Click it and Unblock the Notifications
கோவா தலைநகர் பனாஜியின் புறநகர் பகுதியில் அமைந்திருக்கும் டோனா பௌலா, வெளிநாட்டு மற்றும் உள்நாட்டு பயணிகளை ஒருசேர கவர்ந்திழுக்கும் புகழ்பெற்ற சுற்றுலாத் தலமாகும்.
டோனா பௌலா வடக்கு மற்றும் தெற்கு கோவாவுக்கும், விமான நிலையத்திலிருந்து 23 கிலோமீட்டர் தொலைவிலும் இருப்பதால் கோவாவின் மற்ற இடங்களுக்கு நீங்கள் சுலபமாக சென்று விட முடியும்.
மேலும், டோனா பௌலாவில் கேளிக்கை விரும்பிகளுக்கான கடற்கரைகளும் உள்ளன, அதேநேரத்தில் அமைதியின் இருப்பிடமாய் திகழும் கடற்கரைகளும் இருக்கின்றன. எனவே பயணிகளின் விருப்பத்திற்கேற்ப எந்த கடற்கரைக்கு வேண்டுமானாலும் செல்லலாம்.
கோவா நகர வைஸ்ராயாக போர்த்துகீசியர்கள் காலத்தில் இருந்த ஒருவரின் மகளான 'டோனா பௌலா டி மெனிசெஸ்' என்பவரின் நினைவாகவே இந்த இடம் டோனா பௌலா என்று அழைக்கப்படுகிறது.
அப்போது ஒரு உள்ளூர் மீனவன் மீது காதல் கொண்ட டோனா, அவனை மனம் செய்துகொள்ள அனுமதி மறுக்கப்பட்டதை தொடர்ந்து குன்றின் உச்சியிலிருந்து குதித்து தற்கொலை செய்துகொண்டார்.
அந்தக் குன்று இன்று காதலர்களின் சுவர்க்கம் என்று பயணிகளிடையே பிரபலமாக அறியப்படுகிறது. இது பனாஜியிலிருந்து 7 கிலோமீட்டர் தொலைவில் டோனா பௌலா கடற்கரையில் அமைந்துள்ளது.
டோனா பௌலாவில் ஏராளமான நீர் விளையாட்டுகளில் நீங்கள் விளையாடி மகிழலாம். அதோடு இங்கு ஷாப்பிங் செய்வதும் பயணிகளிடையே அதிகமாக காணக்கூடிய பொழுதுபோக்கு. ஆனால் நீங்கள் பேரம் பேசும் வித்தையை அறிந்து வைத்திருப்பது நல்லது.
டோனா பௌலாவை வாடகை கார்கள் மற்றும் பேருந்துகள் மூலம் சுலபமாக அடைந்து விடலாம். அதோடு பைக் அல்லது கார்களை தனி வாடகைக்கு எடுத்துக்கொண்டு டோனா பௌலாவுக்கு செல்வதும் சிறப்பானது. அப்படி நீங்கள் பட்சத்தில் ஆங்காங்கு காணப்படும் அகலமான அறிவுப்புப் பலகைகள் உங்களுக்கு சிறந்த வழிகாட்டியாக இருக்கும்.
