மருத்துவ உதவி தொடங்கி காத்திருப்பு அறை வரை – இலவசமாக ரயில் பயணத்தில் நமக்கு கிடைக்கும் சலுகைகள்!

நிலையங்களில் வழங்கப்படும் பொதுப் பயன்பாடுகள் மற்றும் தரமான வசதிகளை பயணிகளுக்கு வழங்கும் பொருட்டு இந்திய ரயில்வே அவ்வப்போது முன்னேற்றங்களை செய்து வருகிறது. பயணிகளின் எதிர்பார்ப்புகளை பூர்த்தி செய்யும் நோக்கில், ரயில் பயணம் மற்றும் நிலையங்களில் மேம்படுத்தப்பட்ட வசதிகளை வழங்க இந்திய ரயில்வே அனைத்து முயற்சிகளையும் மேற்கொண்டு வருகிறது. அந்த வகையில் ரயில் பயணத்திலும், ரயில் டிக்கெட்டை வைத்தும் நாம் எந்தெந்த சேவைகளை எல்லாம் இலவசமாக பெறலாம் இங்கே தொகுத்து வழங்கியுள்ளோம்!

ரயில் நிலையங்களில் இலவச Wi-Fi

ரயில் நிலையங்களில் 2 மணி நேரம் இலவச வைஃபை இணைப்பு வழங்க இந்திய ரயில்வே முன்முயற்சி எடுத்துள்ளது. பிளாட்பார்ம் மற்றும் ஸ்டேஷன் பகுதிக்கு அருகில் உள்ளவர்கள் ரயில்வே வைஃபை வசதியை அணுகலாம்.ரயில்வயர் உடன் இணைக்க, உங்கள் ஸ்மார்ட்போனின் வைஃபையை ஆன் செய்து, இந்திய ரயில்வேயில் இருந்து அனுப்பப்பட்ட அறிவிப்பை கிளிக் செய்து, உங்கள் மொபைல் எண்ணைச் சரிபார்த்து, இலவசமாக அனுபவிக்கலாம்.

காத்திருப்பு அறைகள்/ 5 நட்சத்திர லவுஞ்ச்

முன்பதிவு டிக்கெட் வைத்திருக்கும் பயணிகளுக்கு ரயில்வே காத்திருப்பு அறைகள் வழங்கப்பட்டுள்ளன. இது குறுகிய கால மற்றும் பயணிகளுக்கு இலவசம். பயணிகள் தங்கள் ரயில் வராத வரை இங்கு தங்கலாம்.

பெட்ஷீட், தலையணை இலவசமாக கிடைக்குமா

பெட்ஷீட், தலையணை ஆகியவை முதல் AC, AC 2 டயர் மற்றும் AC 3 டயர் ஆகியவ வகுப்பில் பயணிக்கும் பயணிகளுக்கு இலவசமாக கிடைக்கும். நீங்கள் ஸ்லீப்பர் வகுப்பில் இருந்தால் ரூ.25 கட்டணம் செலுத்தி இவற்றை பெற்றுக் கொள்ளலாம்

மருத்துவ வசதி எப்படி?

முதலுதவி வசதியாகப்பட்டது இந்தியாவின் அனைத்து ரயில் நிலையங்களிலும், ரயில்களிலும் கட்டாயம் கிடைக்கக்கூடிய ஒன்றாகும். ரயில் பயணத்தில் ஏதேனும் அசௌகரியம் ஏற்பட்டால் உடனே TTEயிடம் தெரிவிக்கவும். உடனே உங்களுக்கு முதலுதவி அளிக்கப்படும், கூடுதலாக அடுத்த ஸ்டேஷனில் நீங்கள் மருத்துவரிடம் அழைத்து செல்லப்படுவீர்கள்.

ரயில் நிலையங்களில் குழந்தைகளுக்கு உணவளிக்கும் அறைகள்

தன்னார்வ தொண்டு நிறுவனங்களின் ஒருங்கிணைப்புடன், குழந்தைகளுடன் பயணிக்கும் பெண்கள் தங்கள் பிறந்த குழந்தைகளுக்கு எந்த கவலையும் இல்லாமல் தனிப்பட்ட முறையில் உணவளிக்க இந்திய இரயில்வே நிலையங்களில் குழந்தைகளுக்கு உணவளிக்கும் கியோஸ்க் வசதியை இந்திய ரயில்வே வழங்குகிறது.

சானிட்டரி பேட் விற்பனை இயந்திரம்

மக்கள்தொகையில் பாதி பேருக்கு பயணத்தை எளிதாக்க, இந்திய ரயில்வே பெண்கள் கழிப்பறைகள் மற்றும் ரயில் நிலையங்களில் காத்திருப்பு அறைகளுக்கு அருகில் சானிட்டரி பேட் விற்பனை இயந்திரங்களை நிறுவியது. சானிட்டரி நாப்கின்களின் தானியங்கி விற்பனை இயந்திரத்தில் சில நாணயங்களைச் செருகிய பிறகு தேவைப்படும் பயணிகள் சானிட்டரி பேட்களைப் பெறலாம்.

ரயிலில் உணவு வசதிகள்

இப்போது பயணிகள் ரயில் பயணத்திற்கு உணவுக்காக கூடுதல் சாமான்களை எடுத்துச் செல்ல வேண்டியதில்லை. ரயிலில் உணவு விநியோகம் என்பது நமது ரயில்வேயின் பாராட்டுக்குரிய நடவடிக்கையாகும். பல இ-கேட்டரிங் நிறுவனங்கள் ரயிலில் உணவை வழங்குகின்றன.

பாதுகாப்பு குறித்த கவலைகள் உள்ளதா

பயணிகள் மற்றும் ரயில்வே சொத்துக்களின் பாதுகாப்பிற்காக இரண்டு வகையான போலீஸ் படைகள் செயல்படுகின்றன. அவர்கள் அரசு ரயில்வே போலீஸ் (ஜிஆர்பி) மற்றும் இரயில்வே பாதுகாப்புப் படை (ஆர்பிஎஃப்). ரயில்வேயில் சட்டம் ஒழுங்கை பராமரிக்கவும், கண்டறிதல் மற்றும் குற்ற விசாரணைக்காகவும் ஜிஆர்பி படை உள்ளது. RPF படை பயணிகளின் பாதுகாப்பிற்கு உதவுகிறது. குற்றவாளிகளை கைது செய்து விசாரணை நடத்தும் அதிகாரம் அவர்களுக்கு உள்ளது.

ஊனமுற்ற பயணிகளுக்கான வசதிகள்

ஊனமுற்ற பயணிகள் இந்திய ரயில்வே வழங்கும் சேவைகளைப் பெறலாம். இந்திய ரயில்வே திவ்யாங் ஒதுக்கீட்டை அறிமுகப்படுத்தி, உடல் ஊனமுற்ற பயணிகளுக்கு ஒரு இடத்திலிருந்து மற்றொரு இடத்திற்குச் செல்ல உறுதியான இருக்கைகளை வழங்குகிறது. DIVYANG ஒதுக்கீட்டின் விலை பொது ஒதுக்கீட்டை விட மலிவானது. நடக்க முடியாதவர்களுக்கு அல்லது ஒரு பிளாட்பாரத்தில் இருந்து மற்றொரு பிளாட்பாரத்திற்கு நகர்வதற்கு ஆதரவு தேவைப்படுபவர்களுக்கு ரயில்வே சக்கர நாற்காலிகளை வழங்குகிறது.

பெண்களுக்கான சிறப்பு வசதிகள்

இந்திய ரயில்வே பெண்களுக்கான பெட்டிகள் மற்றும் பயணிப்பதற்கான ஒதுக்கீட்டை அதிகரித்துள்ளது. அவசர காலத்தில் உதவி செய்ய ஹெல்ப்லைன் எண்களை வழங்கியுள்ளது. ரயில் பயணத்தின் போது பெண்களுக்காக பெட்டிகளில் போலீஸ் படைகளும் வழங்கப்பட்டுள்ளன.