Click it and Unblock the Notifications
சுற்றுலா செல்ல யாருக்குத்தான் பிடிக்காது? அதுவும் வெளிநாடு சுற்றுலா செல்ல வேண்டும் என்றால் யார் தான் விரும்ப மாட்டார்கள்? நம் நாட்டில் உள்ளசுற்றுலாத் தலங்களை எப்போது வேண்டுமானாலும் பார்த்துக் கொள்ளலாம். வயதும், பணமும், இளமையும் இருக்கும் போது தான் வெளிநாடு சுற்றுலா செல்வது, சாகச சுற்றுலாவில் ஈடுபடுவது என இந்த கால இளைஞர்கள் ஜாலியாக வாழ்வை அனுபவித்து வருகின்றனர். அந்த வகையில் இனி வெளிநாடு சுற்றுலாவிற்கு சென்றால், அதிக வரி செலுத்த நேரிடும் என்ற கூறப்படுகிறது. ஜூலை 1 முதல் இந்தியாவுக்கு வெளியே கிரெடிட் கார்டு பயன்படுத்தும் போது ஆதாரத்தில் இருந்து 20 சதவீத வரியை (TCS) நீங்கள் செலுத்த வேண்டும். இதனால் வெளிநாடு சுற்றுலா செல்வதற்கான செலவுகள் அதிகரிக்கும் அபாயம் ஏற்பட்டுள்ளது!
மத்திய அரசால் உயர்த்தப்பட்ட TCS
இந்திய ரிசர்வ் வங்கியுடன் கலந்தாலோசித்த மத்திய அரசு, இந்தியாவுக்கு வெளியே கிரெடிட் கார்டு பயன்பாட்டில் 20 சதவீத வரி வசூலை ஆதாரத்தில் (TCS) ஈர்க்கும் விதியை திருத்தியது. இந்த அறிவிப்பு 16.05.2023 அன்று அறிவிப்பு மூலம் வெளியிடப்பட்டது. இதன் மூலம் ஏற்கனவே 5 சதவீதமாக இருந்த TCS இப்போது 20 உயர்ந்துள்ளது. ஜூலை 1 முதல் இது அமலுக்கு வரும் என்று கூறப்படுகிறது. இந்த வரி உயர்வு ஒரு சில சதவீதமாக இருக்கப் போவதில்லை மற்றும் புதிய மாற்றம் வெளிநாட்டு பயண அனுபவங்களை மிகவும் விலை உயர்ந்ததாக மாற்றும்.
அதிகரிக்கும் சுற்றுலா செலவுகள்
இந்த அறிவிப்பானது, இந்தியாவிற்கு வெளியே உள்ள கிரெடிட் கார்டுகள் மூலம் மேற்கொள்ளப்படும் பரிவர்த்தனைகளை உடனடியாக நடைமுறைக்கு கொண்டு வரும் LRSன் வரம்பிற்குள் கொண்டுவருகிறது, இது ஜூலை 1 முதல் 2022-23 ஆம் ஆண்டிற்கான பட்ஜெட்டில் அறிவிக்கப்பட்டபடி TCS-ன் அதிக லெவியை செயல்படுத்துகிறது. இதன் மூலம் உங்கள் வெளிநாட்டு சுற்றுலாவின் செலவுகள் உயரப் போகிறது.
TCS என்றால் என்ன
டிசிஎஸ் என்பது மூலத்தில் வசூலிக்கப்படும் வரியைக் குறிக்கிறது. இது தேர்ந்தெடுக்கப்பட்ட பொருட்கள் மற்றும் சேவைகளை வாங்குபவரிடமிருந்து விற்பவர் வசூலிக்கும் ஒரு வகை வரி. வெளிநாட்டுப் பணப் பரிவர்த்தனைகளின் பின்னணியில், ஒரு நபர் வெளிநாட்டிற்கு பணம் அனுப்பும்போது இந்த வரி வசூலிக்கப்படுகிறது. இருப்பினும், பணத்தை அனுப்புவது என்பது பொதுவாக ஒரு நபருக்கு அனுப்புவதைக் குறிக்காது; இது வெளிநாட்டு பயணம், ஷாப்பிங் மற்றும் சொத்துக்களை வாங்குதல் போன்றவற்றையும் குறிக்கலாம்.
இந்த TCS உயர்வு உங்கள் பயணத்தை எப்படி பாதிக்கும்
உதாரணமாக, நீங்கள் ஏதோ ஒரு நாட்டிற்கு ஒரு சர்வதேச பயணத்தைத் திட்டமிடுகிறீர்கள் என்று வைத்துக் கொள்வோம். மேலும் கிரெடிட் கார்டின் வரம்பு ரூ.10,00,000 என்று வைத்துக் கொள்வோம். ஹோட்டல் பில்கள், ஷாப்பிங், உணவு போன்ற வெளிநாட்டுப் பரிவர்த்தனைகளுக்கு இந்த கிரெடிட் கார்டை நீங்கள் பயன்படுத்தி மொத்தமாக ரூ.3,00,000 செலவு செய்கிறீர்கள் என்றால் கூடுதலாக 20 சதவீத TCS ரூ.60,000 சேர்த்து, உங்கள் செலவுகளின் கணக்கு ரூ.3,60,000 ஆக எகிறுகிறது.
அதிருப்தி தெரிவிக்கும் மக்கள்
20 சதவீத டிசிஎஸ் விண்ணப்பிக்கும் புதிய விதி, வெளிநாடுகளில் உள்ள டூர் பேக்கேஜ்களுக்கும், வெளிநாடுகளில் கிரெடிட் கார்டுகளைப் பயன்படுத்துவதற்கும் பொருந்தும். அரசாங்கத்தின் இந்த நடவடிக்கை அதிக மதிப்புள்ள வெளிநாட்டு பரிவர்த்தனைகளைக் கண்காணிப்பதை நோக்கமாகக் கொண்டாலும், சமூக ஊடகங்களில் தங்கள் கவலைகளை வெளிப்படுத்திய மக்கள் மற்றும் வரி நிபுணர்களிடம் இந்த நடவடிக்கை வரவேற்கத்தக்கது இல்லை என்று அதிருப்தி தெரிவித்து வருகின்றனர்.
