Click it and Unblock the Notifications
நாம் எல்லாம் கொஞ்சம் முயற்சி செய்து நினைத்ததை அடைய முடியவில்லை என்றால் உடனே மனம் தளர்ந்து விடுகிறோம். ஆனால், ஐந்தறிவு படைத்த வாய் இல்லா ஜீவன்களிடம் இருந்து அன்பு, அரவணைப்பு, ஒற்றுமை, காதல், விடாமுயற்சி, தன்னம்பிக்கை போன்ற விஷயங்களை நாம் நம் வாழ்க்கைப் பாடமாக எடுத்துக் கொள்ள வேண்டும். இங்கே ஒரு புலி தனக்கொரு வசதியான இருப்பிடமும், வலிமையான துணையும் வேண்டும் என்பதற்காக கடந்த ஐந்து மாதங்களில் 2000 கிமீ பயணித்து உள்ளதாம்!
மகாராஷ்டிராவில் தொடங்கிய பயணம் ஒரிசாவில் முடிவு
மகாராஷ்டிராவின் தடோபா நிலப்பரப்பில் இருந்து வயது முதிர்ந்த ஆண் ராயல் வங்காள புலி, கடந்த ஐந்து மாதங்களில் நான்கு மாநிலங்களில் 2,000 கி.மீ பயணம் செய்து ஒரிசா காடுகளில் தகுந்த பிரதேசம் அல்லது சாத்தியமான துணையைத் தேடி இறங்கியது என்று அதிகாரிகள் தெரிவித்தனர். மகாராஷ்டிராவில் தொடங்கிய புலியின் பயணம் ஒரிசாவின் காடுகளில் முடிந்துள்ளது.
ஜூன் மாதத்தில் ஒரிசாவுக்குள் நுழைந்த புலி
ஜூன் 2023 இல் மாநிலத்தின் காடுகளில் புலி முதன்முதலில் காணப்பட்டாலும், அது எங்கிருந்து வந்தது என்பது தெரியவில்லை என்று ஒரிசா வன அதிகாரிகள் தெரிவித்தனர். "இது ஒடிசாவின் ராயகடா பிரிவுக்கும் ஆந்திராவின் மன்யம் பிரிவுக்கும் இடையில் மாறி மாறி வந்தது. செப்டம்பரில், கஜபதி மாவட்டத்தின் பர்லாகேமுண்டி வனப் பிரிவுக்குள் செப்டம்பர் மாதம் நுழைந்தது, அப்போதுதான் கிராம மக்கள் புலியைப் பார்ப்பதாகப் பேச ஆரம்பித்தனர்.
கேமரா பொறி வைத்து கண்காணிப்பு
அக்டோபர் 18 அன்று, புலி ஒரு மாட்டை கொட்டகையில் இருந்து இழுத்துச் சென்றதாகவும், பசுவின் உரிமையாளர் திரும்பி வந்தபோது பாதி சாப்பிட்ட எச்சங்களைக் கண்டு அதிர்ச்சியடைந்ததாகவும் கூறப்படுகிறது. கடந்த 30 வருடங்களாக கஜபதியில் எந்தப் புலியும் காணப்படவில்லை என்பதால், அது புலியா அல்லது சிறுத்தையா என்ற சந்தேகம் வனத்துறையினருக்கு இருந்தது. ஒடிசா அதன் சொந்த புலிகள் கணக்கெடுப்பை மேற்கொண்டதால், அவர்கள் கேமரா பொறியை நிறுவி, கேமரா அதன் படத்தை மூன்று முறை பிடித்தது.
மகாராஷ்டிராவில் இருந்து ஒரிசா அந்த புலி
மேப்பிங்கிற்காக டேராடூனில் உள்ள இந்திய வனவிலங்கு நிறுவனத்திற்கு (WII) படத்தை அனுப்பிய வனத் துறை, மகாராஷ்டிராவின் பிரம்மபுரி வனப் பிரிவில் முன்பு புகைப்படம் எடுக்கப்பட்ட புலியுடன் கேமராவில் சிக்கிய படம் ஒத்துப்போவதை உறுதி செய்தனர். "புலிகள் தனித்துவமான கோடு வடிவங்களைக் கொண்டிருப்பதால், இந்த குறிப்பிட்ட புலி மகாராஷ்டிராவில் இருந்து தோன்றியது என்று அதிகாரிகள் தெரிவித்துள்ளனர்.
ஐந்து மாதத்தில் 2,000 கிமீ பயணம்
புலியின் பரவலைக் கண்காணிக்க ரேடியோ-காலரிங் சிறந்த வழி என்றாலும், புலி ஒரிசாவை அடைவதற்கு முன்பு தெலுங்கானா, ஆந்திரப் பிரதேசம் மற்றும் சத்தீஸ்கர் வழியாக 2,000 கி.மீ.க்கு மேல் பயணித்திருக்க வேண்டும் என்று அதிகாரிகள் தெரிவித்தனர். கடந்த ஒரு மாதத்தில், புலி 500 கி.மீ.க்கு மேல் நடந்து, பர்லக்கெமுண்டியில் இருந்து ஸ்ரீகாகுளம், பின்னர் ஈச்சாபுரம், இறுதியாக மீண்டும் பரலாக்கெமுண்டிக்கு சென்றது. மகாராஷ்டிராவில் இருந்து ஒடிசாவுக்கு புலி வருவது இதுவே முதல் முறை என்று வனத்துறை அதிகாரிகள் தெரிவித்தனர்.
துணை, இரை, இருப்பிடத்திற்காக பயணம்
புலி ஒரு செழிப்பான இரைக்காகவும், சாத்தியமான துணையை கண்டுப்பிடித்து கூடுவதற்காகவும், வசதியாக வாழ்வதற்காகவும் இடம் பெயர்ந்து வந்துள்ளது என அதிகாரிகள் தெரிவித்துள்ளனர். மான் மற்றும் காட்டுப்பன்றிகளை வேட்டையாடும் புலியாக அறியப்பட்டாலும், தற்போது கால்நடைகளை வேட்டையாடுகிறது. இருப்பினும், இது மனிதர்கள் ஆதிக்கம் செலுத்தும் நிலப்பரப்பில் நகர்ந்தாலும் மனிதர்களிடம் எந்த ஆக்கிரமிப்பையும் காட்டவில்லை.
