மேகங்களுடன் தொட்டு, மேகங்களுக்கு நடுவே நடந்து செல்ல வேண்டுமா – இந்தியாவின் இந்த இடங்களுக்கு செல்லுங்கள்!

சிறு வயதிலிருந்தே நம் அனைவர்க்கும் மேக கூட்டங்களுக்கு நடுவே நடந்து செல்ல வேண்டும், மேகத்தை தொட்டு பார்க்க வேண்டும், அவற்றின் அழகை ரசிக்க வேண்டும், போட்டோ எடுக்க வேண்டும் என்ற எண்ணம் இருக்கும். உங்கள் சிறு வயது கனவை நிறைவேற்றக்கூடிய பிரமிக்க வைக்கும் இடங்களின் பொக்கிஷம் நம் நாட்டிலேயே அதிகம் உள்ளன என்று உங்களுக்கு தெரியுமா? உங்களைக் கடந்து செல்லும் மேகங்களின் கண்கவர் காட்சியை உங்கள் உணர்விற்கு பரிசளிக்க வேண்டும் என்ற வலுவான விருப்பம் உங்களுக்கு இருந்தால், இந்தியாவில் உள்ள இந்த அழகிய இடங்களுக்கு ஒரு ட்ரிப் பிளான் பண்ணுங்கள்!குடகு, கர்நாடகாஎங்கும் மேகங்களால் சூழப்பட்டுள்ள, இந்தியாவின் ஸ்காட்லாந்து என்று அழைக்கப்படும் கூர்க் மிகவும் கவர்ச்சியான மலைவாசஸ்தலங்களில் ஒன்றாகும். காபி தோட்டங்கள் மற்றும் தேயிலை தோட்டங்கள் உங்கள் ஆன்மாவை புத்துணர்ச்சியூட்டும் என்பதில் எந்த சந்தேகமும் இல்லை. இந்த அழகிய இடம் எப்பொழுதுமே மூடுபனியுடன் இருப்பதால், ஆண்டு முழுவதும் ஒரு இதமான காலநிலையை வழங்குகிறது. நீங்கள் மேகங்களுடன் விளையாட வேண்டும் என்ற குடகு மலையின் தலை காவிரி இடத்திற்கு சென்று பாருங்கள். மெய் மறந்து போவது உறுதி!கொடைக்கானல், தமிழ்நாடுஇயற்கையின் அழகிய மற்றும் கண்கவர் காட்சியுடன் மலைவாசஸ்தலங்களின் இளவரசி என்று புகழ்பெற்று விளங்கும் கொடைக்கானல் ஒரு பிரபல தேனிலவு மலைவாசஸ்தலமாகும். கொடைக்கானலுக்கு செல்லும் அனைவரும் அங்குள்ள உயரிய சிகரங்களுக்கு சென்று பார்த்தால், மேகங்கள் உங்களை உரசி போவதை உணர முடியும். முழு கொடைக்கானலின் அழகையும் இந்த சிகரங்கள் மீது ஏறி நின்று ரசிக்க இது ஒரு சிறந்த வழி என்றே சொல்லலாம்.லம்பாசிங்கி, ஆந்திரப் பிரதேசம்லம்பசிங்கி என்பது விசாகப்பட்டினத்தின் சிந்தபல்லே மண்டலத்தின் கிழக்குத் தொடர்ச்சி மலையில், கடல் மட்டத்திலிருந்து 3000 அடி உயரத்தில் உள்ள ஒரு சிறிய கிராமமாகும், இது விசாகப்பட்டினத்திலிருந்து சுமார் 3-மணிநேர இயற்கை எழில் கொஞ்சும் பயணத்தில் உள்ளது. லம்பசிங்கி அதன் குளிர் காலநிலைக்கு பிரபலமானது, சில சமயங்களில் பூஜ்ஜிய C வரை பனிப்பொழிவுடன் செல்கிறது, மேலும் குளிர்காலத்தில் காலையில் ஆழ்ந்த மூடுபனியுடன் இலையுதிர் காடுகளால் மூடப்பட்டிருக்கும்.சிம்லா, இமாச்சலப்பிரதேசம்ஹில் ஸ்டேஷன்களின் ராணி என்று அழைக்கப்படும் சிம்லா அதன் கம்பீரமான காட்சிகளால் எப்போதும் சுற்றுலாப் பயணிகளின் விருப்பமான விடுமுறை இடமாக இருந்து வருகிறது. எந்த காலநிலையிலும் சிம்லாவுக்குச் செல்வது அற்புதமான அனுபவமாக இருக்கும், குறிப்பாக குளிர் காலத்தில், பனிப்பொழிவை நீங்கள் கண்டு ரசிக்கலாம். மீதி காலங்களில் மேகங்களுக்கு நடுவே நீங்கள் நடந்து செல்லலாம். சிம்லாவுக்கு அருகிலுள்ள பல வரலாற்று இடங்கள். மால் சாலை நகரின் இதயம் ஷாப்பிங், குளிர்காலத்தில் ஐஸ் ஸ்கேட்டிங் என சிம்லா நம்மை அசத்துகிறது.டார்ஜிலிங், மேற்கு வங்காளம்தேயிலை தோட்டங்கள் மற்றும் பனி மூடிய மலைகளுக்காக ஏற்கனவே உலகப் புகழ் பெற்ற டார்ஜிலிங், இயற்கையின் மிக அழகிய மற்றும் பரந்த காட்சிகளை வழங்குகிறது. சிறந்த அம்சம் என்னவென்றால், நீங்கள் வேறு எங்கும் பார்த்திராத காஞ்சன்ஜங்கா மலையின் மயக்கும் காட்சியைப் பெறுவீர்கள். பசுமையான நிலப்பரப்பு மற்றும் மேக கூட்டங்கள் மற்றும் அழகிய காட்சிகள் என டார்ஜிலிங் உங்கள் வாழ்நாளில் மறக்க முடியாத அனுபவத்தைக் கொடுக்கும்.லோனோவாலா, மகாராஷ்டிராகுறிப்பாக மழைக்காலங்களில் லோனாவாலாவிற்கு ஒரு விசிட் அடிப்பது ஒரு விவரிக்க முடியாத அனுபவம் என்றே கூறலாம்! இயற்கையானது அதன் ஏராளமான பசுமை, மகிமை மற்றும் மேகங்களின் கூட்டங்கள் என கண்களுக்குத் தெரியும் வரை பரவசத்தின் பரந்த காட்சிகள் தான். மலையேற்றம் மற்றும் அதன் வசீகரத்தில் ஈடுபடுவது போன்ற சிலிர்ப்பான செயல்பாட்டிற்கு உங்கள் குழுவை இங்கு அழைத்துச் செல்லுங்கள்.நந்தி மலைகள், கர்நாடகாபெங்களூரில் இருந்து சுமார் 65 கிமீ தொலைவில் அமைந்துள்ள இந்த இடத்தில், உன்னதமான சூரிய உதயத்தால் வரையப்பட்ட தனித்துவமான சாயல்களை உள்ளடக்கிய அடிவானத்தின் கண்கவர் காட்சிகளை நீங்கள் காணலாம். நந்தி மலைகள் உறங்கும் காளையின் வடிவத்தில் புகழ்பெற்ற மலைகளின் தொகுப்பைக் கொண்ட ஒரு மறைக்கப்பட்ட சொர்க்கமாகும், இது உங்கள் மனதைக் கவரும் அளவுக்கு வசீகரிக்கும் காட்சிகளை வழங்குகிறது. அந்த மலைகளின் மீது ஏறி, ஒரு விசித்திரக் கனவைப் போல, உங்களுக்குக் கீழே மிதக்கும் பஞ்சுபோன்ற மேகங்களின் வெண்ணிறத் தாளை நீங்கள் இங்கே கண்டு மகிழலாம்.பெல்லிங், சிக்கிம்பனியால் மூடப்பட்டிருக்கும் இமயமலையின் அற்புதமான காட்சிகளைக் காண மேற்கு சிக்கிமில் அமைந்துள்ள இந்த அழகிய கிராமத்திற்கு சென்றால் போதும். அதோடு பெல்லிங்கில் மேகங்கள் உங்கள் தோல் உரசி செல்வதையும் ரசித்துக் கொண்டே இந்த இடத்தின் அழகையும் அமைதியையும் நீங்கள் காணலாம். குறிப்பாக மலை மீது நின்று சூரிய உதயம் மற்றும் சூரிய அஸ்தமனம் காண தவறாதீர்கள்.