளை அவர்கள் விரும்பி சாப்பிடுகின்றனர்.

சர்வே கூறுவது என்ன

மிகுதியான சுவை - சென்னையில் உள்ள உணவகங்களில் வழங்கப்படும் உணவு நன்றாகவோ அல்லது சிறப்பாகவோ இருப்பதாக பதிலளித்தவர்களில் பெரும்பாலோர் கருத்து தெரிவித்துள்ளனர்.

உணவின் அளவு - 42.5% பேர் அளவு போதுமானதாக இருப்பதாகவும், 30.8% பேர் உணவு மிகவும் அதிகமாக இருப்பதாகவும் கூறியுள்ளனர்.

தூய்மை - 84.4% பேர் சென்னையில் உள்ள உணவகங்கள் சுத்தமாகவும், நன்கு பராமரிக்கப்படுவதாகவும் தெரிவித்துள்ளனர்.

உணவு வகைகளின் விலை - 45.4% நுகர்வோர் மெனு தெளிவாக இருப்பதுடன், 40.8% பேர் உணவின் விலையும் மிகவும் நியாயமானதாக இருப்பதாகக் கருதுகின்றனர்.

உணவகங்களின் சூழல் - பதிலளித்தவர்களில் பெரும்பாலோர் சென்னையில் உள்ள உணவகங்களின் சூழல் நன்றாக இருப்பதாக மதிப்பிட்டாலும், குறைந்தபட்சம் நான்கில் ஒரு பகுதியினர் சுற்றுப்புறத்தைப் பொறுத்தவரை நடுநிலையான கருத்துக்களைக் கொண்டுள்ளனர்.

சர்வே கூறுவது என்ன

நட்பான ஊழியர்கள் - 41.6% பேர் உணவகங்களின் ஊழியர்கள் மிகவும் நட்பானவர்கள் என்றும், 40.4% நல்ல சிரித்த முகத்துடன் உபசரிப்பதாகவும் தெரிவித்துள்ளனர்.

மகிழ்ச்சி - 63.1% பேர் சென்னையில் உள்ள உணவகங்களில் சாப்பிடுவதை விரும்புகிறார்கள் என்றும், 59.2% நுகர்வோர் உணவகத்தைப் பார்வையிடுவதன் மூலம் மகிழ்ச்சியைப் பெறுகின்றனர் மற்றும் 56.3% பேர் உணவகத்தின் சேவையில் மகிழ்ச்சியடைந்துள்ளனர் என்றும் தெரிகிறது.

மீண்டும் செல்ல விருப்பம் - 50% க்கும் அதிகமான நுகர்வோர் சென்னையில் உள்ள உணவகங்களில் திருப்தி அடைந்தாலும், 23.95% பேர் திருப்தியின் அளவு குறித்து நடுநிலையான கருத்துக்களைக் கொண்டுள்ளனர். 64% பேர் தங்களுக்குப் பிடித்த உணவகங்களைத் தங்கள் நண்பர்கள் மற்றும் உறவினர்களுக்குப் பரிந்துரைக்கின்றனர். 59.2% பேர் உணவகங்களை மீண்டும் பார்வையிட விரும்புகிறார்கள்.

சென்னையின் மக்களின் அன்றாட வாழ்வில் உணவகங்களும், உணவு வகைகளும் எப்படி ஒரு இடத்தைப் பிடித்து இருக்கின்றது என்று பாருங்களேன்! நீங்கள் சென்னையில் சாப்பிட்ட உணவு வகைகளில் உங்களுக்கு மிகவும் பிடித்தது எது?