எங்க பார்த்தாலும் பசுமை மட்டும் தான் – தென்னிந்தியாவின் அழகான டாப் 7 சுற்றுலாத் தலங்கள்!

ஒட்டுமொத்த இந்தியாவும் மிக அழகாக இருந்தாலும், தென்னிந்தியா ஒரு தனித்துவமான இயற்கை அழகுடன் பசுமையாக காணப்படுகிறது. இந்தியாவின் இந்தப் பகுதியில் உள்ள தாவரங்கள் மற்றும் விலங்கினங்களின் பன்முகத்தன்மை மற்ற எவற்றோடும் ஒப்பிடமுடியாது. இந்த அழகான சுற்றுலாத் தலங்கள் முழுக்க முழுக்க பசுமையால் மட்டுமே நிரம்பியுள்ளது! இந்த இடங்களுக்கு சுற்றுலா சென்று வருவதன் மூலம், உங்களின் மனதும் கண்களும் புத்துணர்ச்சி அடையும்!

மூணாறு, கேரளா

மேற்கு தொடர்ச்சி மலையில் கடல் மட்டத்திலிருந்து 1600 மீ உயரத்தில் அமைந்துள்ள இந்த பிரபலமான மலைவாசஸ்தலம் தேனிலவு சுற்றுலாவிற்கு பிரபலமானது. விசித்திரமான இந்த நகரம் பசுமையான காடுகள், தேயிலை தோட்டங்கள் மற்றும் நீலகிரி தஹ்ர் போன்ற வனவிலங்குகள், நீலக்குறிஞ்சி போன்ற தாவரங்களுக்கு தாயகமாக உள்ளது. மக்கள் அழகிய பள்ளத்தாக்கில் தரமான நேரத்தை செலவிட முடியும், மேலும் இந்த மலைப்பகுதி அமைதியான ஏரிகள், ஆறுகள் மற்றும் பாறை நிலப்பரப்புகளால் நிறைந்துள்ளது. பைக்கிங், ட்ரெக்கிங், கேம்பிங், டீ எஸ்டேட் சுற்றுலா மற்றும் பலவற்றையும் நீங்கள் அனுபவிக்கலாம்.

கொடைக்கானல், தமிழ்நாடு

அதன் கனவு மற்றும் காதல் அதிர்வு காரணமாக, தமிழ்நாட்டில் உள்ள கொடைக்கானல் குறிப்பாக ஒரு மறக்க முடியாத அனுபவத்தை அளிக்கிறது. காற்றில் வீசும் பைன் மரத்தின் திருப்திகரமான வாசனை, ரோஜா இதழ்களில் பனித்துளிகள், இதமான வானிலை என கொடைக்கானல் நம்மை வரவேற்கிறது. பில்லர் ராக்ஸ், பிரையண்ட் பார்க், தலையார் நீர்வீழ்ச்சி, மன்னவனூர் ஏரி, செட்டியார் பூங்கா, பியர் சோலா நீர்வீழ்ச்சி, பசுமை பள்ளத்தாக்கு, வட்டக்கனல் என பல சுற்றுலாத் தலங்கள் இருந்தாலும், ஒவ்வொன்றும் தனித்துவமான முறையில் பசுமையாக காட்சியளிக்கிறது.

குத்ரேமுக், கர்நாடகா

கர்நாடகாவில் உள்ள அமைதியான மலைவாசஸ்தலமான குத்ரேமுக், அடர்ந்த காடுகள் மற்றும் பசுமையான புல்வெளிகளால் உருவாக்கப்பட்ட இயற்கை அழகுக்காக பிரபலமானது. குத்ரேமுக் சிகரத்தின் வடிவம் குதிரையின் முகத்தை ஒத்திருப்பதால் அதற்கு குத்ரேமுக் என்று பெயர் வந்தது. ட்ரெக்கிங் செய்பவர்களுக்கும் இயற்கை ஆர்வலர்களுக்கும் ஏற்ற இடமாக திகழும் குத்ரேமுக் பல்லுயிர் பெருக்கத்தின் நகரமாக, சுற்றிப் பார்ப்பதற்கு பல இடங்களைக் கொண்டுள்ளது. அதில் குத்ரேமுக் தேசிய பூங்கா, ஹனுமான் கண்டி நீர்வீழ்ச்சி, கங்கமூலா, லக்யா அணை, ஹொரநாடு மற்றும் கடம்பி நீர்வீழ்ச்சி ஆகியவை கட்டாயம் பார்க்க வேண்டிய இடங்களாகும்.

குமரகம், கேரளா

அமைதியான வேம்பநாடு ஏரியின் கரையில் அமைந்துள்ள குமரகம், அதன் மினுமினுக்கும் உப்பங்கழிகளுக்கு பெயர் பெற்றது. தென்னந்தோப்புகளுக்கு இடையே படகில் அமர்ந்து இயற்கை காட்சிகளை ரசிக்க ஆயிரக்கணக்கான சுற்றுலா பயணிகள் இங்கு வருகிறார்கள். சைபீரியன் நாரை, ஈக்ரெட்ஸ், நீர்ப்பறவைகள் மற்றும் பலவற்றை உள்ளடக்கிய இப்பகுதியின் பறவைகளை ஆராய்வதோடு நீங்கள் இங்கு மீன் பிடித்து மகிழலாம். குமரகம் பறவைகள் சரணாலயம், அருவிக்குழி நீர்வீழ்ச்சி, குமரகம் கடற்கரை, வேம்பநாடு ஏரி மற்றும் ஜமா மஸ்ஜித் இங்கு கட்டாயம் பார்க்க வேண்டிய இடங்களாகும்.

முதுமலை, தமிழ்நாடு

தமிழ்நாட்டின் தென் பகுதியில் அமைந்துள்ள இந்த அழகிய இடம், அழிவின் விளிம்பில் உள்ள புலிகளை பாதுகாக்கும் பொறுப்பில் உள்ள முதுமலை தேசிய பூங்காவிற்கு இது மிகவும் பிரபலமானது. எந்தவொரு விலங்கு பிரியரும் அவற்றின் இயற்கையான வாழ்விடங்களில் பார்க்கவே விரும்புவார்கள். அதற்கு இதுவே ஒரு சிறந்த இடமாகும். ஜங்கிள் சஃபாரி மற்றும் தெப்பக்காடு யானைகள் முகாம் ஆகியவை இங்கு கட்டாயம் பார்க்க வேண்டிய இடங்களாகும். புலிகள், சோம்பல் கரடிகள், கோடிட்ட ஹைனாக்கள், தங்க நரிகள் மற்றும் ஆசிய யானைகளைக் காண முதுமலை தேசியப் பூங்காவிற்குச் செல்லுங்கள்.

வயநாடு, கேரளா

வயநாடு அதன் பெயருக்கு ஏற்றாற்போலவே வயல்களுக்கு நடுவே அழகான சொர்க்கம் போல காட்சியளிக்கிறது. முற்றிலும் பசுமையால் சூழப்பட்டுள்ள இந்த நகரம் நீரோடைகளால் பிரிக்கப்படுகின்றது. மீன்முட்டி நீர்வீழ்ச்சி, செம்ப்ரா சிகரம், திருநெல்லி கோயில் மற்றும் கந்தன்பாரா நீர்வீழ்ச்சி ஆகியவை வயநாட்டில் பார்க்க வேண்டிய இடங்களாகும்.

குடகு, கர்நாடகா

இந்தியாவின் ஸ்காட்லாந்து என்று குறிப்பிடப்படும் குடகு தென்னிந்தியாவில் உள்ள சிறந்த மலைவாசஸ்தலங்களில் ஒன்றாகும். கம்பீரமான அழகு, சாகச விளையாட்டு மற்றும் பசுமையான சூழல் ஆகியவற்றிற்கு பெயர் போன இந்த இடம் ஆண்டு முழுவதும் விடுமுறை செல்ல ஒரு சிறந்த இடமாக திகழ்கிறது. அபே நீர்வீழ்ச்சி, துபாரே யானைகள் முகாம், ராஜா இருக்கை, நாகர்ஹோலே தேசிய பூங்கா, ஓம்காரேஸ்வரா கோயில், மடிகேரி கோட்டை, பிரம்மகிரி மலைகள், தலக்காவேரி, பொற்கோயில் பைலகுப்பே ஆகியவை இங்கு கட்டாயம் பார்க்க வேண்டிய இடங்களாகும்.