Click it and Unblock the Notifications
சந்திரபாகா பீச் என்றழைக்கப்படும் இந்த அழகிய கடற்கரை கொனார்க் சூரியக்கோயில் ஸ்தலத்திலிருந்து 3 கி.மீ தூரத்தில் உள்ளது. குளுமையான கடற்காற்று மற்றும் தூய்மையான கடல் நீர் போன்றவை இங்கு பார்வையாளர்களை வரவேற்று வசீகரிக்கின்றன.
ரம்மியமான இந்த கடற்கரை பிக்னிக் சிற்றுலாவுக்கு உகந்த ஸ்தலமாக பிரசித்தி பெற்றுள்ளது. இங்கு நீச்சல், படகுச்சவாரி மற்றும் நடைப்பயணம் போன்ற பொழுதுபோக்குகளில் சுற்றுலாப்பயணிகள் ஈடுபடலாம்.
அமைதியாக கரையில் அமர்ந்து இயற்கை எழிலை அள்ளிப்பருகவும் இந்த கடற்கரை மிகவும் ஏற்றது. நகரத்தில் பரபரப்பு மற்றும் சந்தடிகளிலிருந்து விலகி அமைந்துள்ளதால் மனதிற்கு சாந்தத்தை அளிக்கும் இயல்புடன் இந்த கடற்கரை காட்சியளிக்கிறது.
இருப்பினும் வருடாவருடம் நடைபெறும் சந்திரபாக திருவிழாவின்போது இந்த கடற்கரை தன் சாந்தமான இயல்பிலிருந்து முற்றிலும் மாறி பரப்பான கொண்டாட்ட ஸ்தலமாக தோற்றமளிக்கிறது.
இந்த திருவிழாவின்போது மக்கள் திரளாக இங்கு கூடுவதுடன் கேளிக்கை நிகழ்ச்சிகளும் வண்ண விளக்கு அலங்காரங்களும் இப்பகுதியை ஆக்கிரமிக்கின்றன. மேலும், இங்குள்ள ஒரு கலங்கரை விளக்கத்தின் உச்சியிலிருந்து இந்த கடற்கரையின் அழகை பார்த்து ரசிப்பது மற்றும் ஒரு உன்னத அனுபவமாகும்.
