Click it and Unblock the Notifications
ஹரியானா மாநிலத்தில் உள்ள யமுனா நகரின் இரட்டை நகரத்தின் பகுதியான ஜகத்ரி நகரம் ஒரு நகராட்சி மன்றம். மேலும் இது இரட்டை நகரத்தில் உள்ள பழமையான நகரமாகும். உயர்தரமான உலோக பொருட்கள், முக்கியமாக அலுமினியம் மற்றும் ஸ்டைன்லெஸ் ஸ்டீல் தயாரிப்பதில் பெயர் பெற்றது இந்நகரம். இது போக இங்கு பல தொழிற்சாலைகளும் டிம்பர் மர வணிகமும் நடைபெறுகிறது. இங்கு லத்மர் மந்திர், கேரா மந்திர், கௌரி ஷங்கர் மந்திர், மன்சா தேவி மந்திர் மற்றும் குகா மடி மந்திர் போன்ற பழமையான கோவில்கள் உள்ளதால் இங்கு வருவது உங்களுக்கு சமயஞ்சார்ந்த அனுபவத்தையும் ஏற்படுத்தும்.
ஜகத்ரி மற்றும் அதனை சுற்றியுள்ள சுற்றுலாத் தலங்கள்
ஜகத்ரியில் பல சுவாரசியமான சுற்றுலாத் தலங்கள் அமைந்துள்ளன. இது கண்டிப்பாக சுற்றுலா பயணிகளை ஈர்க்கும் வண்ணம் இருக்கும். கலேஷ்வர் வனவிலங்கு சரணாலயம், பிலாஸ்பூர், பஞ்சமுகி ஸ்ரீ ஹனுமான் மந்திர், கபால் மோச்சன், சச்ரௌலி, தேஜாவாலா, ஆதி பத்ரி சனெட்டி போன்றவைகள் இங்குள்ள முக்கிய சுற்றுலாப் பகுதிகளாகும்.
ஜகத்ரியில் வானிலை
முக்கால்வாசி நேரம் ஜகத்ரி வெப்ப சீதோஷ்ண நிலையுடன் இருப்பதால் இங்கு கோடைக்காலம் அதிக வெப்பத்துடன் குளிர் காலம் கடும் குளிருடன் விளங்கும். இந்த நகரம் கோடை, பருவம் மற்றும் குளிர் என்று மூன்று காலங்களை சந்திக்கும்.
ஜகத்ரியை அடைவது எப்படி?
ஜகத்ரியில் இருந்து இந்தியாவிலுள்ள பல முக்கிய நகரங்களுக்கு சாலை, இரயில் மற்றும் விமானம் வழியாக சுலபமாக செல்லலாம்.
