உலக மக்களின் விருப்பமான சுற்றுலாத் தலமான சுவிட்சர்லாந்தில் உருகும் பனிப்பாறைகள் – அதிகரிக்கும் அபாயம்!

புவி வெப்பமடைதல் காரணமாக பூமியின் வளிமண்டலத்தின் வெப்பநிலை அதிகரித்து வருகிறது, இந்த வெப்பநிலை அதிகரிப்பு சிகரங்களில் உள்ள பனிப்பாறைகளை உருக்குகின்றன. உலகெங்கிலும் உள்ள பெரும்பாலான மக்களின் பக்கெட் லிஸ்டில் இடம் பிடித்திருக்கும் சுற்றுலாத் தலமான சுவிட்சர்லாந்தின் பனிப்பாறைகள் அதிவேகமாக உருகி வருகின்றன. இதனால் அதிகரிக்கும் அபாயம் என்ன?அழகிய சுவிட்சர்லாந்துக்கு ஆபத்தா?பல தமிழ் திரைப்படங்களிலும், பாடல்களிலும் நாம் சுவிட்சர்லாந்தின் அழகிய காட்சிகளை கண்டு களித்திருக்கிறோம். இன்றளவும் இந்தியாவின் பணக்கார்கள் சுவிட்சர்லாந்து நாட்டிற்கு தான் தேனிலவு செல்கின்றனர். இயற்கை அழகும், குளிர்ந்த வானிலையும், பனி மூடிய சிகரங்களும் கொண்ட சுவிட்சர்லாந்தை காண வேண்டும் என்ற ஆசை ஒவ்வொரு சுற்றுலாப் பயணிக்கும் உண்டு. வரைந்த வைத்த ஓவியம் போல் காட்சியளிக்கும் அழகிய நாடான சுவிட்சர்லாந்தின் பனிப்பாறைகள் அதிவேகமாக உருகி வருகின்றன.உருகும் பனிப்பாறைகள்புவி வெப்பமடைதல் காரணமாக பூமியின் வளிமண்டலத்தின் வெப்பநிலை அதிகரித்து வருகிறது, இதனால் துருவங்கள் மற்றும் உயரமான மலைகளில் வெப்பநிலை அதிகரித்து வருகிறது. இந்த வெப்பநிலை அதிகரிப்பு சிகரங்களில் உள்ள பனிப்பாறைகளை உருக்குகின்றன.2 ஆண்டுகளில் 10 சதவீத பனிப்பாறைகள் அழிந்தனசமீபத்தில் வெளியிடப்பட்ட புள்ளிவிவரங்களின்படி, சுவிட்சர்லாந்தில் உள்ள பனிப்பாறைகள் சுருங்கி வருகின்றன, குறைந்த பனிப்பொழிவு மற்றும் உயரும் வெப்பநிலை ஆகியவற்றின் கலவையாக இரண்டு ஆண்டுகளில் அவற்றின் பனி அளவு மொத்தத்தில் பத்து சதவீதத்தை இழந்துள்ளன.அதிவேகத்தில் உருகிக் கொண்டிருக்கும் சுவிஸ் பனிப்பாறைகள்ஸ்விஸ் அகாடமி ஆஃப் சயின்ஸின் கிரையோஸ்பியர் கண்காணிப்புக்கான சுவிஸ் கமிஷனின் தரவுகளின்படி, பனிப்பாறைகள் 2023 இல் அவற்றின் மொத்த அளவின் நான்கு சதவீதத்தை இழந்தன. ஏற்கனவே 2022 ஆம் ஆண்டில் ஆறு சதவீத பனிப்பாறைகள் அழிந்தன என்பது குறிப்பிடத்தக்கது. இரண்டே வருடங்களில் மொத்த அளவில் 10 சதவீத பனிப்பாறைகளை இழப்பது என்பது மிகவும் கவலைக்குரிய விஷயமாகும்.காலநிலை மாற்றமே இதற்கு காரணம்சுவிஸ் கிளேசியர் மானிட்டரிங் நெட்வொர்க் (GLAMOS) என்ற அமைப்பின் தலைவரான மத்தியாஸ் ஹஸ், ஸ்விஸ் அகாடமி ஆஃப் சயின்ஸுடன் இணைந்து பனிப்பாறைத் தரவுகளைச் சேகரித்து பகுப்பாய்வு செய்த பின்னர், இந்த அதிர்ச்சிகர தகவலை வெளியிட்டுள்ளார். காலநிலை மாற்றத்தின் தாக்கம் இல்லாமல் இத்தகைய தீவிர மாற்றங்கள் சாத்தியமற்றது என்று அவர் கூறினார்.மிகப்பெரிய பனிப்பாறைகளும் உருகுகின்றனஇரண்டு தீவிர ஆண்டுகளில் பனிப்பாறை வழிகள் சரிந்து, நாட்டில் உள்ள பல சிறிய பனிப்பாறைகள் முற்றிலும் மறைந்துவிட்டன. எடுத்துக்காட்டாக, மத்திய சுவிட்சர்லாந்தில் உள்ள யூரி மண்டலத்தில் உள்ள செயின்ட் அன்னாஃபிர்ன் பனிப்பாறை மிகவும் சுருங்கிவிட்டது, GLAMOS அதை கண்காணிப்பதை நிறுத்திவிட்டதாக அவர் கூறியுள்ளார். வழக்கத்திற்கு மாறாக, இத்தகைய குறிப்பிடத்தக்க சரிவை அனுபவிக்காத உயரமான பகுதிகள் கூட பனி இழப்பை பதிவு செய்துள்ளன. தெற்கு வலாய்ஸ் மற்றும் எங்கடின் பள்ளத்தாக்கில், 3,200 மீட்டருக்கும் அதிகமான உயரத்தில், GLAMOS அறிக்கையின்படி, பல மீட்டர் பனிக்கட்டிகள் மறைந்துவிட்டன.முன்கூட்டியே தொடங்கும் வெயில்மிகக் குறைந்த பனிப்பொழிவுடன் கூடிய குளிர்காலத்திற்குப் பிறகு இந்த இழப்புகள் ஏற்பட்டதாக அறிக்கைகள் மேலும் கூறுகின்றன, பிப்ரவரியின் பிற்பகுதியில் பனி அளவுகள் நீண்ட கால சராசரியில் 30% என்ற சாதனையை எட்டியது. மேலும், அதிக வெப்பநிலையால் வகைப்படுத்தப்படும் கோடையில் பனி உருகுவது துரிதப்படுத்தப்பட்டது, எரியும் மற்றும் வறண்ட ஜூன் மாதம் வழக்கத்தை விட இரண்டு முதல் நான்கு வாரங்கள் முன்னதாகவே பனி உருக ஆரம்பிக்கின்றன என்று கவலை தெரிவித்து வருகின்றனர்.இதே போக்கில் போனால் என்ன நடக்கும் என்று தெரியவில்லை, பொறுத்திருந்து பார்ப்போம்!