Search
  • Follow NativePlanet
Share
» »வெறும் 25 ரூபாயில் ஓய்வு அறைகளில் தங்கிடலாமா? மிகவும் ஆச்சர்யமாக இருக்கிறதே!

வெறும் 25 ரூபாயில் ஓய்வு அறைகளில் தங்கிடலாமா? மிகவும் ஆச்சர்யமாக இருக்கிறதே!

ரயில் நிலையங்களில் ரயில்கள் தாமதமாக வருவது இந்தியாவில் மிகவும் சாதாரணமான விஷயம் தான்! அனால் அதற்காக காத்து கொண்டிருப்பவர்களுக்கு மட்டுமே அதில் உள்ள கஷ்டம் என்னவென்று தெரியும். ஆனால் இப்பொழுது அதற்கு ஒரு தீர்வு கிடைத்து இருக்கிறது மக்களே! இந்திய ரயில்வே கேட்டரிங் மற்றும் டூரிசம் கார்ப்பரேஷன் (IRCTC) பயணிகளுக்கான சொகுசு பயணத்தை வழங்க பல்வேறு முயற்சிகளை எடுத்து வருகிறது. அதில் ஒன்றாக இந்த ஓய்வு எடுக்கும் அறைகளையும் அது எப்பொழுதோ அறிமுகப்படுத்தியுள்ளது. அதன்படி ரூ. 25 இல் நீங்கள் ரயில்வே ஸ்டேஷன்களில் உள்ள ஓய்வெடுக்கும் அறைகளில் தங்கலாம். மிகவும் ஆச்சர்யமாக இருக்கிறது அல்லவா! முழு தகவல்களும் இதோ!

Railway station

ரயில்களுக்காக காத்திருப்பதில் ஏற்படும் சிக்கல்

ரயில் நிலையங்களில் ரயிலுக்காக காத்திருப்பவர்களுக்கு மட்டுமே அதில் உள்ள சிக்கல்கள் என்னவென்று தெரியும். நாம் கொண்டு வந்த உடமைகளை பார்த்துக் கொள்ள வேண்டும், குழந்தைகளை கவனமாக பார்த்துக்கொள்ள வேண்டும், போனில் சார்ஜ் இல்லையென்றாலும் எங்கும் நகர முடியாது, உணவு உண்ண கூட யோசிக்க வேண்டியதாக இருக்கும். ஆமாம் தானே! இந்த இடைப்பட்ட நேரங்களில் ரயில்களை தவறவிட்டால் என்ன செய்வது. ஆனால் இதற்கு எல்லாம் ஓய்வு அறைகள் சிறந்த தீர்வாக உள்ளன.

முன்பதிவு டிக்கெட் அவசியம்

ஓய்வு பெறும் அறை ஒற்றை மற்றும் இரட்டை வகைகளில் உள்ளது. தங்கும் அறைகளில் ஏசி மற்றும் ஏசி அல்லாத அறைகள் என பல வகைகளில் அறைகள் உள்ளது. உங்கள் வசதிக்கேற்ப நீங்கள் ஓய்வு அறைகளில் தங்கி கொள்ளலாம். ஓய்வு அறைகளை முன்பதிவு செய்வதற்கு முன் முதல் மற்றும் அவசியமான தேவை உறுதிப்படுத்தப்பட்ட டிக்கெட்டை வைத்திருக்க வேண்டும். ஆன்லைன் மற்றும் ஆஃப்லைன் பயன்முறையில் மூல மற்றும் சேருமிட நிலையங்களில் மட்டுமே ஓய்வு அறைகளை முன்பதிவு செய்ய முடியும்.

Railway station

இரயில் நிலையங்களில் IRCTC யின் ஓய்வு பெறும் அறைகள்

IRCTC நாட்டின் சில முக்கிய ரயில் நிலையங்களில் ஓய்வு அறைகளை வழங்குகிறது. ஓய்வுபெறும் அறைகள் தங்கும் வசதிகள் ஆகும், அங்கு பயணிகள் தங்கள் இரயில் பயணத்திற்குப் பிறகு அல்லது அதற்கு முன் தங்கலாம். ஓய்வு அறைகளுக்கான கட்டணம் மூன்று மணிநேரத்திற்கு 25 ரூபாயும் மற்றும் 24 மணிநேரத்திற்கு 100 ரூபாயும் வசூலிக்கப்படும். குறைந்தபட்சம் ஒரு மணிநேரம் முதல் அதிகபட்சம் 48 மணிநேரம் வரை அறைகளை முன்பதிவு செய்யலாம். மணிநேரம் முன்பதிவு செய்யும் வசதி அனைத்து நிலையங்களிலும் இல்லை. உங்களின் பயணிகள் முன்பதிவு முறைமை டிக்கெட்டின் (PRS) படி 120 நாட்களுக்கு முன்பே உங்கள் அறைகளை எளிதாக பதிவு செய்யலாம்.

IRCTC ஓய்வு அறை வசதியை எவ்வாறு பதிவு செய்வது

ஸ்டெப் 1: IRCTC சுற்றுலா இணையதளத்திற்குச் சென்று முதன்மை மெனு ஐகானைக் கிளிக் செய்து, ஓய்வுபெறும் அறைகளைத் தேர்ந்தெடுக்கவும் அல்லது நேரடியாக இணைப்பைக் https://www.rr.irctctourism.com/#/accommodation/in/ACBooklogin கிளிக் செய்யவும்.

ஸ்டெப் 2: உங்கள் IRCTC கணக்கில் உள்நுழையவும்.

ஸ்டெப் 3: உங்கள் PNR எண்ணை உள்ளிட்டு தேடலை கிளிக் செய்யவும்

ஸ்டெப் 4: எந்த ஸ்டேஷனில் தங்குவது என்பதை முடிவு செய்து, அதற்கேற்ப ஸ்டேஷனைத் தேர்ந்தெடுத்து, மூலத்தில் முன்பதிவு செய்யவும் அல்லது சேருமிடத்தை முன்பதிவு செய்யவும்.

ஸ்டெப் 5: செக்-இன்/செக்-அவுட் மற்றும் தேதி, படுக்கையின் வகை மற்றும் ஏசி அல்லது ஏசி அல்லாத அறையின் வகை மற்றும் ஒதுக்கீடு ஆகியவற்றை உள்ளிடவும்.

அவ்வளவு தான் உங்கள் ஓய்வறை ரெடியாகி விட்டது.

Railway station

ரத்து செய்யும் முறை

ஸ்டெப் 1: IRCTC சுற்றுலா இணையதளத்தைப் பார்வையிடவும்: http://www.irctctourism.com/

ஸ்டெப் 2: IRCTC நற்சான்றிதழ்கள் அல்லது விருந்தினர் உள்நுழைவுடன் உள்நுழையவும்.

ஸ்டெப் 3: கீழே ஸ்க்ரோல் செய்து முன்பதிவு செய்த டிக்கெட் விருப்பத்தை கிளிக் செய்யவும்.

ஸ்டெப் 4: ஓய்வுபெறும் அறை முன்பதிவு செய்யப்பட்ட டிக்கெட் விருப்பத்தைத் தேர்ந்தெடுத்து, ரத்துசெய் என்பதைக் கிளிக் செய்வதன் மூலம் உங்கள் அறையை ரத்துசெய்யவும்.

இவ்வளவு தான் மிகவும் சுலபமான முறையில், உங்கள் ஓய்வறைகளை முன்பதிவு செய்யலாம். அதன்படியே ரத்து செய்யலாம் பயணிகளே!

Read more about: indian railways irctc
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X