மஹா சிவராத்திரி அன்று சென்னையில் உள்ள இந்த சிவன் ஆலயங்களுக்கு செல்லுங்கள் – நினைத்தது கிடைக்கும்!

எம்பெருமானின் பூரண அருள் கிடைக்க வேண்டும் என்று எண்ணுபவர்கள் கட்டாயம் மஹா சிவராத்திரி விரதம் கடைபிடிப்பது அவசியம். மாதந்தோறும் வரும் சிவராத்திரி கடைபிடிக்க முடியாதவர்கள் இந்த ஒரு நாளில் அய்யனை நினைத்து பூஜித்தால் போதும், சிவபெருமான் நம்மோடு கலப்பதை நாம் உணரலாம். இந்த நன்னாளில் ஆலய வழிபாடு என்பது கூடுதல் நன்மைகளை கொடுக்கும். சென்னையில் உள்ள இந்த பழங்கால பிரசித்தி பெற்ற சிவன் ஆலயங்களுக்கு சென்று வாருங்களேன்! அடுத்த சிவராத்திரிக்குள் வாழ்வில் மாற்றம் என்பது நிச்சயம்! அந்த அற்புதமான கோவில்களின் லிஸ்ட் இதோ! சிவனுக்குரிய விரதங்களில் முதன்மையானது சிவராத்திரி விரதம். சிவராத்திரி விரதம் ஐந்து வகைப்படும். அவை நித்திய சிவராத்திரி, மஹா சிவராத்திரி, யோக சிவராத்திரி, பட்ச சிவராத்திரி, மாத சிவராத்திரி ஆகும். இவற்றில் மஹா சிவராத்திரி என்பது மாசி மாதம் தேய்பிறை சதுர்த்தசி த்தியில் வருவது. அந்த வகையில் 2023 ஆம் ஆண்டு மஹா சிவராத்திரி பிப்ரவரி 18 ம் தேதி வருகிறது. அன்று சனிப் பிரதோஷம் இனைந்து வருவது கூடுதல் சிறப்பம்சமாகும். மாலை 6 மணி முதல் மறுநாள் ஞாயிற்றுக்கிழமை காலை 6 மணி வரை சிவன் கோயில்களில் சிறப்பு பூஜை, அபிஷேகம் நடைபெறும். அப்போது சிறப்பாக செய்யப்படும் நான்கு கால அபிஷேக பூஜைகளில் பங்கேற்று சிவனை வழிபட்டால் கோடி புண்ணியம் கிடைக்கும். சனிக்கிழமை அபிஷேகம் பார்த்தவர்கள், மறுநாள் ஞாயிரன்று காலையில் நீராடிவிட்டு பகல் முழுவதும் தூங்காமல் இருந்து விரதத்தை நிறைவு செய்ய வேண்டும். சென்னை மற்றும் சென்னையைச் சுற்றி ஏராளமான பழங்கால சிவன் கோவில்கள் உள்ளன. மஹா சிவராத்திரியன்று சென்னையில் உள்ள இந்த பிரசித்தி பெற்ற சிவாலயங்களுக்கு சென்று அய்யனை நினைத்து மனமுருகி வேண்டிக் கொள்ளுங்கள். மீதி அனைத்தையும் அவர் பார்த்துக் கொள்வார். சென்னையில் உள்ள சிவாலயங்களிலேயே மிகவும் பழமையானது இந்த ஆதிபுரீஸ்வரர் மற்றும் வடிவுடை அம்மன் கோவில் தான். தியாகராஜ சுவாமி கோவில் என்றும் அழைக்கப்படும் இக்கோயில் வட சென்னை திருவொற்றியூரில் அமைந்துள்ளது. ஏழாம் நூற்றாண்டில் பாண்டவர்களால் கட்டப்பட்ட இக்கோயில் பின்னர் சோழர்களால் விரிவுபடுத்தப்பட்டதாக கூறப்படுகிறது. இது பாடல் பெற்ற ஸ்தலம் என்பது குறிப்பிடத்தக்கது. மண்ணினால் ஆன ஆதிபுரீஸ்வரர் ஒரு வெள்ளி ஓடு போட்டு மூடப்பட்டிருப்பார். மஹா சிவராத்திரி தினத்தன்று மட்டுமே அந்த ஓட்டை எடுத்து தைல அபிஷேகம் செய்வார்கள். அபிஷேகம் செய்த தைலம் பக்தர்களுக்கு பிரசாதமாகவும் வழங்கப்படுகிறது. சிவராத்திரியன்று இந்த கோவில் விழாக்கோலம் பூணுகிறது. தமிழ்நாட்டின் சென்னை புறநகர்ப் பகுதியில் உள்ள திருவேற்காட்டில் உள்ள புகழ்பெற்ற வேதபுரீஸ்வரர் கோயில் பாடல் பெற்ற சிவஸ்தலமாகும். சிவபெருமான் அகஸ்தியர் முனிவருக்கு இத்தலத்தில் பார்வதி தேவியுடன் திருமண தரிசனம் அளித்ததாகக் கூறப்படுகிறது.அகஸ்தியர் முனிவர் (வடக்கே இமயமலையில் நடைபெற்றுக் கொண்டிருந்த) திருமணத்தில் நேரில் கலந்து கொள்ள முடியவில்லை, ஏனெனில் அவர் தெற்கு நோக்கிச் சென்று பூமியின் சமநிலையைப் பராமரிக்க சிவபெருமானால் அனுப்பப்பட்டார். அகத்தியர் மனமுருகி வேண்டிக் கொண்டதன் பேரில் சிவபெருமானும் பார்வதி தாயாரும் திருமணக் கோலத்தில் அவருக்கு காட்சியளித்தனர். காமதேனு என்ற பசுவானது வசிஷ்ட முனிவரின் சாபத்தைப் போக்க இங்கு சிவனை வழிபட்டது. தினமும் தன் பால் இறைவனுக்குப் படைத்து வந்தாள். ஒரு நாள் சில அரசரின் ஆட்கள் அவளைப் பிடிக்க முயன்றபோது, அவள் தப்பிக்க முயன்றபோது தவறுதலாகத் தன் குளம்புகளால் லிங்கத்தைத் தாக்கினாள். லிங்கம் இன்றும் குளம்பு அடையாளங்களுடன் உள்ளது, மேலும் இறைவன் பால்வண்ணநாதர் என்று அழைக்கப்படுகிறார். வால்மீகி முனிவரும், திருஞானசம்பந்தரும், திருநாவுக்கரசரும் இங்கு வழிப்பட்டதாக சான்றுகள் கூறுகின்றன. சிவாலயங்கள் என்று வரும் போது சென்னை மயிலாப்பூரில் உள்ள புகழ்பெற்ற கபாலீஸ்வரர் கோயிலை யாரும் மறந்திட முடியாது. தேவி பார்வதியான கற்பகாம்பாள் மயில் வடிவில் இங்கு சிவபெருமானை வழிபட்டதாக கூறப்படுகிறது. அதனால் அந்த இடம் மயிலாப்பூர் என்று அழைக்கப்படுகிறது. திருஞான சம்பந்தர், சிவன் பக்தரான சிவநேச செட்டியாரின் மகளான பூம்பாவையை சாம்பலில் இருந்து (அவள் பாம்பு கடித்து இறந்த பிறகு) வாழ்க்கையை மீட்டெடுத்தார். மஹா சிவராத்திரி அன்று மயிலை ஜொலிக்கும். இங்கு சென்று வருவது மிகவும் விசேஷமாகும். சென்னை திருமுல்லைவாயலில் உள்ள புகழ்பெற்ற மாசிலாமணீஸ்வரர் கோயில் பாடல் பெற்ற சிவஸ்தலமாகும். ஒரு மன்னன் தன் யானையின் கால்களில் சிக்கிய படர்தாமரைகளை அகற்றிய போது முல்லைப் படர்களில் சிவலிங்கம் காணப்பட்டதாகக் கூறப்படுகிறது. மன்னன் சிவலிங்கத்தை நிறுவி, சிவனின் அருளால் போரில் வெற்றி பெற்றான். பகைவரிடம் இருந்து ஜெயிக்க, நினைத்த காரியங்களில் வெற்றி பெற இங்கு வருகை தருவது அவசியம். யானையின் பின்பகுதியை ஒத்திருக்கும் கோயிலின் கட்டிடக்கலை கஜ கட்டிடக்கலை என்று அழைக்கப்படுகிறது. கோயிலின் முக்கிய தெய்வம் திருவள்ளீஸ்வரர் மற்றும் பெண் தெய்வம் ஜகதாம்பிகை. மேலும் சன்னதியின் உட்புறச் சுவர்களில் சூரியக் கடவுள், தட்சிணாமூர்த்தி மற்றும் பிரம்மா மற்றும் துர்க்கை ஆகியோரின் சிலைகளை காணலாம். பரத்வாஜ முனிவர் வழிபட்ட கோயிலில் ஒரு புனித சிவலிங்கமும் உள்ளது. 1000 ஆண்டுகள் பழமையான சிவன் கோயிலான தேனுபுரீஸ்வரர் கோயில் தென் சென்னை மாதம்பாக்கம் நகரில் உள்ளது. சமஸ்கிருதத்தில் தேனு எனப்படும் பசுவிற்கு இங்கு மோட்சம் வழங்கப்பட்டதால் இக்கோயிலுக்கு தேனுபரீஸ்வரர் என்று பெயர். பிரதான கோவிலில் 6 அங்குல நீளமுள்ள சிவலிங்கம் உள்ளது, தேனுபுரீஸ்வரர் கிழக்கு நோக்கியும், அவரது மனைவி பார்வதி தெற்கு நோக்கியும் தனி சன்னதியில் உள்ளனர். இங்குள்ள சிவனின் லிங்க வடிவம் சுயம்பு லிங்கமாகும்.மேற்கூறியவை மட்டுமின்றி, கீழே கொடுக்கப்பட்டுள்ள கோவில்களுக்கும் கூட நீங்கள் செல்லலாம்;1. ஸ்ரீ மங்களேஸ்வரர் கோவில், அரும்பாக்கம்2. ஸ்ரீ குருங்கலீஸ்வரர் கோயில், கோயம்பேடு3. ஸ்ரீ ஆத்மலிங்கேஸ்வரர் கோயில், நெற்குன்றம்4. ஸ்ரீ அர்த்தநாரீஸ்வரர் கோயில், நங்கநல்லூர்5. ஸ்ரீ அகத்தீஸ்வரர் கோயில், அனகபுத்தூர்6. ஸ்ரீ தண்டேஸ்வரர் கோயில், வேளச்சேரி7. ஸ்ரீ வேர்கட்டீஸ்வரர் கோயில், திருவேற்காடு8. ஸ்ரீ பரத்வாஜீஸ்வரர் கோயில், கோடம்பாக்கம்9. ஸ்ரீ வைத்தீஸ்வரர் கோயில், பூந்தமல்லி10. ஸ்ரீ வெங்கலீஸ்வரர் கோயில், வடபழனிமஹா சிவராத்திரி அன்று தமிழகம் முழுக்க உள்ள ஏனைய கோவில்களும் விசேஷமாக இருக்கும். வீட்டில் பூஜை செய்து வழிப்பட்ட உடன், இந்த கோயில்களில் ஏதேனும் ஒன்றிற்கு சென்று மனமுருகி அய்யனை நினைத்து வழிபடுங்கள். உங்கள் வேண்டுதல்கள் எம்பெருமானின் செவிகளில் விழும், உங்களுக்கு தேவையானவற்றை அய்யன் கொடுப்பார்! ஓம் நமசிவாய!